Efesios 1:10 - El Nuevo Testamento

¹⁰ Ko kain ngeꞌe ti tsixraxaon ndo meꞌe tsonꞌen tsitjaja nchakon tsindachro ndo. Ko nchakon meꞌe ndo Dio tsajon ndo juachaxin ixi ndo Jesucristo tsetuenꞌen ndo kain ngeꞌe jii ngajní ko ngeꞌe jii nunte ntiꞌi.

Efesios 1:10 Referans Kwoze

Colosenses 1:20

*Ko kaxon tjaun ndo Dio ixi juachaxien ndo Cristo xrobakeꞌe juaxruxin nunte xasintajni ko nchijíi ngajní ixi ti kuenxin ndo Cristo nganito nta̱cru.

Gálatas 4:4

Ko kuitjaja nchakon tsindachro ndo Dio, xruanꞌan ndo Chjenꞌen ndo kui̱i̱ xjan, jongíexin xjan naa nchri, ko jeꞌe xjan kuitikaon xjan kain ngeꞌe tituanꞌan ley kuayéꞌe ndo Moisés.

Marcos 1:15

*Ko ndachro ndo: ―Ó kui̱i̱ nchakon, tsi̱i̱ juachaxien ndo Dio. Méxin tintuꞌenta ngeꞌe ndakoꞌa xraxaonnta ko titikaonnta chijni jian.

Hebreos 1:2

Ko nchakon tsaxi tsjexixin kain ngeꞌe ndo Dio nichjaxin ndo Chjenꞌen ndo, xjan Jesucristo. Ndo Dio chjée ndo Jesucristo juachaxin juinchekonchjian ndo kain ngeꞌe jii xasintajni ko ngajní, ko jeꞌe ndo Jesucristo kuayéꞌe ndo juachaxin ixi tsetuanꞌan ndo kain ngeꞌe.

Colosenses 1:16

Ko ndo Dio chjée ndo Chjenꞌen ndo juachaxin sinchekonchjian xjan kain ngeꞌe jii ngajní ko ngataꞌa nunte xasintajni, ko kain ngeꞌe tikonni ko ti tikonꞌani. Kaxon kain ngeꞌe tetuanꞌan jii ngataꞌa chrinto ko kain juachaxin jii ngajní, kain meꞌe juinchéña ndo ixi jiꞌi sincheꞌe ixra̱ ngajin ndo.

1 Pedro 1:20

Ndo Dio ó saꞌó kuincheꞌe ndo ndo Cristo ti xrakoꞌa nunte xasintajni. Ko jai konoxin ndo ixi sen chuntia ndo jian tsintee sen.

Efesios 3:15

ndo juinchéña kain ngeꞌe jii ngajní ko nunte xasintajni ko jeꞌe ndo tikinixinꞌen ndo kain chujni.

Apocalipsis 5:9

Ko sen noó jichón ko sen ikán no sen tachríi itsje̱ sen naa soon natjúá: Jeꞌo jaꞌanta tikinixinꞌannta tsayeꞌenta xroon ko tsintjiannta ti sello chónda libro; ixi jaꞌanta naakóñaxónnta na̱ ko jníanta kuenaxinnta chujni ste kain tjajna, sen nichja kain ngigua, tjajna nchínchín ko tjajna ndua ixi xrokuayéꞌe ndo Dio sen.

Efesios 1:22

*Ndo Dio kuajon ndo juachaxin ixi ndo Cristo tsetuenꞌen ndo kain ngeꞌe jii, ko kuajon ndo juachaxin ixi ndo Cristo xranchi xrokjui jáa niꞌngo tsetuenꞌen ndo kain sen tikinixinꞌen ningue ndo.

1 Corintios 11:3

Ko tjaꞌon tsonoꞌanta ixi ndo Cristo tetuenꞌen ndo kain xi, ko kain xi tetuenꞌen xa janchriꞌe xa, ko kaxon jaña ndo Dio tetuenꞌen ndo ndo Cristo.

Hebreos 11:40

ixi ndo Dio ó tsixraxaon ndo tsajon ndo naa ngeꞌe ícha jian ngajin jai̱na ti xrastechónna ko kain sen chuntia ndo ó seno, sen chinga juinchekaon na̱, ixi jaña ngujnguna tsayéꞌena naa juachaxin natjúá ko jaña tsontjúá aséei̱na.

Colosenses 3:11

Ítjinteꞌa á ni judío o̱ á ni griego o̱ á ni tsikaa chjiꞌe o̱ á ni tsiki̱ꞌxi̱n ikjín o̱ á ni noꞌe o̱ á ni noeꞌa o̱ á ni tituenꞌen sincheꞌe ixra̱ o̱ á ni tituanꞌan. Ti ícha tjintee meꞌe ti titikaꞌonna ndo Cristo ixi jeꞌe ndo tituenꞌen ndo kain ngeꞌe.

Efesios 2:15

*Ndo Cristo, ti kuenꞌen ndo, meꞌe juinchejexin ndo ti baketuanꞌan ley xranchi xrokuinteena. Ko ti yuu tjajna juinchéña ndo naakua tjajna natjúá tikinixinꞌen jeꞌe ndo ko jaña bakeꞌe ndo juaxruxin.

1 Corintios 10:11

Kain jiꞌi konꞌen sen tachríꞌina ixi jaña kaxon jai̱na xrokonoi̱na ko jiꞌi jitaxin xroon ixi tsjakoi̱na jai̱na ti stena jai ti ó tsjexin tsitjáña nunte xasintajni.

Mateo 25:32

Ko ntiꞌa xroxejo kain chujni neꞌe kain tjajna nunte xasintajni, ntiꞌa tsantsjendexin xjan ngujngu chujni, xranchi ncheꞌe sen tingatjia kutuchjon, tantsjendáa sen kutuchjon ko nango tsakeꞌe kubito.

Hebreos 9:10

Ixi jiꞌi jeꞌo tajon juachaxin ngeꞌe sineni ko tsiꞌini o̱ ngeꞌe sincheꞌani ixi jaña tsachrjeꞌeni ti ndakoꞌa. Kain jiꞌi bingijna tsitjaja nchakon ndo Dio kuindoxin ndo kain ngeꞌe ko kuajon ndo naa ngeꞌe ícha jian.

Efesios 3:2

Ko jaꞌanta ó jian xrokonoꞌanta ixi juasie ndo Dio kuajon ndo ixra̱ kuayáꞌa̱ ixi sintakuanꞌannta ixi jian tsakeꞌenta.