Gálatas 1:13 - El Nuevo Testamento

¹³ *Jaꞌanta ó kuinꞌennta ngeꞌe juintaꞌa ó seno, ti janꞌan batitikaꞌon ley neꞌe sen judío, méxin kuaruaꞌa̱ ko bakonꞌín sen bakitikaon chijnie ndo Cristo ko tjaꞌon xrokuitjáña sen.

Gálatas 1:13 Referans Kwoze

Hechos 8:3

*Ko xi Saulo ningakonꞌen xa sen titikaon ndo Cristo. Ko kuaxi xa kuixinꞌin xa ngujngu ndoꞌa sen ko itsé xa sen xi ko sen nchri ko bingakjin xa sen ko xraxinꞌin xa sen ndoꞌachjiso.

1 Corintios 15:9

*Ko janꞌan nóna ixi jeꞌa ícha tjinteena xranchi ikaxin sen tsikincheꞌe Ncháina ko tikinixinnaꞌi xrondachijina sen apóstol, ixi janꞌan kuaningakonꞌan ko tjaꞌon naaxrokóñaxón sen titikaon Ncháina.

Hechos 9:26

Ko nchakon kuiji ndo Saulo tjajna Jerusalén tjaun ndo xrokui ndo ngajin sen titikaon Ncháina Jesús. Ko kain sen xronka sen ixi kuitikaonꞌa sen á nduaxin kaxon jeꞌe ndo ó titikaon ndo Ncháina Jesús.

Hechos 9:21

Kain ni jitinꞌen tsango xronka na̱ ko ndachro na̱: ―¿Á jeꞌa xi jiꞌi baruéꞌe ko bakoña kain ni titikaon ndo Jesús tjajna Jerusalén? ¿Á meꞌe kui̱ꞌxi̱n xa ntiꞌi ixi tsikao xa ni titikaon ndo Jesús ngajin xitaana tetuanꞌan?

1 Timoteo 1:13

*Maski seno kuanichjangíꞌa ndo ko bakitikaonꞌa ndo ko bakengi sen titikaon ndo ko chinga banichja kondee jeꞌe ndo, ko maski jaña juintaꞌa, ndo Dio tsango bikonóaꞌna ndo ixi nchakon meꞌe nónaꞌi ngeꞌe juintaꞌa ko kuichuxinꞌa ndo.

Filipenses 3:6

*Ko janꞌan tsango bakitikaꞌon ti tjako ni fariseo, méxin kuaningakonꞌan ni titikaon ndo Cristo ko janꞌan tsango bakitikaꞌon ley ko xroꞌan ngisen xrondachro ixi nduaxinꞌa juintaꞌa meꞌe.

Hechos 8:1

Ndo Saulo naxrajeꞌo xraxaon ndo xranchi ni kóña ndo Esteban. Ko nchakon meꞌe juangíxin na̱ tóña na̱ sen titikaon ndo Jesús tjajna Jerusalén ko kain sen titikaon ndo Cristo kuaxi chjekeꞌe sen sakjui sen nchijíi nunte Judea ko nunte Samaria. Ko jeꞌo sen apóstol tsikincheꞌe ndo Jesús kuituꞌe sen Jerusalén.

1 Corintios 10:32

Ncheꞌanta ngeꞌe sincheniꞌe aséen ikaxin sen, maski sen judío o̱ maski sen jeꞌa judío o̱ sen ningue ndo Dio.

1 Timoteo 1:14

Ko Ncháina Jesús tsango juinchenchaonna ndo ixi kuajon ndo juachaxin tsitikaꞌon ndo, ko jaña chuntia ngajin ndo ko tjuaꞌa sen kichuuna ixi titikaꞌon ndo.