Apocalipsis 21:3 - El Nuevo Testamento

³ Tjumeꞌe kui̱nꞌa̱n séen nichja naa tée sen kui̱xi̱n ngajní ko ndachro: ―Ndo Dio jii ndo ti ste chujnie ndo, ko jeꞌe ndo tsekao ndo sen ko jeꞌe sen xrokjan sen tjajnée ndo ko jeꞌe ndo ndo Dio tikinixinꞌen sen.

Apocalipsis 21:3 Referans Kwoze

2 Corintios 6:16

*Jai̱na ningue ndo Dio, ndo jichón, ko siá ndo Dio jii ngajinna, juaꞌi tsitikaonna ngajin naa ídolo, jai̱na tikinixinna ningue ndo Dio ko jeꞌe ndo tsindachro ndo: Janꞌan tsakeꞌé ko tsajikiꞌan sen, ko janꞌan ndo Dio neꞌe sen ko jeꞌe sen tsikinixinꞌen sen tjajnána.

San Juan 14:23

Ko juateꞌe ndo Jesús ndachro ndo: ―Ngisen tjuaꞌna, sen meꞌe titikaon ngeꞌe tituanꞌan. Ko Ndotána xrotjueꞌe ndo sen, ko Ndotána ko janꞌan tsjiꞌina tsinteena ngajin sen.

Hebreos 8:10

Juachaxin sintaña ngajin tjajna Israel ti tsatsingaja kaxin nano, jaꞌin tsonꞌen, ichro Ncháina Dio: Janꞌan sintaxraxaꞌon sen ley tsitikaon sen, ko xrokjin ley meꞌe ngaya aséen sen. Janꞌan xrokjanna ndo Dio neꞌe sen, ko jeꞌe sen, sen tjajnána.

Hebreos 11:16

Ko naꞌi. Jeꞌe sen tjaun sen naa tjajna ícha jian, tjajna meꞌe jii ngajní. Ko ndo Dio tosueꞌa ndo ixi xrojuinchekinꞌin sen ndo, ndo Dio neꞌe sen, ko jeꞌe ndo ó juinchekonchjian ndo naa tjajna tsayéꞌe sen.

Apocalipsis 7:15

Méxin jai ste sen tjenka trono neꞌe ndo Dio, ko tiie, nchakon stencheꞌe sen ixra̱ ngaxinꞌin ningue ndo ko jeꞌe ndo tayakonꞌen ndo sen ko xroꞌan ngeꞌe tsintekonꞌen sen.

2 Corintios 6:18

Ko janꞌan Ndotánta, ko jaꞌanta chjanꞌna, xjan xi ko xjan nchri, jaña ndachro Ncháina Dio, ndo chónda kain juachaxin.

Apocalipsis 21:7

Ngisen tsjacha tsindueꞌa xrochuntiana, janꞌan xrotjáꞌa sen kain ti jian, ko janꞌan xrokjanna ndo Dio tikinixinꞌen sen, ko jeꞌe sen xrokjan sen chjanꞌna.

San Juan 1:14

Ko chijni, ndo Cristo, jeꞌe ndo ikjan ndo chujni ko bakeꞌe ndo ngajinna ko tjaunna ndo ko ti nduaxin ndachro ndo. Ko ó bikona juachaxien ndo, juachaxien chjenꞌen Ndotáina Dio, xjan naakuaxon.

Apocalipsis 12:10

Tjumeꞌe kui̱nꞌa̱n naa sen séen nichja ngajní ndachro sen: ―Ó kui̱i̱ juachaxien ndo Dio naꞌina tsantsje ndo ijie̱ ko kui̱i̱ juachaxin tsetuanꞌan ndo Cristo ixi ó kuachrjexin ngajní Xixronꞌanxrée tjankataꞌa ijie̱ ngajin sen kichuuna, tiie, nchakon, jeꞌe xa tankataꞌa xa ijie̱ ngajin sen, ngajinxin ndo Dio naꞌina.

Apocalipsis 10:8

Ti tée sen ó kui̱nꞌa̱n kui̱xi̱n ngajní, íjngo nichjaꞌna ko jaꞌin ndachro: ―Itjia ko chjijá xroon nchíín jixrangeꞌe jiá itja ndo ángel kuíxin ngataꞌa ndachaon ko ngataꞌa inche.

Apocalipsis 10:4

Ko juexin ndachro ti ya̱a̱to̱ juatee, janꞌan ó xrokjin ngeꞌe kui̱nꞌa̱n ko tuinxin kui̱nꞌa̱n naa sen nichja jii ngajní ko ndachro: ―Tasintaxinꞌa ngeꞌe ndachro ti ya̱a̱to̱ juatee, jaꞌua tsonoꞌa jiꞌi ko xroꞌan ngisen xrondache.

1 Tesalonicenses 3:11

Tjanchaꞌana ndo Dio, Ndotáina, ko Ncháina Jesucristo ixi tsingijnana ndo tuinxin tsjasotsjaꞌananta,

Hebreos 8:2

ko jeꞌe ndo ncheꞌe ndo ixra̱ ngaxinꞌin niꞌngo tsijinchekonchjian ndo Dio, niꞌngo nduaxin; jeꞌa niꞌngo juinchekonchjian chujni.

Apocalipsis 22:3

Ko ntiꞌa íxroꞌan ngeꞌe ti ningakonꞌen ndo Dio tsakeꞌe. Ko sen ncheꞌe xrée ndo Dio tsajon sen juasie sen ti jii ntachaonꞌen ndo Dio ko tronoe Xjantuchjon ti tjajna ntiꞌa.