San Juan 19:9 - El Nuevo Testamento

⁹ Tjumeꞌe íjngo kuixinꞌin xa nchia tetuanxin xa ko juanchangiꞌe xa ndo Jesús: ―¿No juixian? Ko ndo Jesús xroꞌan ngeꞌe juateꞌe ndo.

San Juan 19:9 Referans Kwoze

San Juan 18:33

Tjumeꞌe xi Pilato íjngo kuixinꞌin xa nchia tetuanxin xa ko kuiyeꞌe xa ndo Jesús ko juanchangiꞌe xa ndo: ―¿Á jaꞌa xi Rey tetuenꞌen ni judío?

Filipenses 1:28

Ko xrakuenꞌanta chujni ningakonꞌannta. Jaꞌanta soji tinteenta, jaña tsjakonta ixi chujni meꞌe tsitjáña na̱, ko jaña tjako kaxon ixi jaꞌanta tsaricho̱nnta kain nchakon ixi meꞌe ti tajon ndo Dio.

San Juan 8:14

Ko juatingíexin ndo Jesús: ―Ngeꞌe nichjaxin janꞌon tjintee ixi nóna no juixin ko nóna no satsji. Ko jaꞌanta noaꞌinta no juixin ko no satsji.

Mateo 26:63

Ko ndo Jesús nichjaꞌi ndo. Ko ndachro xitaana ícha tetuanꞌan: ―Janꞌan tituanꞌan ixi nombrée ndo Dio, ndo jichón, ixi xrondachijiana, ¿á jaꞌa ndo Cristo, Chjenꞌen ndo Dio?

San Juan 18:37

Ko ndachro xi Pilato: ―Jaꞌa, ¿á nduaxin naa xi rey? Ko juateꞌe ndo Jesús: ―Jaán, janꞌan rey xranchi jaꞌa ndachrua. Janꞌan juiꞌi nunte xasintajni ixi xronichja ti nduaxin. Kain sen titikaon ngeꞌe nduaxin, sen meꞌe tinꞌen ngeꞌe tjako.

Mateo 27:27

Ko xi soldadoe xi Pilato bikao na̱ ndo Jesús ti jii ntasien nchia tituanxin na̱ ko ntiꞌa xejo kain xi soldado.

San Lucas 23:9

Ko xi Herodes juanchangiꞌe xa ndo Jesús itsjé ngeꞌe ko jeꞌe ndo xroꞌan ngeꞌe juatingíexin ndo.

San Juan 18:28

Kuachrjexin na̱ ndoꞌa xi Caifás, sabikao na̱ ndo Jesús ti nchia ijié tetuanxin xi gobernador. Ko ó kuaxi jitingasáña ko ni judío kuixinꞌa na̱ nchia meꞌe ixi jaña xrokuamaꞌi na̱ ijie̱, ne̱ juaꞌi sine na̱ kia Pascua.

San Juan 18:34

Ko ndachro ndo Jesús: ―Ti ngeꞌe tjanchangina̱na, ¿á jaꞌua xraxaoan jaña?, o̱, ¿á ixi inaa na̱ jaña ndachro na̱?

San Juan 19:8

Ko nchakon kuinꞌen xi Pilato jiꞌi ícha xronka xa.

San Juan 19:10

Ko ndachro xi Pilato: ―¿Sonda tjate̱eꞌa? ¿Á noaꞌia ixi janꞌan chonda juachaxin tsetuanꞌan na̱ tankanitua na̱ nta̱cru o̱ kaxon chonda juachaxin tsajanda satsjia ko xroꞌan ngeꞌe tsonꞌan?