San Juan 13:8 - El Nuevo Testamento

⁸ Ko ndachro ndo Pedro: ―Naiꞌa sinémanta tutéena. Ko ndachro ndo Jesús: ―Siá sinémaꞌi tutáa, ningeꞌo tsikinixinꞌa ngaji̱n.

San Juan 13:8 Referans Kwoze

Tito 3:5

Jeꞌe ndo juincheméꞌe ndo ti ndakoꞌa kuachondana, jeꞌa ixi jai̱na xrojan ngeꞌe jian juincheꞌena. Naꞌi, ixi jeꞌe ndo bikonóai̱na ndo ko juincheméꞌe ndo ti ndakoꞌa juincheꞌena ko juinchetjúá ndo aséei̱na. Jaña jongíexinna íjngo ixi Espíritue ndo ko jai natjúá stechónna.

Hechos 22:16

Ko jai í chuenꞌa ícha. Taya ko tikitéexian nombrée Ncháina Jesucristo ixi meꞌe tsijmaxin jía.”

Hebreos 10:22

Méxin, chao tsonchjiñeꞌena ngajin ndo Dio ixi jai̱na chuntiana ndo ixi jeꞌe ndo ó juinchetjúá ndo aséei̱na, ko xrokjui xranchi inda tjúá junemáxin ndo cuerpoi̱na, ko meꞌe aséei̱na ísinchexraxaonꞌana ti ndakoꞌa juintuꞌuna.

Efesios 5:26

Ko kuenꞌen ndo ixi juinchetjúá ndo ningue ndo, meꞌe jaña juinchetjúá ndo aséen sen ningue ndo ixi chijnie ndo ko inda bikitéexin sen.

1 Corintios 6:11

Kaxinnta jaña kuakeꞌenta ó saꞌó. Ko ndo Dio ó juincheméꞌe ndo ijie̱ kuachondanta ko juinchetjúá Ndo asáanta ko jai tikinixinꞌen Ndo jaꞌanta. Kain jiꞌi konꞌen ixi juachaxien Ncháina Jesucristo ko juachaxien Espíritue ndo Dio.

Apocalipsis 7:14

*Ko janꞌan juataꞌa: ―Nchána, jaꞌanta noꞌanta. Ko jeꞌe ndo ndachro ndo: ―Sen jiꞌi tsiki̱ꞌxi̱n sen ti jii juachjaon ko tsango tangi kuatsinga sen, sen tsikijmáxin mantée ko tsikotjúáxin aséen sen ixi jnié Xjantuchjon.

Apocalipsis 1:5

ko kaxon ndo Jesucristo tajon kain juaxruxin jiꞌi. Jeꞌe ndo nduaxin chronga ndo kain ngeꞌe; jeꞌo jeꞌe ndo saꞌó xechón ndo, ndo ícha tetuanꞌan ixi kain xi rey ko ni tetuanꞌan nunte xasintajni. Jeꞌe ndo tsango tjaunna ndo, méxin ixi jnié ndo kuijmaxin kain ijie̱ sinkana.

Colosenses 2:23

Ngeꞌe titikaon na̱ ncheꞌe na̱ xranchi naa ngeꞌe nduaxin ixi nchejiéꞌa aséen na̱, ko kaxon ncheniꞌe na̱ ntauꞌe na̱, ko ixi ti ncheꞌe na̱ meꞌe juaꞌi tsintuꞌe na̱ xroxraxaon na̱ ngeꞌe ñaꞌi.

Colosenses 2:18

Tintueꞌanta ixi xrojan ngisen sintayaꞌanta ixi ncheꞌe na̱ xranchi xrokjui na̱ jian na̱ ko tajon na̱ juasie na̱ ngajin sen ángel. Ni meꞌe ndachro na̱ ixi kuxienxin na̱ naa ngeꞌe ijié ko méxin nchejié na̱ aséen na̱ ixi ngeꞌe xraxaon na̱.

San Juan 3:5

Ko ndo Jesús ndachro ndo: ―Nduaxin ntatjua: ixi ngisen tsjongíexinꞌa inda ko Espíritue ndo Dio juaꞌi tsixinꞌin sen ti tetuanꞌan ndo Dio.

Mateo 26:33

Ko ndo Pedro ndachro ndo: ―Maski kain sen tsintuꞌanta sen, janꞌan naꞌi.

Mateo 21:29

Ko juateꞌe chán: “Naꞌi, tjaunꞌa itsji”, ichro chán. Ko tjumeꞌe kuindoxin chán ti jixraxaon chán ko kuitikaon chán ti ndachro ndotée chán.

Mateo 26:35

Ko ndachro ndo Pedro: ―Maski naatsóñaxónna na̱, janꞌan xrondachrja̱nꞌi chuxinꞌanta. Ko kain sen chrikao ndo jaña ndachro sen kaxon.

Mateo 16:22

Ko ndo Pedro kuantsjendáa ndo ndo Jesús ko kuaxi kuyakutee ndo ndo ko ndachro ndo: ―Nchána ndo Dio tsajonꞌa juachaxin tsonꞌen meꞌe, ko jaꞌanta xroꞌan ngeꞌe tsonꞌannta.

San Juan 13:6

Ko hora kuiji ndo ti jii ndo Pedro, ndo Pedro ndachro ndo: ―Nchána, ¿á jaꞌanta sinémanta tutéena?

San Juan 13:9

Ko juateꞌe ndo Simón Pedro: ―Naꞌi, Nchána. Jeꞌa jeꞌo tutéena néꞌmanta. Kaxon néꞌmanta tjáana ko jáana.