Hechos 21:39 - El Nuevo Testamento

³⁹ Tjumeꞌe juateꞌe ndo Pablo ko ndachro ndo: ―Naꞌi, janꞌan naa xi judío jongínaxin tjajna Tarso, nunte Cilicia. Janꞌan juixin naa tjajna tsango tjintee. Ko tjanchaꞌa ixi tintuna̱na xronichjaꞌa chujni jiꞌi.

Hechos 21:39 Referans Kwoze

Hechos 22:3

*―Janꞌan naa xi judío jongínaxin tjajna Tarso nunte Cilicia. Ko ntiꞌi bangíxin tjajna Jerusalén ko juintakuanxin ngajin ndo Gamaliel ko titikaꞌon kain ti tjako ley tsikitikaon sen xranchrjen. Ixi janꞌan ícha juintaꞌa jian xrée ndo Dio ixi nchijíi aséenna xranchi jaꞌanta ncheꞌenta jai.

Hechos 9:11

Ko ndachro Ndo Jesús: ―Tingatjén satjia chaꞌo ndatinꞌin Nao. Ko tjée ndoꞌa naa ndo ndatinꞌin Judas ko ntiꞌa tsinchíia naa xi ndatinꞌin Saulo tsiki̱ꞌxi̱n tjajna Tarso ko jeꞌe xa jinichjaꞌna xa,

Hechos 6:9

Tjumeꞌe kaxin ni tsiki̱ꞌxi̱n niꞌngo judío, ni saꞌó bakeꞌe esclavo, ni meꞌe tsiki̱ꞌxi̱n na̱ tjajna Cirene, ko Alejandría, ko Cilicia, ko nunte Asia, ni meꞌe juakaxin na̱ ngajin ndo Esteban.

1 Pedro 3:15

Cháña tájonnta juasaya ngajin ndo Cristo ixi jeꞌe ndo Ncháina ndo. Jian tjateꞌenta ngeꞌe tsjanchangiꞌanta na̱ ixi titikaonnta Ncháina. Ko nchejiéꞌa asáanta ko jian ncheꞌenta ngajin na̱.

Hechos 23:34

Ko juexin juinchekuanxin xi gobernador xroon, tjumeꞌe juanchangi xa no tjajnée ndo Pablo ko konoꞌe xa ixi tjajnée ndo tjajna Cilicia,

Hechos 23:27

Ni judío ntiꞌi itsé na̱ xi jiꞌi ko tjaun na̱ naaxrokóñaxón na̱ xa. Ko hora konóna janꞌan ixi jeꞌe xa naa xi romano, bikiꞌan xi soldado ko bingijna xa.

Hechos 21:37

Ko hora xroxraxinꞌin na̱ ndo Pablo ti jii cuartel, juanchangiꞌe ndo Pablo xi comandante ko ndachro ndo: ―¿Á chao xronichja̱ ngajinnta? Ko jeꞌe xa juatingíexin xa ko ndachro xa: ―Jaꞌa, ¿á noꞌa nichja ngigua griego?

Hechos 16:37

Tjumeꞌe ndo Pablo ndache ndo xi policía: ―Janꞌanna ni romanona, juaya na̱ ngajinna ko bikon kueya chujni ko ndachroꞌa xa ngeꞌe ijie̱ juintaꞌana. Ko jaña xraxinꞌinna xa ndoꞌachjiso ko jai, ¿á imao tsajandana xa? Naꞌi. Tsi̱i̱ jeꞌe xa ko jeꞌe xa tsantsjena xa.

Hechos 15:41

Tjumeꞌe kuatsinga sen nunte Siria ko nunte Cilicia ko jian nichjeꞌe sen sen titikaon Ncháina niꞌngo ntiꞌa.

Hechos 15:23

Ko jaꞌin ndachro xroon tsikao sen: “Janꞌanna, ni kuincheꞌe Ncháina Jesús ko ni tetuanꞌan niꞌngo ntiꞌi nichjaꞌananta jaꞌanta kichuuna ni jeꞌa judío, ti stenta tjajna Antioquía ko nunte Siria ko nunte Cilicia, tayeꞌénta juajna.

Hechos 9:30

Tjumeꞌe sen titikaon ndo Cristo tsikinꞌen sen ngeꞌe xrokonꞌen ndo ko sabikao sen ndo tjajna Cesarea ko kuetuenꞌen sen ndo satsji ndo tjajna Tarso.