Hechos 1:16 - El Nuevo Testamento

¹⁶ ―Kichuuna, xrokonda tsonꞌen xranchi nichja xroon chijnie ndo Dio ti tsinichja ndo David ó saꞌó tsichronga Espíritue ndo Dio ngeꞌe sincheꞌe xi Judas, xi bikaꞌo ni itsé ndo Jesús.

Hechos 1:16 Referans Kwoze

San Juan 13:18

’Jeꞌa ixi kainnta ndachrja̱n jiꞌi. Janꞌan nóna ngisen kuinchaꞌa. Ko xrokonda tsonꞌen xranchi tsikjin sen saꞌó: “Ngisen nekiꞌan, ni meꞌe tsingaxiton na̱ ngaji̱n.”

Hechos 1:20

Jaꞌin jitaxin naa Salmo chijnie ndo Dio: Jeꞌo ndoꞌa xa tsituꞌe, ko xroꞌan ngisen tsakeꞌe ntiꞌa. Ko kaxon ndachro: Inaa chujni tsayéꞌe ixra̱ kuancheꞌe xa.

Mateo 26:56

Ko kain jiꞌi jaña xrokonda tsonꞌen, ixi jaña chronga sen tsikjin xroon chijnie ndo Dio ó saꞌó. Tjumeꞌe kain sen chrikao ndo Jesús sabinga sen ko jeꞌo ndo kuituꞌe ndo.

Mateo 26:54

Ko siá xrokui̱i̱ sen ángel, jaña íxrokuenꞌa ti nichja xroon chijnie ndo Dio ó seno.

Mateo 26:47

Ko xrajinichjao ndo Jesús, kui̱i̱ xi Judas, naa xi teyuxin chrikao ndo, ko tsango itsjé chujni bikaꞌo xa, ni steyá nta̱a̱ ko chika espada, ni meꞌe tsixruaꞌan xitaana tsango tetuanꞌan ko ni tachríi neꞌe tjajna judío.

1 Pedro 1:11

Espíritue ndo Cristo juinchenoꞌe sen kuachronga chijnie ndo Dio ó saꞌó ixi ndo Cristo tangi xrokonꞌen ndo, ko tjumeꞌe tsayéꞌe ndo juachaxin ijié. Ko jeꞌe sen tjaun sen tsonoꞌe sen ngisen meꞌe ko ngisa xrokonꞌen ngeꞌe ndachro Espíritue ndo Dio.

Marcos 14:43

Xrajinichja ndo Jesús, tuinxin kui̱i̱ xi Judas, naa xi teyuu chrikao ndo. Ko kueya na̱ bijikao xa steyá na̱ chika espada ko nta̱a̱. Ni meꞌe tsixruaꞌan xitaana tetuanꞌan ko xi tjako ley ko xi tetuanꞌan niꞌngo.

2 Pedro 2:21

Cháña xrokuichuxinꞌa na̱ chijni jian juako ndo Dio, ke jai chúxin na̱ chijni ko tsintuꞌe na̱ ngeꞌe kuetuanꞌan ndo Dio.

Hechos 23:6

*Ko ndo Pablo konoꞌe ndo ixi kaxin ni jii ntiꞌa ni partidoe xi saduceo, ko ikaxin na̱ ni partidoe xi fariseo. Ko séen ndachro ndo: ―Kichuuna, janꞌan naa ni fariseo ko sen nía kaxon fariseo sen. ¿Sonda jaꞌanta nchekamaninta ijie̱ ixi janꞌan titikaꞌon xroxechón ni tsikenꞌen?

Hechos 23:1

Tjumeꞌe ndo Pablo jian tsjeꞌe ndo ni tituanꞌan ni judío ko ndachro ndo: ―Kichuuna, ndo Dio jitsjeꞌe ndo ixi jian juintaꞌa janꞌan kain nchakon.

Hechos 22:1

―Jaꞌanta kichuuna ko sen tachríi, tinꞌennta ngeꞌe xrondachrja̱n ixi janꞌan chondaꞌi ijie̱.

Hechos 15:7

*Sée juakaxin kichuu sen ko tjumeꞌe bingatjen ndo Pedro ndachro ndo: ―Jaꞌanta kichuuna, ó noꞌanta ixi seno ndo Dio kuinchena ndo janꞌan ixi tsjako ngajin kain ni jeꞌa judío ixi tsinꞌen na̱ chijni jian neꞌe ndo Cristo ko kaxon jeꞌe na̱ tsitikaon na̱.

Hechos 13:38

Méxin, kichianna, xrokonda tsonoꞌanta xranchi tsoméꞌe jíanta ixi ndo Jesús meꞌe kuenxin ndo ixi jaꞌanta.

Hechos 13:15

Ko juexin juinchekuanxin sen xroon jitaxin ley ko ngeꞌe tsikjin sen kuachronga chijnie ndo Dio ó saꞌó, tjumeꞌe ni tetuanꞌan niꞌngo kuiyeꞌe na̱ sen tjako ko ndachro na̱: ―Kichianna siá chondanta ngeꞌe xrochronganta ixi ícha tsakeꞌena juaxruxin, ndachronta, jai tsinꞌanna.

Hechos 7:2

Tjumeꞌe jeꞌe ndo juateꞌe ndo ko ndachro ndo: ―Kichianna xrotjajna Israel ko sen tachríi tinꞌennta ngeꞌe xrondachrja̱n. Ndo Dio titikaꞌonna chónda juachaxin, ndo meꞌe juako ndo juachaxien ndo ngajin ndo Abraham, ndo kuachrjenixinna nchakon bakeꞌe ndo tjajna Mesopotamia, xrasatjiꞌa ndo nunte Harán.

Hechos 2:37

Ko kuinꞌen na̱ jiꞌi, tjumeꞌe tsango koniꞌe aséen na̱. Ko juanchangiꞌe na̱ ndo Pedro ko sen kaxin kuincheꞌe ndo Jesús ko ndachro na̱: ―Kichianna, jai, ¿ingeꞌe sintaꞌana?

Hechos 2:23

*Maski jaña bikonta, jaꞌanta ndakuaꞌi juinchekuunta ndo xranchi tsixraxaon ndo Dio ó saꞌó. Ko jaꞌanta kuajonnta ndo ngajin ni ñaꞌi, ko kuenitonta ndo nta̱cru.

San Juan 19:36

Jaña konꞌen jiꞌi ixi tsonꞌen ngeꞌe ndachro xroon chijnie ndo Dio tsikjin sen: “Tsondakiꞌa na̱ ninaa nteꞌe ndo.”

San Juan 10:35

Ko noi̱na ixi ngeꞌe ndachro xroon chijnie ndo Dio, juaꞌi tsitikaonꞌana. Ndachro ndo Dio ixi xranchi ndo Dio ngujngu chujni kuayéꞌe chijnie ndo.

San Lucas 22:47

Xrajinichja ndo Jesús, kui̱i̱ kueya na̱ ko jitaon xi Judas, xi meꞌe naa xi teyuu sen bajikao ndo. Ko konchjiñeꞌe xi meꞌe ngajin ndo Jesús ko kuitoxin xa ndo.

Marcos 12:36

Ixi Espíritue ndo Dio bingijna ndo David ko ndachro ndo: Ndo Dio ndache ndo Nchána: “Takeꞌé ndatsjonxin jian ti no tituanꞌan janꞌan, tsjexinja tsitjáña kain ni ningakonꞌan.”

Hechos 28:25

Ko jeꞌa naáko naa ngeꞌe xraxaon na̱ ko sakuntekji na̱, ko ndo Pablo ndachro ndo: ―Chao tsinichja Espíritue ndo Dio ngajin sen kuachrjenixinna ó saꞌó ti ndachro ndo profeta Isaías:

Hechos 28:17

Tjumeꞌe kuatsinga níi nchakon, ndo Pablo kuiyeꞌe ndo kain ni judío tetuanꞌan jii tjajna Roma. Ko nchakon xraꞌo kain na̱, tjumeꞌe ndachro ndo: ―Kichianna, xroꞌan ti ndakoꞌa juintaꞌa ngajin ni judío ko ningakuanꞌi ngeꞌe kuancheꞌe sen tachríꞌina xranchrjen ko maski bijéna na̱ tjajna Jerusalén ti tetuanꞌan ni romano.

Hechos 15:13

Juexin nichja ndo Pablo ko ndo Bernabé, tjumeꞌe kuaxi nichja ndo Jacobo ko ndachro ndo: ―Kichuuna, jian tinꞌennta ngeꞌe xrondachrja̱n.

Mateo 26:14

Tjumeꞌe naa xi teyuu chrikao ndo Jesús, ndatinꞌin xa Judas Iscariote, ikjui xa kuitsjeꞌe xa xitaana ícha tetuanꞌan

San Juan 17:12

*Nchakon bakeꞌe ngajin sen ntiꞌi nunte xasintajni, kuayakonꞌan sen ixi juachaxiannta. Ko ninaa sen kuitjáñaꞌi sen. Jeꞌo naakua naa ngisen kuitjáña, ixi xi meꞌe ó tsikitjáña xa ixi jaña tsonꞌen xranchi jitaxin xroon tsikjin sen saꞌó.

2 Pedro 1:21

ixi sen kuachronga chijnie ndo Dio nichjaꞌi sen ngeꞌe jeꞌo jeꞌe sen xraxaon sen. Jeꞌe sen tsango kuitikaon sen ndo Dio ko Espíritue ndo bingijna sen kuanichja sen chijnie ndo.