San Juan 1:16 - El Nuevo Testamento

¹⁶ Kainna ó kuayeꞌena juachaxin tjintee tajon ndo, ko nchenchaonna ndo kain nchakon.

San Juan 1:16 Referans Kwoze

Colosenses 1:19

Méxin, ndo Dio bakeꞌe ndo juaxruxin ko jaña chjée ndo Chjenꞌen ndo kain juachaxin chónda jeꞌe ndo.

Romanos 5:2

Ixi juasie Ncháina Cristo Jesús, chao tonchjiñeꞌena ngajin ndo Dio ixi chuntiana ndo ko jeꞌe ndo tjaunna ndo ko méxin jaña ícha chuntiana. Ko juaxruxin stena ixi stechonꞌenna tsayéꞌena juachaxin ijié chónda ndo.

Efesios 3:19

Tjáncháꞌa̱ ndo Dio ixi jaꞌanta ícha tsichuxinnta ti tsango ijié tjuai̱na ndo Dio, ko jiꞌi juaꞌi tsienxin chujni. Jaña xrochondana kain juachaxin tsajon ndo Dio.

Efesios 1:23

Ixi niꞌngo meꞌe cuerpoe ndo Cristo, ko jeꞌo jeꞌe ndo tetuenꞌen ndo kain ngeꞌe ko kain ngeꞌe tikinixinꞌen ndo.

Romanos 5:17

Méxin, siá kondeexin ijie̱ juincheꞌe ndo Adán, tsenꞌen kain chujni, jai chao xrondachrona ixi naakua naa ngisen, meꞌe ndo Jesucristo, jeꞌe ndo kontjúáxin ijie̱ kuachondana, méxin chondana juachaxin tsojuna jian ngajin ndo ixi ndo Dio tjuai̱na ndo, ko xrokondaꞌi jai̱na sintuꞌuna naa ngeꞌe ixi tsjachana juachaxin meꞌe.

San Juan 3:34

ixi ndo xruanꞌan ndo Dio nichja ndo chijnie ndo Dio, ixi jeꞌe ndo kuayéꞌe ndo kain juachaxien Espíritue ndo Dio.

1 Pedro 1:2

Jaꞌanta, Ndotáina Dio tsikinchaꞌanta ndo ixi jaña tsixraxaon ndo ó saꞌó, ko ixi juachaxien Espíritue ndo tsikinchaꞌanta ndo ixi tsitikaonnta ndo ko jaña tsontjúáxin asáanta ixi jnié ndo Jesucristo. Tayeꞌénta juaxruxin tajon ndo Dio ko jeꞌe ndo sintanchaonnta ndo.

Mateo 13:12

*Ngisen noꞌe ícha jian chijni neꞌe ndo Dio, ndo Dio ícha sinchekuenꞌen ndo sen. Ko ni tjaunꞌa tsienxin chijni ti tetuanꞌan ndo Dio, ndo Dio sincheméꞌe ndo ti nchion noꞌe na̱.

Colosenses 2:3

Ko jeꞌe ndo noꞌe ndo kain ngeꞌe noꞌe ndo Dio, meꞌe ti ícha tjintee.

Romanos 8:9

Ko jaꞌanta ítitikaonꞌanta ti tjaun cuerpoanta. Jaꞌanta titikaonnta Espíritue ndo Dio, siá nduaxin chondanta Espíritue ndo, ko ngisen chóndaꞌi Espíritue ndo Cristo, tikinixienꞌa na̱ ndo.

San Lucas 21:15

Ixi janꞌan xrontatjunta ngeꞌe tsjateꞌenta, chijni jian tsayeꞌenta, ko ninaa ni ningakonꞌannta juaꞌi tsjatingíexin na̱.

Mateo 3:14

Ko ndo Juan tjaunꞌa ndo tsikitée ndo ndo Jesús ko jaꞌin ndachro ndo: ―Xrokonda jaꞌanta tsikiténinta janꞌan, ko jaꞌanta tjiꞌinta ngajin ixi janꞌan tsikitéenta.

Mateo 3:11

Ko nduaxin tjakonta ixi juincheniꞌanta ti ndakoꞌa juincheꞌenta ko janꞌan inda bikitéexinta. Ko ícha tjumeꞌe tsi̱i̱ inaa ndo ícha tetuanꞌan, ko janꞌan tikinixinnaꞌi tsikiꞌan katée ndo, ko jeꞌe ndo tsikitéxinnta ndo Espíritue ndo Dio ko xroꞌi.

1 Pedro 1:11

Espíritue ndo Cristo juinchenoꞌe sen kuachronga chijnie ndo Dio ó saꞌó ixi ndo Cristo tangi xrokonꞌen ndo, ko tjumeꞌe tsayéꞌe ndo juachaxin ijié. Ko jeꞌe sen tjaun sen tsonoꞌe sen ngisen meꞌe ko ngisa xrokonꞌen ngeꞌe ndachro Espíritue ndo Dio.

Romanos 5:20

Bakeꞌe ley kuetuanꞌan ndo Dio ko chujni ícha juincheꞌe na̱ ti ndakoꞌa ko kuama na̱ ijie̱. Ko maski jaña ícha ijie̱ kuama chujni, ndo Dio ícha bikonóeꞌe ndo na̱.