Hebreos 3:12 - El Nuevo Testamento

¹² Kichuuna, tsjeꞌenta jian, ixi ninaa jaꞌanta xrochondaꞌinta naa asáanta ñaꞌi, ko tsachrjendáanta ko tsitikaonꞌanta ngeꞌe tetuanꞌan ndo Dio, ndo jichón.

Hebreos 3:12 Referans Kwoze

Hebreos 12:25

Méxin, jian tsjeꞌenta ngisen jinichjaꞌanta ko titikaonnta ndo Dio, ixi sen tjajnée ndo, sen kuitikaonꞌa nchakon kuyakutee ndo sen ngataꞌa ijna̱ juaꞌi sabingeꞌe sen ndo. Méxin, jai̱na ícha juaꞌi satsingeꞌena ndo siá sintuꞌuna ti ndakoꞌa ko tsitikaonꞌana ndo, ixi jeꞌe ndo jinichjai̱na ndo ko tée ndo jiti̱ꞌxi̱n ngajní.

1 Corintios 10:12

Ko ngisen xraxaon ixi jian jincheꞌe sen, xrotsjeꞌe sen jian, ixi kain nchakon jaña sincheꞌe sen.

Hebreos 10:38

Sen chuntiana janꞌan ko tjúá aséen sen, meꞌe sen tsechón kain nchakon; ko siá xrokjan sen sincheꞌe sen ti ndakoꞌa, janꞌan tsakeꞌa juaxruxin ngajin sen.

Hebreos 12:15

Jian tsjeꞌenta ixi kain sen tsayéꞌe sen ti nchekitunꞌenni ndo Dio, ixi siá naꞌi, tsonꞌen xranchi naa ika itsjá, ko siá xrojan sen xrokuiꞌi ti itsjá meꞌe, tsontsjá aséen sen ko sincheniꞌe sen ikaxin chujni.

Hebreos 3:10

Méxin, janꞌan ndo Dio koñaꞌo ngajin kain sen kuintee nchakon meꞌe, ko ndachrja̱n: “Jaꞌanta tsango juinchengachroe asáanta, ko kuitikaonꞌanta chijnina kuetuanꞌannta.”

Marcos 13:33

’Méxin tsjeꞌenta jian ko xronichjeꞌenta ndo Dio ixi noaꞌinta ngisa ko ngiora tsonꞌen kain jiꞌi.

Mateo 24:4

Ko jaꞌin juateꞌe ndo Jesús: ―Jian tsjeꞌenta ixi xroꞌan ngisen sintayaꞌanta.

Marcos 13:9

*’Ko jaꞌanta soji takeꞌénta ixi tsikuꞌunta na̱ ti jii xi tetuanꞌan ko ngaxinꞌin niꞌngo ntiꞌa tsjaya na̱ ngajinnta. Kaxon tsikaannta na̱ ti jii xi gobernador ko xi rey ixi chuntianta ngajin janꞌan; ko jaña tsjakoxinnta ngajin jeꞌe na̱ ixi titikaonninta janꞌan.

1 Tesalonicenses 1:9

ixi jai jeꞌe na̱ chronga na̱ xranchi juasona tjajnánta, ko kainnta kuajonnta juachaxin kuinteena ntiꞌa ko tjumeꞌe kuintuꞌenta kain ídolo ixi kuaxinta kuitikaonnta ndo Dio, ndo nduaxin jichón.

Romanos 11:21

Siá ndo Dio bikonóeꞌa ndo ni judío, jaña kaxon tsikonóaꞌinta ndo siá ndakoꞌa sincheꞌenta.

San Lucas 21:8

Ndo Jesús ndachro ndo: ―Tsjeꞌenta jian ixi xroꞌan ngisen sintayaꞌanta. Ixi tsi̱i̱ kueya na̱ xrondachro na̱ ixi jeꞌe na̱ ndo Cristo na̱, ko xrondachro na̱: “Ó tsitjáña nunte.” Jaꞌanta titikaonꞌanta ti ndachro ni meꞌe ko rueꞌanta na̱.

Marcos 13:23

Ko jaꞌanta tsjeꞌenta jian ixi ó ntatjunta saꞌó ngeꞌe tsonꞌen.

Mateo 16:16

*Ko ndo Simón Pedro juatingíexin ndo ko ndachro ndo: ―Jaꞌanta ndo Cristo, Chjenꞌen ndo Dio, ndo jichón.

Colosenses 2:8

Jian tsjeꞌenta ixi xroꞌan ngisen sintayaꞌanta ixi jeꞌe na̱ jeꞌo tjako na̱ ti xraxaon na̱ ko ti xraxaon chujni nunte xasintajni, ko tjakoꞌa na̱ ti tjaun ndo Cristo.

Hebreos 3:1

Méxin, kichuuna, jaꞌanta ti kontjúá asáanta, jaꞌanta ti kuiyaꞌanta ndo Dio ixi xrokjannta chujnie ndo ko jian tsjeꞌenta ndo Jesús ixi jeꞌe ndo kóña ndo Ndotánai̱na ícha tetuanꞌan; juasiexin jeꞌe ndo, chuntiana ngajin ndo Dio.

Hebreos 3:19

Ko noi̱na nduaxin kuixinꞌa sen ti tjajna tsjokéꞌeni ixi kuitikaonꞌa sen ndo Dio, ndo nduaxin.

Hebreos 9:14

Siá meꞌe chónda juachaxin, jnié ndo Cristo ícha chónda juachaxin, ixi juachaxien Espíritue ndo Dio jichón kain nchakon, ndo Cristo kuenꞌen ndo ixi chujni, ko kuenꞌen ndo ixi jaña ndo Dio xrokuayéꞌe ndo ndo Cristo xranchi naa ngeꞌe tayéꞌe ndo, ko jeꞌe ndo Cristo xroꞌan ijie̱ chónda ndo. Méxin, jnié ndo ícha sinchetjúá aséei̱na ko kain ti ndakoꞌa juintuꞌuna, meꞌe jai chao sincheꞌena ixra̱ ngajin ndo Dio, ndo jichón.

Hebreos 10:31

Tsango tangi tsonꞌenni siá tsitikaonꞌani ndo Dio, ndo jichón.

Hebreos 12:22

Ko jeꞌa xranchi konchjiñeꞌe sen israelita, jaꞌanta nduaxin konchjiñeꞌenta ngajin ijna̱ Sión, tjajnée ndo Dio, ndo jichón kain nchakon, tjajna meꞌe tjajna Jerusalén jii ngajní, ko ntiꞌa ste itsjé sen ángel, stetajon sen juasaya ngajin ndo Dio,