Hebreos 6:12 - El Nuevo Testamento

¹² Ko tjaunꞌana tsaxi tsosaꞌanta. Janꞌanna tjaꞌonna sincheꞌenta xranchi sen nduaxin chuntia ndo Dio, ko sen meꞌe stetayéꞌe sen ngeꞌe tsindachro ndo Dio tsi̱tu̱nꞌe̱n sen.

Hebreos 6:12 Referans Kwoze

Hebreos 13:7

Xraxaonnta ngisen juakoꞌanta ko nichjaꞌanta sen chijnie ndo Dio; takeꞌénta xraxaonnta xranchi jian juincheꞌe sen ngataꞌa nunte ntiꞌi ko ncheꞌenta xranchi juakoxin sen, xranchi jeꞌe sen tsango chuntia sen ndo Dio.

Hebreos 10:36

Nchakon tsikaonnta ko ti tsuyakuꞌanta na̱, meꞌe xrokonda soji tsinteenta ko tsitikaonnta ti tjaun ndo Dio, meꞌe tsayeꞌenta ti tsindachro ndo.

1 Juan 2:25

Ko ndachro Ncháina Jesucristo xrochjai̱na ndo juachaxin tsechónna kain nchakon.

Romanos 12:11

Jian ncheꞌenta ixra̱ ko tosaꞌinta, ko ncheꞌenta ixra̱ ngajin Ncháina ixi nchijíi asáanta.

Hebreos 5:11

Janꞌanna chondana itsjé ngeꞌe sintakuanꞌannanta ixi chijni jiꞌi, ko tsango tangi xrontatjunanta ixi jaꞌanta tsango indao tienxinnta.

2 Pedro 1:10

Méxin, kichuuna, jian ncheꞌenta ko soji titikaonnta, jaña xrotjáñaꞌinta ngeꞌe kuitikaonnta ko naiꞌa tsachrjendaxinnta chaꞌo jian.

Santiago 1:3

Ó noꞌanta ixi siá xrojan ngeꞌe tangi tintekonꞌannta, meꞌe tsonoꞌanta siá nduaxin jaꞌanta chuntianta Ncháina Jesucristo ko meꞌe ritanginta ko soji tsinteenta.

Hebreos 12:1

Ko jai̱na noi̱na ixi chondana ngandajinna kueya sen tjakoxin ixi nduaxin kuachúntia sen ndo Dio, sen kuintee seno, méxin ndáꞌa tsintuꞌena kain ngeꞌe ti ndakoꞌa tingakoi̱na ko jaña chao tsingana, xroruéꞌena ti ngeꞌe chuntiana.

Hebreos 1:14

Kain sen ángel meꞌe espíritu tikonꞌani ncheꞌe ixra̱ ngajin ndo Dio ixi jeꞌe sen kuituenꞌen sen tsingijna sen chujni tsitjáñaꞌi aséen ko tsechón kain nchakon.

Romanos 4:12

Ko kaxon ndo Abraham, ndotée kain chujni tsikaa chjiꞌe ndo Dio, siá chuntia sen ndo Dio xranchi chuntia jeꞌe ndo Abraham, nchakon xratsikaꞌi ndo chjiꞌe ndo Dio.

Romanos 2:7

Ko tsajon ndo juachaxin tsechón na̱ kain nchakon, ni juée kain juachaxien ndo Dio ko juée na̱ tsechón na̱ ti jii jeꞌe ndo, ko ni ndako ko jian juincheꞌe ixra̱.

Apocalipsis 13:10

Ni tijeꞌe̱ ndoꞌachjiso inaa chujni, kaxon jeꞌe na̱ tikinixin tsijeꞌe̱ na̱ ko ni naatóñaxón naa chujni ixi chika espada, kaxon jeꞌe na̱ chika espada tsenxin na̱. Jiꞌi xrondachro ixi sen tjajnée ndo Dio tsikixinꞌen sen tsatsinga sen kain ti tangi ko tsintueꞌa sen xrochuntia sen ndo Dio.

Hebreos 11:33

Jeꞌe sen chuntia sen ngajin ndo Dio, meꞌe juacha sen kuetuenꞌen sen ikaxin tjajna ijié, ko jian juinchéña sen ijie̱ ngajin chujni meꞌe, ko kuayéꞌe sen ngeꞌe tsindachro ndo Dio xrokuajon ndo, ko kuijeꞌe̱ sen roꞌa kujenda,

Hebreos 6:15

Ko ndo Abraham nduaxin chónꞌen ndo, meꞌe kuayéꞌe ndo ti tsindachro ndo Dio tsi̱tu̱nꞌe̱n ndo.

2 Tesalonicenses 1:4

Méxin janꞌanna jian nichjana ixi jaꞌanta ngajin sen kichuuna, sen ningue ndo Dio, ixi juaxruxin stena ixi jaꞌanta ícha soji chuntianta Ncháina Jesús, maski stetatsinganta juachjaon ixi jii chujni ningakonꞌannta.

San Lucas 8:15

Ko tse̱e̱ kuitsinga ti inche indá xrondachro ngisen tayéꞌe chijnie ndo Dio ngaxinꞌin aséen na̱ ko titikaon na̱ ti ndachro ndo ko soji tjintee na̱.

Mateo 22:32

“Janꞌan ndo Dio, ndo titikaon ndo Abraham ko ndo Isaac ko ndo Jacob.” Ndo Dio jeꞌa neꞌe ni tsikenꞌen. Naꞌi. Jeꞌe ndo ndo Dio neꞌe ni stechón.

1 Tesalonicenses 1:3

Nchakon nichjaꞌana Ndotáina Dio xraxaꞌonnanta ixi jian tjakonta ko nchijíi asáanta chuntianta Ncháina Jesús ko rincheꞌenta xrée ndo Dio ixi ícha tjueꞌenta ndo ko soji stenta ixi stechonꞌennta xrokjan Ncháina Jesucristo.

San Lucas 16:22

Ko tjumeꞌe naa nchakon xi nóa kuenꞌen xa ko sen ángel sabikao sen xa ti juaxruxin ti jii ndo Abraham, ti jii kain sen jian. Ko kaxon xi chónda itsjé tomi kuenꞌen xa ko juabaa na̱ xa.

Mateo 25:26

Tjumeꞌe juateꞌe nchée xinchexra̱ meꞌe ko ndachro xa: “Jaꞌa xinchexra̱ tsango ñaꞌia ko tsango saꞌa. Siá noꞌa ixi janꞌan tsango ji̱nta̱na ko tandáa ti no bengaꞌi ko tjejo ti no kuintjíꞌa tse̱e̱,