Apocalipsis 22:9 - El Nuevo Testamento

⁹ Tjumeꞌe jeꞌe ndo ndachro ndo: ―Ncheꞌa jaña, ixi janꞌan kaxon ntaꞌa xrée ndo Dio xranchi jaꞌa ko xranchi sen kichuua, sen nichja chijnie ndo, ko kain sen nduaxin titikaon ti jitaxin xroon jiꞌi. Jeꞌo ndo Dio tikinixinꞌen ndo tsayéꞌe ndo juasaya.

Apocalipsis 22:9 Referans Kwoze

Apocalipsis 19:10

Tjumeꞌe janꞌan bakeꞌexin ntatuchiꞌin tutée ndo ángel ixi tjaꞌon tsajon juasaya ngajin ndo, ko jeꞌe ndo ndachro ndo: ―Ncheꞌa jaña ixi janꞌan kaxon ntaꞌa xra̱ ngajin ndo Dio xranchi jaꞌa, ko xranchi sen kichuua sen kuintueꞌa kuitikaon chijni jian chronga ndo Jesús. Jeꞌo tájuan juasaya ngajin ndo Dio. Ixi jeꞌe ndo Jesús, meꞌe xrondachro ti kuachronga sen kuanichja ó saꞌó chijnie ndo Dio.

Apocalipsis 14:7

Ndo ángel meꞌe séen kuyako ndo ko ndachro ndo: ―Xrakuenꞌanta ndo Dio ko tájonnta juasaya ngajin ndo ixi ó kui̱i̱ nchakon sinchéña ndo ijie̱. Tájonnta juasaya ngajin ndo, ndo juinchéña ngajní ko nunte xasintajni ko ndachaon ko no jitonoxixin inda.

1 Juan 5:20

Kaxon noi̱na ixi Chjenꞌen ndo Dio kui̱i̱ xjan ngataꞌa nunte xasintajni ko juinchekuai̱na xjan xranchi tsichuxinna ndo Dio, ndo nduaxin ko steniina ngajin ngisen nduaxin, meꞌe jeꞌe ndo Jesucristo, chjenꞌen ndo Dio. Jiꞌi Ndo Dio, ndo nduaxin, ko chjai̱na ndo juachaxin tsechónna kain nchakon.

Apocalipsis 4:10

ko hora jaña ncheꞌe sen noó jichón, sen ikán noó tachríi takeꞌexin ntatuchiꞌin sen ngajin ndo Dio ko tajon sen juasaya ngajin ndo jichón kain nchakon, ko tjanka sen corone sen ngajinxin trono ko ndachro sen:

Apocalipsis 22:10

Kaxon ndachijina ndo: ―Temaꞌia kain ti bikuan ko kuinꞌen, ti jitaxin xroon jiꞌi, ixi chijni kuinꞌen tuinxin tsonꞌen kain jiꞌi.

Apocalipsis 15:4

¿Ngisen xroxrakonꞌa ngajinnta, Nchána? ¿Ngisen tsajonꞌa juasaya ngajin jaꞌanta? Jeꞌo jaꞌanta tsango tjúánta. Kain ni nchijíi nunte xasintajni tsajon na̱ juasaya ngajinnta ixi bikon na̱ kain ixra̱ jian tsiji̱ncheꞌenta.

Apocalipsis 9:20

Ko chujni kuenxinꞌa ixi iꞌnchi, xroꞌi ko azufre, ni meꞌe kuintueꞌa na̱ juincheꞌe na̱ ti ndakoꞌa ko kuintueꞌa na̱ kuajon na̱ juasaya ngajin Xixronꞌanxrée ko tsango jueñao na̱ ídolo tsikóñaxin chika oro, chika plata, chika bronce, ixro ko nta̱a̱, ídolo meꞌe juaꞌi tikon, tienꞌa ko chrjiꞌa.

Apocalipsis 22:18

Kain sen tinꞌen chijnie ndo Dio, chijni jitaxin xroon jiꞌi ko chronga ngeꞌe tsonꞌen, sintanoꞌa sen: Siá xrojan ngisen tsasintaxin inaa ngeꞌe ti jitaxinꞌa xroon jiꞌi, ndo Dio sincheniꞌe ndo sen xranchi jitaxin xroon jiꞌi.

San Lucas 4:7

Méxin siá jaꞌa tsakeꞌexian ntatuchiꞌian ko xrochjána juasaya, kain jiꞌi tsayeꞌé.

Mateo 4:9

Ko ndachro Xixronꞌanxrée: ―Kain jiꞌi xrotjáꞌa siá jaꞌa tsakeꞌexian ntatuchiꞌian ko xrochjána̱na juasiaa.

Apocalipsis 1:1

Kain ngeꞌe jitaxin ntiꞌi ndo Dio juinchenoꞌe ndo Ncháina Jesucristo ixi sinchenoꞌe ndo kain sen ncheꞌe xrée ndo ixi kain jiꞌi xrokonda tuinxin tsonꞌen. Ndo Jesucristo xruanꞌan ndo naa ndo ángel ixi sinchenoꞌe ndo ndo Juan kain jiꞌi ixi jeꞌe ndo Juan ncheꞌe ndo xrée ndo Jesucristo.

Apocalipsis 1:11

Jaꞌin ndachro ndo: ―Janꞌan ti xrangíxixión ko ti tsjexixin xranchi letra á xrangíxixión ko letra zeta tsjexixin. Jaꞌa ikjian xroon jiꞌi xrochronga kain ngeꞌe tsikuan ixi xroxruenꞌen ya̱a̱to̱ niꞌngo ste nunte Asia: niꞌngo tjajna Éfeso, Esmirna, Pérgamo, Tiatira, Sardis, Filadelfia, ko Laodicea.

Apocalipsis 22:7

―¡Janꞌan tuinxin tsjiꞌi! Juaxruxin tsakeꞌe sen titikaon chijnie ndo Dio, chijni jitaxin xroon jiꞌi ko chronga ngeꞌe xrokonda tuinxin tsonꞌen.