San Juan 19:4 - El Nuevo Testamento

⁴ Ko xi Pilato íjngo kuachrjexin xa nchia tetuanxin xa, ko ndache xa ni tsixraꞌo ntiꞌa: ―Tsjeꞌenta, tsantsje xa ixi tsienxinnta ixi kuitjaꞌi ninaa ngeꞌe ndakoꞌa juincheꞌe xa.

San Juan 19:4 Referans Kwoze

San Juan 19:6

Ko nchakon bikon ni taana tetuanꞌan ko ni policía neꞌe niꞌngo juangíxin na̱ kuyako na̱: ―¡Tjankanitua xa nta̱cru! ¡Tjankanitua xa nta̱cru! Ko ndachro xi Pilato: ―Jaꞌanta tikuꞌunta xa ko tankanitonta xa nta̱cru ixi janꞌan kuitjaꞌi ninaa ngeꞌe ndakoꞌa ngajin xa.

San Juan 18:38

Ko ndachro xi Pilato: ―¿Ngeꞌe nduaxin ndako, ndachrua? Ko juexin juanchangi xi Pilato jiꞌi, tjumeꞌe kuachrje xa ko ikjui xa ti ste ni judío, ko ndache xa na̱: ―Kuitjaꞌi ninaa ijie̱ ngajin xi jiꞌi.

San Lucas 23:4

Ko tjumeꞌe xi Pilato ndache xa xitaana tetuanꞌan ko ni bikao ndo Jesús: ―Xroꞌan ijie̱ titja janꞌan ngajin xi jiꞌi.

San Lucas 23:47

Ko hora bikon xi tituenꞌen xi soldado romano ngeꞌe konꞌen, jeꞌe xa kuajon xa juasie xa ngajin ndo Dio ko ndachro xa: ―Xi jiꞌi tjúá xa ko nduaxin xroꞌan ngeꞌe sínká xa.

1 Juan 3:5

*Jaꞌanta ó noꞌanta ixi ndo Cristo ó kui̱i̱ ndo ngataꞌa nunte xasintajni ko meꞌe kuantsje ndo ijie̱ kuachónda chujni, ko jeꞌe ndo xroꞌan ijie̱ sínká ndo.

1 Pedro 3:18

Ixi kaxon ndo Cristo jeꞌo naa kuenꞌen ndo ixi jíei̱na. Jeꞌe ndo jian ndo ko kuenxin ndo ixi jai̱na ni ñaꞌi, ixi jaña tsjentona ngajin ndo Dio. Ndo Cristo kuenꞌen cuerpoe ndo ko Espíritue ndo Dio juinchexechón ndo.

1 Pedro 2:22

Jeꞌe ndo xroꞌan ti ndakoꞌa juincheꞌe ndo ko naiꞌa juincheya ndo.

1 Pedro 1:19

Kuenaxinnta ndo ixi jnié ndo Jesucristo, ijni̱ tsango tjintee ko meꞌe kuayéꞌe ndo Dio, xranchi xrokjui naa kutuchjon xroꞌan ngeꞌe xeꞌe ba ko jeꞌa niꞌe ba.

2 Corintios 5:21

Ndo Cristo xroꞌan ngeꞌe ndakoꞌa juincheꞌe ndo, ko ndo Dio bikon ndo xranchi ndo Cristo chónda ndo ijie̱, ixi jaña xrokoméꞌe kain ijie̱ kuachónda chujni ko jaña íxroꞌan ngeꞌe sínká na̱.

San Lucas 23:41

Ixi jaña tikinixinna ixi ndakoꞌa juintuꞌuna. Ko xi jiꞌi xroꞌan ngeꞌe ndakoꞌa juincheꞌe xa ko ntiꞌi jitji̱a̱n xa.

Mateo 27:54

Ko xi centurión ko xi soldado jindaa ndo Jesús, bikon xa ixi kontengí nunte ko kain ngeꞌe konꞌen, tsango xronka xa, ko ndachro xa: ―Xi jiꞌi nduaxin Chjenꞌen ndo Dio.

Mateo 27:24

Ko xi Pilato bikon xa ixi chujni ítitikaonꞌa na̱ ngeꞌe ichro jeꞌe xa ixi jeꞌe na̱ ícha kuyako na̱, méxin juanchia xa inda ko junéꞌma itja xa ko kain meꞌe stetikon chujni ste ntiꞌa ko ndachro xa: ―Janꞌan tsamaꞌi ijie̱ ti tsenꞌen xi jiꞌi, ixi xroꞌan ngeꞌe sínká xa. Jaꞌanta ti tsamanta ti tsenꞌen xa.

Mateo 27:19

Ko xi Pilato jitaꞌa xa xitaon ti no tonchjianxin ijie̱ ko nchrinchriꞌe xa tsixruaꞌan nchra naa juajna ngajin xa: ―Xroꞌan ngeꞌe nchekua ndo Jesús ixi tsango tjúá aséen ndo ixi nakonkjin tsango chinga kuxinaxin kondee jeꞌe ndo.

Mateo 27:4

Ko ndachro xa: ―Janꞌan ndakoꞌa juintaꞌa ixi juintakji naa xi tsango jian. Ko jeꞌe na̱ juateꞌe na̱: ―Janꞌanna kondanaꞌina meꞌe. Jaꞌa noꞌa ngeꞌe ncheꞌe.

Hebreos 7:26

Jeꞌe ndo Jesús ndotaana ícha tetuanꞌan, meꞌe ndo xrokondai̱na ixi tsango tjúá aséen ndo ixi xroꞌan ijie̱ sínká ndo ko tonchjiñeꞌa ndo ngajin chujni ndakuaꞌi ncheꞌe, méxin ndo Dio kuajon ndo juachaxin kuajinꞌin ndo Jesús ngajní ko kuayéꞌe ndo juachaxin ícha tsetuanꞌan ndo.

San Juan 18:33

Tjumeꞌe xi Pilato íjngo kuixinꞌin xa nchia tetuanxin xa ko kuiyeꞌe xa ndo Jesús ko juanchangiꞌe xa ndo: ―¿Á jaꞌa xi Rey tetuenꞌen ni judío?