Hechos 9:15 - El Nuevo Testamento

¹⁵ Ko Ncháina Jesús ndachro ndo: ―Itjia ixi janꞌan kuinchaꞌa xi meꞌe ixi tsjako xa chijnina. Sinchekuenꞌen xa ni ste jée tjajna ko xi rey ko kaxon ni israelita,

Hechos 9:15 Referans Kwoze

Romanos 11:13

Ti xrondachrja̱n xrokonda tsinꞌennta, ni jeꞌa judío. Ndo Dio xruanꞌanna ndo sintakuanꞌannta ni jeꞌa judío, ko jiꞌi tsango tjintee.

Romanos 1:5

Ixi ndo Jesucristo meꞌe kuayeꞌena juachaxin ixi sintuꞌuna xrée ndo, xronichjana chijnie ndo ngajin kain chujni chúxinꞌa ndo, chujni ste nchijíi nunte xasintajni, ixi tsitikaon na̱ ndo ko xrochuntia na̱ ndo.

1 Timoteo 2:7

*Ndo Dio tjaun ndo tsonoꞌe chujni kain jiꞌi, méxin kuiyaꞌna ndo ko kuayáꞌa̱ ixra̱ sintanoꞌa chujni, ni jeꞌa judío, ixi tsitikaon na̱ Ncháina Jesucristo, ko tsonoꞌe na̱ ngeꞌe ti nduaxin. Ko janꞌan ti nduaxin nichja ixi titikaꞌon ndo Cristo.

2 Timoteo 2:4

Xroꞌan xi soldado tjaun xa sincheꞌe xa inaa ixra̱ ixi jeꞌe xa tjaun xa sincheꞌe xa naa ixra̱ jian ixi jaña nchée xa, ti tetuenꞌen xa, juaxruxin tsakeꞌe xa.

Hechos 22:21

Ko Ncháina ndachijina ndo íjngo: “Satjia ixi xroxruanꞌan ikjín sinchekuenꞌén ni jeꞌa judío.”

San Juan 15:16

Kuincheꞌantana jaꞌanta. Janꞌan kuinchaꞌanta ko kuinóatáana ngajinnta ixi itsjinta ko tájonnta itsjé itu ko tsitjáñaꞌi tu. Ko jaña Ndotána xrotjáꞌanta ndo kain ngeꞌe tsjanchiaxinnta nombréena.

2 Timoteo 1:11

*Ndo Dio kuetuanna ndo tsjáko chijnie ndo ko xruanꞌanna ndo sintakuanꞌan chijnie ndo chujni ste kain tjajna.

Gálatas 1:1

Janꞌan, Pablo, Ncháina Jesucristo kuincheꞌena ndo ntaꞌa xrée ndo Dio ko jeꞌa chujni nunte ntiꞌi kuincheꞌena. Naꞌi. Janꞌan kuincheꞌena ndo Jesucristo ko Ndotáina Dio, ndo juinchexechón ndo Jesús.

1 Corintios 15:10

Maski ndakoꞌa juintaꞌa, juasie ndo Dio ixi juachaxien ndo kuindoxin ti xraxaꞌon, ko jeꞌa xruenxon bikonóaꞌna ndo, ixi ícha juintaꞌa ixra̱ neꞌe ndo ixi kain sen apóstol. Ko jeꞌa janꞌan juintaꞌa ixra̱ meꞌe. Naꞌi. Ndo Dio bingijnana ndo ko chjána ndo juachaxin juintaꞌa xrée ndo.

Hechos 13:2

Naa nchakon tsixraꞌo sen tsajon sen juasaya ngajin ndo Dio, nchakon meꞌe tsijinchekatse ñao sen jinta. Tjumeꞌe Espíritue ndo Dio ndache ndo sen: ―Tantsjendáanantana ndo Bernabé ko ndo Saulo ixi janꞌan ó kuinchaꞌa sen xrotjáꞌa sen naa ixra̱ sincheꞌe sen.

Mateo 10:18

Ko tsikaannta na̱ ngajin xi tetuanꞌan ko ngajin xi rey ixi chuntianta ngaji̱n. Ko ntiꞌa xronichjanta ixi titikaonninta, tsinꞌen ni meꞌe ko tsinꞌen kaxon ni chúxinꞌa ndo Dio.

Apocalipsis 17:14

Kain xi meꞌe tse̱to̱ xa ngajin Xjantuchjon ko Xjantuchjon tsjacha xjan ngajin kain xi meꞌe ixi jeꞌe ndo Nchée kain chujni ko jeꞌe ndo naa Rey tetuenꞌen kain xi rey. Ko sen ste ngajin ndo, ndo Dio tsikiyeꞌe ndo sen ko kuincheꞌe ndo sen, ko sen meꞌe jian chuntia sen ngajin ndo.

Hechos 27:24

Ko ndo ángel ndachijina ndo: “Xrakonꞌa Pablo. Xrokonda tsjasua ti jii xi César tetuanꞌan ko kondaxian jaꞌa, ndo Dio tsingijna ndo kain ni steti̱i̱ ngaya nta̱barco, tsenꞌa na̱.”

Hechos 26:32

Tjumeꞌe xi Agripa ndache xa xi Festo: ―Chao xrokuajandani xa saxrokjui xa siá xrojuanchiaꞌi xa ixi xi tsango tituanꞌan sinchéña xa ijie̱ ngajin xa.

Hechos 25:22

Tjumeꞌe xi Agripa ndache xa xi Festo: ―Kaxon janꞌan tjaꞌon tsinꞌan ingeꞌe xrondachro xi meꞌe. Ko ndachro xi Festo: ―Ndúya tsinꞌen ngeꞌe xrondachro xa.

Hechos 21:19

Ndo Pablo chjée ndo sen juajna ko bekiꞌe ndo sen kain ngeꞌe juincheꞌe ndo Dio nchakon juakoꞌe ndo ni jeꞌa judío.

Hechos 28:17

Tjumeꞌe kuatsinga níi nchakon, ndo Pablo kuiyeꞌe ndo kain ni judío tetuanꞌan jii tjajna Roma. Ko nchakon xraꞌo kain na̱, tjumeꞌe ndachro ndo: ―Kichianna, xroꞌan ti ndakoꞌa juintaꞌa ngajin ni judío ko ningakuanꞌi ngeꞌe kuancheꞌe sen tachríꞌina xranchrjen ko maski bijéna na̱ tjajna Jerusalén ti tetuanꞌan ni romano.

Hechos 22:14

Ko ndachijina ndo: “Ndo Dio kuitikaon sen xrachrjei̱na kuinchaꞌa ndo jaꞌa ixi tsonoꞌa ngeꞌe tjaun ndo ko ixi tsikuan ndo tsango jian ko tsinꞌen ti xronichja ndo.

Hechos 26:1

Tjumeꞌe xi rey Agripa ndache xa ndo Pablo: ―Chao xronichja ixi tsóñaꞌa ijie̱. Tjumeꞌe ndo Pablo juatsinꞌin tja ndo ko kuaxi nichja ndo, ko ndachro ndo:

Hechos 28:28

Méxin, tsonoꞌanta ixi jai ni jeꞌa judío tsayéꞌe na̱ ngeꞌe tajon ndo Dio ixi tsechón na̱ ko jeꞌe na̱ nduaxin tsinꞌen na̱.

Romanos 1:1

Janꞌan, Pablo, ntaꞌa xrée ndo Jesucristo ikjin xroon jiꞌi. Ndo Dio kuinchena ndo janꞌan ixi sintaꞌa xrée ndo, ixi tsjako chijni jian, chijni tsingijna chujni tsechón na̱ kain nchakon.

1 Corintios 9:16

Jeꞌa ixi tjaꞌon sintajié aséenna ixi tjako̱ chijnie ndo Dio, chijni tajon juachaxin tsechónni kain nchakon. Naꞌi. Janꞌan ntaꞌa ixra̱ ixi ndo Dio jaña kotuanna ndo. Lastuna siá xrochrjangaꞌi chijnie ndo.

Efesios 3:1

Janꞌan rixinꞌin ndoꞌachjiso kondeexin tjako chijnie ndo Cristo Jesús ixi jaña jian tsitikaonnta ndo maski jeꞌa judío jaꞌanta, ko ritinoatána ngajin ndo Dio ixi jaꞌanta.