2 Timoteo 3:16 - El Nuevo Testamento

¹⁶ Kain xroon chijnie ndo Dio tsikóñaxin ixi juachaxien ndo, ko meꞌe tsondaina ixi tsjakona chijni jian, ko jiꞌi tsonóñaxinna xranchi xroxraxaonna ko jian tsjakona chijni nduaxin,

2 Timoteo 3:16 Referans Kwoze

Romanos 15:4

Kain ngeꞌe jitaxin xroon chijnie ndo Dio tsiketaxin ixi jai̱na xrokonoi̱na ngeꞌe jian, ko xrochonꞌenna ngeꞌe tsayéꞌena, maski tangi tsoi̱na, ixi chijnie ndo Dio chjai̱na juachaxin ixi xrochondana juaxruxin.

Hebreos 4:12

Ixi chijnie ndo Dio, jichón chijni ko chónda chijni ijié juachaxin ko ícha yao chijni ixi chika espada yaoxin yuxin lado, ko titoꞌo chijni ícha ngaxinꞌin aséei̱na ko espíritui̱na. Ko jian nchexraxaonni chijni ko nduaxin noꞌe chijni kain ti ngeꞌe tjaun sincheꞌe aséei̱na.

Marcos 12:24

Ko juateꞌe ndo Jesús: ―Ndakoꞌa xraxaonnta ixi tienxinꞌanta ngeꞌe ndachro xroon chijnie ndo Dio ko chuxinꞌanta juachaxien ndo.

2 Timoteo 4:2

ko ntatsaꞌañaoan tsjakoa chijnie ndo Dio ixi nchijíi asáan, maski á tsinꞌen na̱ o̱ naꞌi. Nichjeꞌé na̱ jian ixi tsitikaon na̱ ko nchexraxaoan na̱ jian. Chonꞌén indao tsienxin na̱ ko jian tjakoa chijni.

2 Timoteo 2:25

Jian xronichjeꞌena chujni titikaonꞌa ixi jian sincheꞌe na̱, xrochonꞌenna ixi nchéxin ndo Dio tsingijna ndo tsindoxin na̱ ti ndakoꞌa xraxaon na̱ ko jaña xrochuxin na̱ chijni nduaxin.

Hechos 20:20

Ko janꞌan kuíntuaꞌi juáko kain ngeꞌe jian xrokonda xrokonoꞌanta. Ko juakoꞌanta ti xraꞌo kain itsjé chujni ko kaxon ndointa.

San Juan 3:20

’Kain ni ndakoꞌa ncheꞌe, ningakonꞌen na̱ xroꞌi tingasáña ko tonchjiñeꞌa na̱ tjenka xroꞌi ixi tjaunꞌa na̱ tsonoxin ti ndakoꞌa stencheꞌe na̱.

Mateo 13:52

Ko ndachro ndo: ―Kain sen tjako ley neꞌe ndo Dio ko taxi tienxin sen ngeꞌe xrondachro ti juachaxin tetuanꞌan ndo Dio, sen meꞌe ncheꞌe sen xranchi naa xi chónda itsjé ngeꞌe ngaxinꞌin naa nchia ijié, ko ntiꞌa tantsjexin xa ti natjúá ko ti nta̱xi.

Hechos 18:25

Jeꞌe ndo noꞌe ndo chaꞌo neꞌe Ncháina ko juaxruxin banichja ndo kondee ndo Jesús maski jeꞌo noꞌe ndo xranchi batikitée ndo Juan chujni.

Romanos 2:20

Ndachronta ixi noꞌanta sinchekuenꞌennta ni noeꞌa ko tsingijnanta ni tienxinꞌa ixi jaꞌanta chondanta ley chronga xranchi xroxraxaon chujni ti nduaxin.

Gálatas 3:8

Xroon jitaxin chijnie ndo Dio tsichronga ó seno ixi ndo Dio kaxon xrojuincheméꞌe ndo jíee sen, sen jeꞌa judío ixi chuntia sen ndo Dio. Jaña saꞌó ndo Dio tsindache ndo ndo Abraham: “Kainxin chujni tjajna tsonchaonxin na̱ ixi jaꞌa chuntiana.”

Hebreos 3:7

Méxin, ndachro Espíritue ndo Dio jitaxin xroon: Siá jai tsinꞌennta ngeꞌe ndachro ndo Dio,

1 Corintios 12:7

Ndo Dio tajon juachaxin ngajin ngujngu chujnie ndo ixi sincheꞌe sen ixra̱ ko ixi juachaxien Espíritue ndo meꞌe tsingijna sen ikaxin sen kichuu sen.

Hechos 20:27

Ixi ó juakoꞌanta kain ngeꞌe tjaun ndo Dio, ko ítitjáñaꞌi tsjáko xrojan ngeꞌe.

San Juan 10:35

Ko noi̱na ixi ngeꞌe ndachro xroon chijnie ndo Dio, juaꞌi tsitikaonꞌana. Ndachro ndo Dio ixi xranchi ndo Dio ngujngu chujni kuayéꞌe chijnie ndo.

Mateo 26:56

Ko kain jiꞌi jaña xrokonda tsonꞌen, ixi jaña chronga sen tsikjin xroon chijnie ndo Dio ó saꞌó. Tjumeꞌe kain sen chrikao ndo Jesús sabinga sen ko jeꞌo ndo kuituꞌe ndo.

Hechos 1:16

―Kichuuna, xrokonda tsonꞌen xranchi nichja xroon chijnie ndo Dio ti tsinichja ndo David ó saꞌó tsichronga Espíritue ndo Dio ngeꞌe sincheꞌe xi Judas, xi bikaꞌo ni itsé ndo Jesús.

Mateo 21:42

Ko ndachro ndo Jesús: ―¿Á juinchekuanxinꞌanta xroon chijnie ndo Dio tsikjin sen kuachronga ó saꞌó? Ixro chaxro jueñaoꞌa ni tiꞌte nchia, ko jai ixro meꞌe, ixro ícha tjintee tsikiꞌtexin nchia. Ko ndo Dio jaña juinchéña ndo, meꞌe ti chaxro stetikonna jai. Jaña ichro chijnie ndo Dio.

Romanos 4:23

Ko ti jitaxin xroon ixi ndo Dio juincheméꞌe ndo jíee ndo Abraham, jeꞌa jeꞌo jíee ndo;

Hebreos 11:1

Ti nduaxin chuntiana ndo Dio meꞌe noi̱na ixi tsayéꞌena ngeꞌe stechonꞌenna, ko nduaxin noi̱na ixi jii ngeꞌe tsayéꞌena, maski tikonꞌana.

Romanos 3:2

Jaán, tjintee meꞌe ixi ndo Dio kuajon ndo chijnie ndo saꞌó kuayéꞌe ni judío ixi xrokuitikaon na̱.

Hechos 28:25

Ko jeꞌa naáko naa ngeꞌe xraxaon na̱ ko sakuntekji na̱, ko ndo Pablo ndachro ndo: ―Chao tsinichja Espíritue ndo Dio ngajin sen kuachrjenixinna ó saꞌó ti ndachro ndo profeta Isaías:

Marcos 12:36

Ixi Espíritue ndo Dio bingijna ndo David ko ndachro ndo: Ndo Dio ndache ndo Nchána: “Takeꞌé ndatsjonxin jian ti no tituanꞌan janꞌan, tsjexinja tsitjáña kain ni ningakonꞌan.”

Mateo 26:54

Ko siá xrokui̱i̱ sen ángel, jaña íxrokuenꞌa ti nichja xroon chijnie ndo Dio ó seno.

Mateo 22:43

Tjumeꞌe ndo Jesús ndachro ndo: ―Ndo David nichjaxin ndo ixi Espíritue ndo Dio ko ndachro ndo: “Nchána”,