Hechos 3:19 - El Nuevo Testamento

¹⁹ Méxin, tintuꞌenta ti ndakoꞌa ncheꞌenta ko titikaonnta ndo Dio ko jeꞌe ndo sincheméꞌe ndo kain ijie̱ chondanta ko Ncháina Jesús sinchesoji ndo asáanta.

Hechos 3:19 Referans Kwoze

Hechos 2:38

Tjumeꞌe juateꞌe ndo Pedro ko ndachro ndo: ―Tintuꞌenta ti ndakoꞌa ncheꞌenta ko titikaonnta ndo Dio. Ko tjumeꞌe tikitéxinnta nombrée ndo Jesucristo ko ndo Dio sincheméꞌe ndo jíanta ko tsajon ndo Espíritue ndo tsayeꞌenta.

Mateo 18:3

*ko ndachro ndo: ―Nduaxin ntatjunta ixi siá tjaunnta tsixinꞌinnta ti tetuanꞌan ndo Dio, xrokonda tsindoxinnta ko tsaxi sincheꞌenta xranchi ncheꞌe naa xjan nchíín.

Mateo 13:15

Ixi aséen chujni jiꞌi tsango tsikoncha ko ndatsjon na̱ jijeꞌe̱ ko stejeꞌe̱ ikon na̱ ixi jaña juaꞌi tsikon na̱ ko juaꞌi tsinꞌen na̱, méxin, juaꞌi sintamaꞌa ti ndakoꞌa ncheꞌe na̱ ko juaꞌi sintaxruanꞌan na̱.

2 Tesalonicenses 1:7

Ko jaꞌanta ti xrastechondanta juachjaon, tsjokaꞌanta xranchi janꞌanna. Jaña tsonꞌen nchakon tsi̱ꞌxi̱n Ncháina Jesús ngajní ko ngusine xroꞌi tsonoxin ndo ko tsikaꞌo ndo kain sen ángel, sen chónda juachaxin.

Hechos 11:21

Juachaxien Ncháina Jesús chonda sen; méxin, kueya ni ntiꞌa kuayéꞌe na̱ chijni jian ko kuitikaon na̱ Ncháina Jesucristo.

2 Pedro 3:8

Méxin, kichuuna, tjáñaꞌinta ixi Ncháina Jesús tikon ndo naa nchakon xranchi mil nano ko mil nano tikon ndo xranchi xrokjui naa nchakon.

Hechos 28:27

Ixi aséen ni tjajna meꞌe tsikoncha ko ndatsjon na̱ stejeꞌe̱ ko stejeꞌe̱ ikon na̱ ko juaꞌi tsikonxin na̱ ikon na̱ ko tsienꞌa na̱ ndatsjon na̱ ko tsitikaonꞌa na̱ ixi aséen na̱ ko xrokjanꞌi na̱ ngaji̱n ixi sintaxruanꞌan na̱.

1 Pedro 2:25

Ixi jai̱na kuancheꞌena xranchi kutuchjon tsingachrue. Ko jai ó kjanna titikaꞌonna ndo Cristo, ndo tayakonꞌen aséei̱na xranchi naa ngisen tayakonꞌen kutuchjon.

2 Tesalonicenses 1:10

Jaña tsonꞌen nchakon tsi̱i̱ Ncháina Jesús ixi kain sen tjúá aséen ko kain sen kuitikaon chijnie ndo, sen meꞌe tsajon sen juasaya ngajin ndo ko kao jaꞌanta ixi kuitikaonnta ti nichjana.

Hechos 11:18

Tjumeꞌe sen kichuuna, sen ste tjajna Jerusalén, kuinꞌen sen ngeꞌe tsikonꞌen ko tenko sen ko kuajon sen juasaya ngajin ndo Dio ko ndachro sen: ―Kuajon ndo Dio juachaxin kaxon ngajin ni jeꞌa judío ixi tsayéꞌe na̱ juachaxin tsitikaon na̱ ndo Dio ko xrochónda na̱ juachaxin tsechón na̱ kain nchakon.

San Lucas 1:16

Ko jeꞌe xjan sinchekuenꞌen xjan ni tjajna Israel, ko kueya na̱ xrokjan na̱ tsitikaon na̱ ndo Dio.

Romanos 11:25

Kichuuna, xrajíi itsjé ngeꞌe tsonoꞌanta ti jeꞌo ndo Dio noꞌe ndo, ko jai sintanoꞌanta ixi jaña sinchejiéꞌa asáanta, ixi ni judío jeꞌa kain nchakon tsitikaonꞌa na̱ ndo Jesucristo, ixi tsi̱i̱ nchakon itsjé ni jeꞌa judío tsitikaon na̱ ndo, ko tjumeꞌe kaxon ni judío xrokjan na̱ tsitikaon na̱ ndo.

Hechos 17:26

’Naakua ngisen kuantsjenixin ndo kain tjajna ixi tsakeꞌe na̱ nguixin ngataꞌa nunte. Ko kaxon ndachro ndo Dio tinó ko ngisa tsakeꞌe na̱.

Hechos 15:3

Jaña sen titikaon Ncháina tjajna Antioquía xruanꞌan sen kichuu sen, ko tjumeꞌe kuatsinga sen nunte Fenicia ko nunte Samaria ko ntiꞌa chronga sen xranchi itsjé sen jeꞌa judío kuayéꞌe sen chijnie ndo Dio. Ko kain sen kichuuna kuinꞌen meꞌe, tsango juaxruxin bakeꞌe sen.

Hechos 3:21

Ko jai ndo Jesucristo xrokonda tsituꞌe ndo ngajní tsijija nchakon sinchekonchjian ndo Dio kain ngeꞌe xranchi tsichronga ndo jitaxin chijnie ndo ó saꞌó.

Hechos 1:6

Tjumeꞌe sen chrikao ndo Jesús, juanchangiꞌe sen ndo: ―Jaꞌanta Nchána̱na, ¿á tsajonnta juachaxin jai ixi ni tjajnai̱na tsetuanꞌan tjajna íjngo?

Apocalipsis 21:4

Jeꞌe ndo tsoni ndo ndakon sen ko nchakon meꞌe xruanꞌan ngisen tsenꞌen, ko xruanꞌan ngisen xrotsjanga, ko tsoníeꞌa sen ko xruanꞌan juachjaon xrochónda sen ixi kain ngeꞌe konꞌen saꞌó ó juexin kuatsinga.

2 Timoteo 2:25

Jian xronichjeꞌena chujni titikaonꞌa ixi jian sincheꞌe na̱, xrochonꞌenna ixi nchéxin ndo Dio tsingijna ndo tsindoxin na̱ ti ndakoꞌa xraxaon na̱ ko jaña xrochuxin na̱ chijni nduaxin.

Hechos 3:20

Ko tjumeꞌe jeꞌe ndo Dio xroxruanꞌan ndo ndo Jesucristo, ndo tikinixinꞌen sincheméꞌe jíanta.

Hebreos 4:1

Méxin, siá ndo Dio xrajitajon ndo juachaxin tsatsingana ti tsjokéꞌeni ti tetuanꞌan jeꞌe ndo, xrokonda jian xrotsjeꞌena xranchi tsojuna ixi ba xrojan jai̱na tsixinꞌana ti juinchekonchjian ndo Dio tsjokéꞌeni.

San Lucas 22:57

Ko ndo Pedro ndachro ndo: ―Naꞌi, chuxinꞌa xi meꞌe.