San Juan 11:25 - El Nuevo Testamento

²⁵ Ko ndachro ndo Jesús: ―Janꞌan ntaxechón chujni ko tajon juachaxin tsechón chujni. Ngisen titikaonna, maski tsenꞌen sen, xroxechón sen íjngo.

San Juan 11:25 Referans Kwoze

1 Tesalonicenses 4:14

Ko jai̱na titikaꞌonna ixi kuenꞌen Ncháina Jesús ko xechón ndo, ko kaxon titikaꞌonna ixi ndo Dio juinchexechón ndo ndo Jesús, ko nchakon xrokjan ndo Jesús, tjumeꞌe sinchexechón ndo Dio kain sen tsikenꞌen, sen chuntia ndo.

San Juan 3:36

Ngisen tsitikaon Chjenꞌen ndo Dio xrochónda sen juachaxin tsechón sen kain nchakon. Ko ngisen tjaunꞌa tsitikaon Chjenꞌen ndo xrochóndaꞌi sen juachaxin meꞌe, ixi ndo Dio tsajon ndo juachaxin tangi tsonꞌen sen.

San Juan 1:4

Jeꞌe ndo kuajon ndo juachaxin jichón kain ngeꞌe ko jeꞌe ndo naa xroꞌi tingasáña ngajin chujni.

San Juan 5:21

Xranchi Ndotána nchexechón ndo ni tsikenꞌen ko tajon ndo juachaxin tsechón na̱ íjngo. Jaña kaxon Chjenꞌen ndo chao tsajon xjan juachaxin tsechón kain ni tjaun jeꞌe xjan.

San Juan 6:44

Xroꞌan chujni xrokonchjiñeꞌe ti ritjén janꞌan siá xrokuajonꞌa juachaxin Ndotána. Ko sen tonchjiñeꞌe ti ritjén, janꞌan sintaxechón sen nchakon tsjexixin.

Romanos 8:2

Ixi ti tetuanꞌan Espíritue ndo Dio tajon juachaxin tsechónna kain nchakon ixi titikaꞌonna ndo Cristo Jesús. Ko ti ndakoꞌa ko juachaxien xichononte ítituanꞌi ngajinna

San Juan 6:35

Ko ndachro ndo Jesús: ―Janꞌan meꞌe nutja tajon juachaxin tsechón chujni. Sen tonchjiñeꞌe ngajin janꞌan ítsenꞌa sen jinta, ko sen tsitikaonna, ítsenꞌa sen inda.

Apocalipsis 21:4

Jeꞌe ndo tsoni ndo ndakon sen ko nchakon meꞌe xruanꞌan ngisen tsenꞌen, ko xruanꞌan ngisen xrotsjanga, ko tsoníeꞌa sen ko xruanꞌan juachjaon xrochónda sen ixi kain ngeꞌe konꞌen saꞌó ó juexin kuatsinga.

Filipenses 3:10

Ti janꞌan tjaꞌon: nduaxin xrochuxin ndo Cristo ko xrochonda juachaxin xranchi nchakon xechón ndo, ko tjaꞌon tangi tsónna xranchi tangi konꞌen ndo ko xrokueꞌenna xranchi kuenꞌen jeꞌe ndo,

Apocalipsis 20:5

Ko ikaxin ni tsikenꞌen xechónꞌa na̱ ti tsitjaja mil nano. Jiꞌi ti saꞌó xrangíxixión xroxechón chujni.

Hechos 3:15

Ko jaꞌanta naakóñaxónnta ngisen tajon juachaxin tsechón chujni, meꞌe ndo Jesús, ko ndo Dio juinchexechón ndo ndo. Jaña bikona janꞌanna ko meꞌe ndachrja̱nna.

San Juan 14:6

Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 5:26

Ixi Ndotána chao tsajon ndo juachaxin tsechón na̱ ko kaxon tsikajon ndo juachaxin ngajin Chjenꞌen ndo sincheꞌe xjan jaña,

Apocalipsis 22:17

Espíritue ndo Dio ko sen titikaon Xjantuchjon ndachro sen: ―Xrokuiinta. Ko sen tsinꞌen kaxon xrondachro sen: ―Xrokuiinta. Ko ngisen kuenꞌen inda tsi̱i̱ sen ko tsiꞌi sen inda tajon juachaxin tsechónni kain nchakon, ko sen tsi̱i̱ xroꞌan ngeꞌe tsjenga sen ꞌna̱.

San Juan 14:19

Ko ítsjéꞌa nchakon chujni nunte xasintajni tsikonꞌana̱na. Ko jaꞌanta tsikonntana ixi jaꞌanta tsaricho̱nnta ixi janꞌan rícho̱n.

Filipenses 1:23

Méxin, nónaꞌi ngeꞌe ícha jian tsinchaꞌa ixi tjaꞌon ndaxrokuenꞌenna ixi jaña xrobakeꞌé ngajin ndo Cristo ko meꞌe ícha jian.

Apocalipsis 22:1

Tjumeꞌe ndo ángel juakoꞌna ndo naa inda jitinga, nda tjúá, ko nda meꞌe tajon juachaxin tsechón chujni. Ko tikonni nda xranchi naa xroxrao, ko kuachrjexin inda ti jii ntachaonꞌen ndo Dio ko Xjantuchjon.

2 Corintios 4:14

Méxin, noi̱na ixi ndo Dio, ndo juinchexechón Ncháina Jesús, kaxon sinchexechónna ndo jai̱na, ko tjumeꞌe jaꞌanta ko janꞌanna satsikuꞌuna ndo ti tituanꞌan ndo.

Romanos 4:17

Xranchi jitaxin chijnie ndo Dio: “Janꞌan kuajon juachaxin ixi jaꞌanta xrokjannta ndotée itsjé ni ste nunte xasintajni.” Méxin ndo Dio sincheꞌe ndo ngeꞌe tsindachro ndo ixi ndo Abraham jian kuitikaon ndo. Ndo Dio jeꞌo jeꞌe ndo nchexechón ndo ni tsikenꞌen, ko tituanꞌan ndo ixi tsakeꞌe ngeꞌe koꞌa.

San Lucas 23:43

Ko juatingíexin ndo Jesús: ―Nduaxin ntatjua ixi jai tsakeꞌe ngajin ti chaxro jii ngajní.

1 Corintios 15:29

Jii ikaxin na̱ tikitéexin na̱ chujni ixi ni tsikenꞌen, ¿sonda jaña ncheꞌe na̱ siá titikaonꞌa na̱ ixi ni tsikenꞌen xroxechón na̱ íjngo?

1 Corintios 15:18

Siá nduaxinꞌa xechón ndo Cristo, kaxon sen kuitikaon ndo, sen kuenꞌen, kuitjáña sen ko jai naiꞌa xroxechón sen.

San Juan 3:16

’Ndotáina Dio tsango tjueꞌe ndo kain chujni jii ngataꞌa nunte xasintajni, méxin xruanꞌan ndo chjenꞌen ndo, xjan naakuaxon, ixi kain sen tsitikaon xjan tsitjáñaꞌi aséen sen ko jeꞌe sen tsechón sen kain nchakon.

Apocalipsis 1:18

Ko janꞌan rícho̱n. Janꞌan kuenꞌenna, ko jai rícho̱n íjngo ko janꞌan tsarichón kain nchakon. Jaña tsonꞌen. Janꞌan tituanꞌan ngajin juachaxin ti tsenꞌen chujni ko richonda chika xitjeexin ti jii ni tsikenꞌen.