Gálatas 5:17 - El Nuevo Testamento

¹⁷ *Ixi ngeꞌe ñaꞌi tjaun cuerpoanta sincheꞌe, te̱to̱kaꞌo Espíritue ndo Dio, ko ngeꞌe tjaun Espíritue ndo Dio sincheꞌenta te̱to̱kaꞌo ngeꞌe ñaꞌi xraxaonnta. Ko kayui, meꞌe tinteke̱ꞌto̱ kichuu. Méxin, jaꞌanta juaꞌi ncheꞌenta ngeꞌe ti jian.

Gálatas 5:17 Referans Kwoze

Romanos 8:13

Ko siá sincheꞌenta ngeꞌe tjaun cuerpoanta, ndatsenꞌennta ko ínaiꞌa xrotsechónnta. Ko siá tsitikaonnta Espíritue ndo Dio, tsintuꞌenta kain ngeꞌe tjaun cuerpoanta, jaña tsaricho̱nnta kain nchakon.

San Juan 3:6

Chujni tjongíexin ndotée ko janée xra jeꞌo chujni sen, ko sen tjongíexin Espíritue ndo Dio, sen meꞌe tayéꞌe sen Espíritue ndo.

Mateo 26:41

Nichjeꞌenta ndo Dio ko tarichrinꞌanta ixi jaña sinchengachrueꞌa Xixronꞌanxrée asáanta ixi espírituanta tjée ndo Dio ko ntauꞌanta tjaunꞌa.

Santiago 3:2

Kainna ndakoꞌa nichjana, ko siá jii ngisen jian nichjeꞌe sen sen kichuu sen ko xroꞌan chijni ndakoꞌa tachrjexin roꞌa sen, sen meꞌe ícha tjúá aséen sen ko chao tetuenꞌen sen nchijíi cuerpoe sen.

Mateo 16:23

Tjumeꞌe ndo Jesús ngatjia ndo ko ndache ndo ndo Pedro: ―Ndáꞌa satjia jaꞌa, Xixronꞌanxrée. Tingakonnaꞌia ti ngeꞌe tsónna ixi jaꞌa tienxinꞌa xranchi xraxaon ndo Dio. Jaꞌa xraxaoan xranchi xraxaon chujni.

San Lucas 22:46

Méxin ndachro ndo: ―¿Sonda stechrinnta? Xingamaꞌanta, ko nichjeꞌenta ndo Dio ixi tsingijnanta ndo sincheꞌanta ngeꞌe ndakoꞌa.

Mateo 12:30

*’Ngisen titikaonꞌa najanꞌan, sen meꞌe ningakonna sen, ko ngisen tingijnaꞌi ixra̱ ntaꞌa, sen meꞌe tingakonꞌen sen.

Gálatas 3:21

Ko, ¿á ley tingakuenxin ti ngeꞌe ndachro ndo Dio tsajon ndo? Naꞌi. Siá xrobakeꞌe naa ley xrokuajon juachaxin tsechónxinni kain nchakon, ko meꞌe xrokoméexin jíei̱na siá xrokuitikaonna ngeꞌe tetuanꞌan ley meꞌe.

San Lucas 22:33

Ko ndo Simón ndachro ndo: ―Nchána, janꞌan xroruaꞌanta ti no tsikuꞌunta na̱ ko siá tsijaꞌanta kaxon janꞌan, ko siá jaꞌanta tsenꞌennta, kaxon janꞌan tsenꞌena.

Mateo 16:17

Ko ndo Jesús ndachro ndo: ―Juaxruxin takeꞌé jaꞌa Simón, chjenꞌen ndo Jonás, ixi xroꞌan chujni juintanoꞌa jiꞌin. Jeꞌe Ndotána jii ngajní juintanoꞌa.

Mateo 5:6

’Juaxruxin tsakeꞌe kain sen tjaun xranchi xrojuine o̱ xrokuiꞌi chijnie ndo Dio ixi jeꞌe ndo Dio tsajon ndo ti jian ngaya aséen sen.