Hebreos 5:8 - El Nuevo Testamento

⁸ Maski ndo Cristo, Chjenꞌen ndo Dio, chinga juinchekao na̱ ndo, jeꞌe ndo kuitikaon ndo ndotée ndo.

Hebreos 5:8 Referans Kwoze

Filipenses 2:8

Ko kuakeꞌe ndo xranchi naa xi ko jeꞌe ndo juinchenóa aséen ndo kuitikaon ndo kain ngeꞌe kuetuanꞌan ndo Dio ko kuenꞌen ndo nganito nta̱cru xranchi naa chujni yama ijie̱.

San Juan 4:34

Ko ndachro ndo Jesús: ―Ti iné janꞌan meꞌe ixra̱ sintaꞌa ti tsiketuanꞌan ngisen xruanꞌanna, ko xrokonda sintajexin ixra̱.

San Juan 15:10

Siá tsitikaonnta ti kuetuanꞌannta, tsonoꞌanta ixi tjuaꞌanta xranchi kaxon janꞌan titikaꞌon ngeꞌe kuetuanna Ndotána ko nóna ixi jeꞌe ndo tjuaꞌna ndo.

San Juan 6:38

Janꞌan juixin ngajní ko jeꞌa ngeꞌe tjaꞌon sintaꞌa. Juiꞌi ixi sintaꞌa ixra̱ tjaun ndo tsixruanꞌanna.

Hebreos 3:6

Ko ndo Cristo, Chjenꞌen ndo Dio, tsango tayakonꞌen ndo ndoꞌa ndo Dio ko nchia meꞌe jai̱na, siá nduaxin tsitikaonna ndo, xrochéꞌe aséei̱na ko xrochuntiana ixi tsayéꞌena ti ngeꞌe tsajon ndo tsijija nchakon tsjexin kain ngeꞌe.

Hebreos 1:8

Ko ndo Dio ndache ndo Chjenꞌen ndo: Jaꞌa ndo Dio tsetuanꞌan kain nchakon ko jaꞌa jian tsetuanꞌan.

Hebreos 1:5

Méxin, ndo Dio ndacheꞌa ndo ninaa sen ángel: Jaꞌa Chjanꞌna, ko janꞌan ndachrja̱n ixi janꞌan Ndotáa. Ko kaxon ndachro ndo: Janꞌan xrokjanna Ndotáa, ko jaꞌa chjanꞌna.

Mateo 3:15

Ko ndo Jesús juatingíexin ndo: ―Jaña xrokonda sincheꞌena jai, ixi jaña tsitikaonna kain ti kuetuanꞌan ndo Dio. Meꞌe ndo Juan kuitikaon ndo.

Hebreos 1:2

Ko nchakon tsaxi tsjexixin kain ngeꞌe ndo Dio nichjaxin ndo Chjenꞌen ndo, xjan Jesucristo. Ndo Dio chjée ndo Jesucristo juachaxin juinchekonchjian ndo kain ngeꞌe jii xasintajni ko ngajní, ko jeꞌe ndo Jesucristo kuayéꞌe ndo juachaxin ixi tsetuanꞌan ndo kain ngeꞌe.

San Juan 10:18

Xroꞌan ngisen tsantsjena ti rícho̱n, janꞌon tajon aséenna tsenꞌen ixi jaña tjaꞌon. Chonda juachaxin tsajon aséenna ko chonda juachaxin xroxechónna íjngo. Jiꞌi kuetuanna Ndotána.