9 Jeꞌe na̱ chónda na̱ ijie̱ ixi titikaonꞌa na̱
Kichuuna, tsjeꞌenta jian, ixi ninaa jaꞌanta xrochondaꞌinta naa asáanta ñaꞌi, ko tsachrjendáanta ko tsitikaonꞌanta ngeꞌe tetuanꞌan ndo Dio, ndo jichón.
Sen tsitikaon ko tsikitée, sen meꞌe tsitjáñaꞌi sen. Ko ni tsitikaonꞌa, ni meꞌe tangi tsonꞌen na̱.
*Maski seno kuanichjangíꞌa ndo ko bakitikaonꞌa ndo ko bakengi sen titikaon ndo ko chinga banichja kondee jeꞌe ndo, ko maski jaña juintaꞌa, ndo Dio tsango bikonóaꞌna ndo ixi nchakon meꞌe nónaꞌi ngeꞌe juintaꞌa ko kuichuxinꞌa ndo.
Ko nchakon kuichuxinꞌa ley, janꞌan xroꞌan juachjaon kuachonda, ko nchakon kuichuxin ley, konóna ixi janꞌan tsango yama ijie̱,
Ko nchakon tsi̱i̱ ndo sinchexraxaon ndo chujni nunte xasintajni ixi chónda na̱ ijie̱, ko jii naa chaꞌo ndako xroruéꞌe na̱ ko ndo Dio sinchéñeꞌe ndo na̱ ijie̱.
