1 Juan 1:6 - El Nuevo Testamento

⁶ Siá ndachrona ixi steniina ngajin jeꞌe ndo, ko xrandakoꞌa ncheꞌena, ncheyana, ko jeꞌa nduaxin ngeꞌe ndachrona.

1 Juan 1:6 Referans Kwoze

1 Juan 4:20

Siá xrojan ngisen ndachro: “Janꞌan tjuaꞌa ndo Dio”, ko ningakonꞌen sen sen kichuu sen, sen meꞌe ncheya sen. Ixi siá chujni tikon sen ko juaꞌi tjueꞌe sen, xranchi xrotjueꞌe sen Ndotáina Dio, ndo juaꞌi tikon sen.

1 Juan 2:4

Ko siá xrojan ngisen xrondachro ixi chúxin sen Ndotáina Dio, ko titikaonꞌa sen ngeꞌe kuetuanꞌan ndo, sen meꞌe ncheya sen ko koꞌa ti nduaxin ngaya aséen sen.

1 Juan 1:10

Ko siá xrondachrona xroꞌan ngeꞌe ti ndakoꞌa juintuꞌuna, jai̱na tjakoxinna xranchi jeꞌe ndo xrojuincheya ndo, ko meꞌe xrondachro ixi nduaxinꞌa kuayeꞌena chijnie ndo.

San Juan 8:12

*Tjumeꞌe ndo Jesús nichja ndo íjngo ngajin na̱ ko ndachro ndo: ―Janꞌan xroꞌi tingasáña nunte xasintajni. Sen xroruéna xrochónda sen xroꞌi tajon juachaxin tsechón sen kain nchakon ko ítsajiꞌa sen ti naxixeꞌe.

San Juan 12:35

Ko ndachro ndo Jesús: ―Xratsakeꞌe xroꞌi ngajinnta, ko jeꞌo kaxion nchakon. Tajinta ixi xrachondanta xroꞌi jiꞌi ixi sintaxronkaꞌinta ti naxixeꞌe. Ixi ngisen taji ti naxixeꞌe tikonꞌa na̱ no taji na̱.

Santiago 2:14

Jaꞌanta kichuuna, xroꞌan tjintee siá xrondachronta ixi tsango chuntianta Ndotáina Dio ko tingijnaꞌinta ni kichuunta. Xrokonda nduaxin tsingijnanta ni kichuunta, jeꞌa jeꞌo xronichjanta. Siá sincheꞌanta jaña, ti ndachronta chuntianta Ncháina, ¿á meꞌe tsingijnaꞌinta tsachrje ijie̱ chondana?

San Juan 12:46

Janꞌan xroꞌi kui̱i̱ nunte xasintajni ixi sen titikaonna tsakeꞌa sen ti naxixeꞌe.

1 Juan 1:3

Ntatjunanta ti bikona ko ti kuinꞌanna, ixi janꞌanna ko jaꞌanta naakua ngeꞌe xroxraxaonna xranchi janꞌanna nduaxin steniina ngajin Ndotáina Dio ko ngajin Chjenꞌen ndo, xjan Jesucristo.

San Juan 11:10

Ko siá ichrjini tiie tontengixinni ixi koꞌa xroꞌi.

Santiago 2:18

Ko siá xrojan ngisen ndachro: “Jaꞌa chuntia ndo Dio, ko janꞌan ícha tingijna chujni.” Jaꞌa ndachjijiana xranchi chuntia ndo Dio, ko tingijnaꞌia chujni xrokondeꞌe, ko janꞌan tsjákoꞌa xranchi nduaxin chuntia ndo Dio ixi tingijna chujni.

1 Juan 1:8

Ko siá ndachrona ixi xroꞌan ijie̱ chondana, jai̱ona ncheyeꞌena aséei̱na, ko jeꞌa nduaxin ti ndachrona.

Santiago 2:16

ko jai̱na xrondachena sen: “Itjinta jian ko intenta ko tinꞌinnta ko jian taritsíinta”, ko siá jai̱na tajonꞌana ngeꞌe xrokondeꞌe sen, ti nichjana meꞌe tjinteꞌa.

Mateo 7:22

Nchakon tsi̱i̱ ti tetuanꞌan ndo Dio, itsjé sen xrondachro sen: “Nchána, Nchána, janꞌanna nichjaxinna nombreanta ko nombreanta kuantsjexinna espíritue Xixronꞌanxrée ko nombreanta juintaxinna kueya ixra̱ ijié.”

1 Timoteo 4:2

Jeꞌe sen tsinꞌen sen ngeꞌe ndachro chujni ncheya, chujni xraxaonꞌa ndako, ni tosueꞌa ncheꞌe ti ñaꞌi.

San Juan 8:55

Ko jaꞌanta chuxinꞌanta ndo. Ko janꞌan chuxin ndo. Siá xrondachrja̱n chuxinꞌa ndo meꞌe xrojuincheya xranchi jaꞌanta. Ko janꞌan chuxin ndo ko titikaꞌon ngeꞌe tituanꞌan ndo.