Filemón 1:2 - El Nuevo Testamento

² *Kaxon nichjaꞌa kain sen titikaon Ncháina, sen xraꞌo ndúia ko kao jan kichuuna Apia ko ndo kichuuna ndo Arquipo, ndo ncheꞌe xrée ndo Dio xranchi jai̱na.

Filemón 1:2 Referans Kwoze

Colosenses 4:17

*Ndachenta ndo Arquipo ixi tsitikaon ndo jian ixra̱ tsikajon Ncháina sincheꞌe ndo.

Filipenses 2:25

Ko kaxon xraxaꞌon xrokonda xroxruanꞌanta ndo kichuuna, ndo Epafrodito. Jeꞌe ndo kaxon tingijnana ndo ntaꞌana xra̱ ko kayuina tsango tangi bakeꞌena. Jeꞌe ndo xruanꞌannta ndo ixi tsingijnana ndo kain ngeꞌe xrokondai̱na.

Romanos 16:5

Tájonnta juajna kaxon ngajin kain sen kichuuna xraꞌo ndoꞌa jan Priscila ko ndo Aquila. Nichjeꞌenta ndo Epéneto, ndo tsango jian tjento, ndo meꞌe saꞌó juangíxin kuitikaon ndo ndo Cristo nunte Acaya.

Colosenses 4:15

Tájonnta juajna ngajin sen kichuuna ste tjajna Laodicea ko kaxon ngajin jan Ninfas ko sen xraꞌo ndoꞌa jan.

1 Corintios 16:19

*Sen xraꞌo niꞌngo nunte Asia xruanꞌannta sen juajna. Kaxon ndo Aquila ko jan Priscila ko sen xraꞌo ndoꞌa sen xruanꞌannta sen juajna ixi juachaxien Ncháina.

Romanos 16:1

Ixudio tingijnanta jan kichuuna Febe. Jeꞌe jan jian ncheꞌe jan xrée ndo Dio ti niꞌngo jii tjajna Cencrea.