San Juan 18:11 - El Nuevo Testamento

¹¹ *Ko ndo Jesús ndache ndo ndo Pedro: ―Xraxiꞌian chika espada ña̱. Siá Ndotána kuetuanꞌan ixi tangi tsatsinga, xrokonda tsatsinga janꞌan kain jiꞌi.

San Juan 18:11 Referans Kwoze

Mateo 26:39

Ko sakjui ndo ícha kjínxin ko bakeꞌexin ntatuchiꞌin ndo ko kuisée ndo ti ngataꞌa inche ko jaꞌin nichjeꞌe ndo ndotée ndo: ―Ndotána, siá chao, tájonnta juachaxin ixi tsiꞌa ti tsango itsjá jitjiá copa jiꞌi. Ko ntatjunta ixi tsoenꞌa xranchi janꞌan tjaꞌon. Naꞌi. Jaꞌanta ncheꞌenta xranchi jaꞌanta tjaunnta.

Mateo 20:22

Tjumeꞌe ndo Jesús ndachro ndo: ―Jaꞌanta noaꞌinta ngeꞌe tjanchianta. ¿Á chao jaꞌanta tsiꞌinta ti tsango itsjá tsiꞌi janꞌan ko ti itsjá meꞌe xrondachro ti chinga sinchena̱na ko tsintji jnina ko tsenꞌenna? Tjumeꞌe sen teyuu chrikao ndo ndachro sen: ―Jaán, chao.

San Juan 20:17

Ko ndachro ndo Jesús: ―Tajandana ixi xrasatjiꞌa ti jii Ndotána. Itjia titsjeꞌé sen kichuuna ko ndache sen ixi sajiin ti jii Ndotána, ndo kaxon Ndotánta, ndo Dio naꞌna ko kaxon ndo Dio naꞌanta.

San Juan 15:10

Siá tsitikaonnta ti kuetuanꞌannta, tsonoꞌanta ixi tjuaꞌanta xranchi kaxon janꞌan titikaꞌon ngeꞌe kuetuanna Ndotána ko nóna ixi jeꞌe ndo tjuaꞌna ndo.

Hebreos 12:2

Meꞌe jian tsitikaonna Ncháina Jesús ixi jeꞌe ndo tingijnana ndo xrochuntiana ngajin ndo ícha jian, ko jeꞌe ndo tjakoi̱na ndo ixi kosueꞌa ndo nchakon kuenito na̱ ndo nta̱cru ko kuenꞌen ndo ixi jeꞌe ndo noꞌe ndo, maski chinga xrojuinchekao na̱ ndo, jeꞌe ndo juaxruxin xrobakeꞌe ndo ngajin ndo Dio, ko jai ndatsjonxin jian jii ndo ti tetuanꞌan ndo Dio.

2 Corintios 10:4

Ko tjayaꞌina ixi chika, chika tjayaxin chujni nunte ntiꞌi. Naꞌi. Janꞌanna ntaꞌana xrojan ngeꞌe ixi juachaxien ndo Dio, ko juachaxin meꞌe chao tjankaxinna kain xra̱ ncheꞌe Xixronꞌanxrée.

San Lucas 22:42

Ko ndachro ndo: ―Ndotána, siá tjaunnta, tsatsinga kain ngeꞌe tangi tsónna ko tsoenꞌa xranchi janꞌan tjaꞌon, tsonꞌen xranchi tjaun jaꞌanta.

Mateo 26:42

Tjumeꞌe sakjui ndo íjngo ko ó yuxin kuinóatée ndo ngajin Ndotée ndo, ko ndachro ndo: ―Ndotána, siá xrokonda tsiꞌi ti itsjá jitjiá copa jiꞌi ko jaña tjaun jaꞌanta, janꞌan tsitikaꞌon.

2 Corintios 6:7

ko ixi juachaxien ndo Dio nichjana chijni nduaxin neꞌe ndo, ko nchakon tangi tatsingana, jian nichjana ixi jaña tjakoxinna ntaꞌana ti jian.

San Juan 18:36

Ko juateꞌe ndo Jesús: ―Juachaxin chónda janꞌan jeꞌa kui̱xi̱n nunte xasintajni. Siá xrokui̱ꞌxi̱n nunte xasintajni, sen chrjikiꞌan xrojuincheꞌe sen ngeꞌe ixi xrotséꞌana ni judío ko juachaxin chónda janꞌan, jeꞌa juachaxin nunte xasintajni.

San Juan 17:24

’Ndotána, jaꞌanta chjánanta sen, ko tjaꞌon ixi tsakeꞌe sen ti no tsakeꞌe janꞌan ixi tsikon sen juachaxin ijié chjánanta; ixi fiaonanta ti xrakoꞌa nunte xasintajni.

San Lucas 12:30

Ixi ngisen chúxinꞌa ndo Dio ícha tjaun na̱ xrochónda na̱ kain ngeꞌe. Ko jaꞌanta chondanta Ndotánta jii ngajní, ko jeꞌe ndo ó noꞌe ndo kain ngeꞌe xrokondaꞌanta.