1 Corintios 16:13 - El Nuevo Testamento

¹³ Jian xraxaonnta ko nchesoji asáanta. Tintueꞌanta ti chuntianta Ncháina Jesús, xronkaꞌinta ko tsanga tinteenta.

1 Corintios 16:13 Referans Kwoze

Efesios 6:10

Ko jai kichuuna, tonsojinta, ixi juachaxin ijié tajon Ncháina.

1 Corintios 15:58

Méxin, kichuuna, tsango tjuaꞌanta. Tintueꞌanta titikaonnta Ncháina Jesucristo. Kain nchakon ícha xrojuincheꞌenta xrée Ncháina ixi ó jian noꞌanta ixi ixra̱ meꞌe jeꞌa xruenxon ncheꞌeni ixra̱.

Gálatas 5:1

Ndo Cristo juincheméꞌe ndo ti ndakoꞌa juincheꞌena ko jai ley í juaꞌi tetuai̱na. Méxin, jian titikaonnta ndo Cristo ko tintueꞌanta ixi ley tsetuanꞌannta íjngo.

Filipenses 4:13

Kain ixra̱ chao sintaꞌa ixi ndo Cristo tingijnana ndo ko nchesojina ndo.

2 Tesalonicenses 2:15

Méxin, kichuuna, soji takeꞌénta, ko tjáñaꞌinta chijni juintakuanꞌanntana nchakon bakeꞌena ngajinnta ko ti chronga xroon kjinꞌannanta.

Filipenses 1:27

Xrokonda tsjakoxinnta ixi jian stencheꞌenta xranchi nichja chijnie Ncháina Jesucristo. Jaña siá tsjasotsjaꞌanta o̱ naꞌi, janꞌan tjaꞌon tsonóna ixi jian stencheꞌenta ko jian stekuꞌu kichuunta ko nduaxin stechuntianta chijni tajon juachaxin tsechónni kain nchakon.

1 Pedro 5:8

Jian xraxaonnta ko kain nchakon tsjeꞌenta jian ixi Xixronꞌanxrée, xi ningakonꞌannta, ichrji xa xranchi naa kujenda tsango jieꞌe ko tsango soji tuyako ba ko jitjee ba ngeꞌe chujni sine ba jaña ncheꞌe xi meꞌe.

Filipenses 4:1

Méxin, kichuuna, tsango tjuaꞌanta ko tsango jitiyeꞌe ñaꞌo ixi jaꞌanta ko juaxruxin ritjén ixi jaꞌanta xrokjui xranchi naa ngeꞌe tsango tjintee juácha; méxin soji titikaonnta Ncháina Jesucristo.

1 Tesalonicenses 3:8

Ko kuinꞌanna xranchi stenta, meꞌe ícha ijié juaxruxin kuayéꞌe aséena̱na ixi konónana soji stenta ko titikaonnta Ncháina Jesús.

2 Timoteo 4:7

Janꞌan juácha kuatsinga kain juachjaon ko juintajexin xra̱na, ko jian chuntia Ncháina Jesús.

2 Corintios 1:24

Jeꞌa ixi xrokuetuanꞌannta xranchi xrochuntianta Ncháina. Naꞌi, ixi ó nóna ixi jian chuntianta ndo. Jeꞌo tjaꞌonna ixi tsingijnana ícha tsakeꞌenta juaxruxin.

Mateo 26:41

Nichjeꞌenta ndo Dio ko tarichrinꞌanta ixi jaña sinchengachrueꞌa Xixronꞌanxrée asáanta ixi espírituanta tjée ndo Dio ko ntauꞌanta tjaunꞌa.

Colosenses 4:2

Tintueꞌanta nichjeꞌenta ndo Dio ko jian xraxaonnta ti ó nichjeꞌenta ndo, ko kain nchakon tájonnta juasianta ngajin ndo.

1 Pedro 4:7

Ó tuinxin tsjexin nunte xasintajni, méxin, jian tinteenta ko nduaxin nichjeꞌenta ndo Dio.

1 Timoteo 6:12

Te̱tua ngajin kain ngeꞌe ñaꞌi ixi titikaꞌonna ngeꞌe jian ko ixi nchijíi asáan titikáoan Ncháina ko jaña tsjacha tsarichuan kain nchakon ixi ndo Dio kuiyaꞌa ndo ko jian juincheꞌe ntiꞌi ngeꞌe kuetuanꞌan ko kuitikaoan Ncháina Jesucristo ko kuinꞌen ko bikon kueya chujni.

1 Corintios 14:20

Kichuuna, xraxaonꞌanta xranchi ichjan. Jaꞌanta ncheꞌenta xranchi ichjan ixi ichjan noeꞌa xjan ngeꞌe xrondachro ti ndakoꞌa. Jaꞌanta xraxaonnta xranchi naa sen cha.

Colosenses 4:12

*Ndo Epafras xruanꞌannta ndo juajna. Jeꞌe ndo ncheꞌe ndo xrée ndo Cristo xranchi jaꞌanta. Jeꞌe ndo kain nchakon tinóatée ndo ngajin ndo Dio ixi ndako tsakeꞌenta tsitikaonnta xranchi tjaun ndo Dio.

2 Timoteo 2:1

Jaꞌa chjanꞌna soji takeꞌé ixi juachaxin tjáa ndo Jesucristo ixi titikáoan ndo.

Colosenses 1:23

Méxin, xrokonda ícha xrochuntianta Ncháina, ko tsakeꞌenta xranchi naa nta̱a̱ soji ixi yasoꞌe jii nueꞌe nta̱a̱, ko tintueꞌanta ti jian stechonꞌennta ixi kuinꞌennta chijnie ndo Dio. Chijni meꞌe stetinꞌen chujni nchijíi nunte xasintajni, ko janꞌan Pablo tjako chijni meꞌe.

1 Tesalonicenses 5:6

Méxin, cháña tarichrinꞌanta xranchi stejua ikaxin na̱; jai̱na xrokonda jian xrotsjeꞌena ko jian xroxraxaonna.

Efesios 3:16

Tjáncháꞌa̱ Ndotáina Dio, ndo chónda kain juachaxin ko ti tjintee, ixi Espíritue ndo xrotjáaxinnta ndo juachaxin ko sinchesoji ndo asáanta.

Apocalipsis 16:15

*Méxin ndo Dio ndachro ndo: “Janꞌan ó tuinxin tsjiꞌi xranchi naa xicheꞌe. Juaxruxin tsintee sen tejuaꞌi ko steyá mantée sen ko jeꞌa turuchu ste sen, ixi jaña tsosueꞌa sen ixi turuchu ste sen.”

2 Timoteo 4:5

Méxin jaꞌa jian xraxaoan ko soji takeꞌé nchakon tangi sintaꞌa na̱. Nchekuenꞌén na̱ chijnie ndo Dio, ndo tajon juachaxin tsechónna; jian ncheꞌé ixra̱ chonda.

San Lucas 21:36

Méxin tsejuaꞌi asáanta, ko jian tantjeꞌe ikonnta, ko kain nchakon nichjeꞌenta ndo Dio ixi jaña chao tsatsinganta juachjaon tsi̱i̱, ko jaña chao tsonchjiñeꞌenta ngajin chjenꞌen ndo Dio, xjan jongíꞌe xranchi chujni.

Mateo 25:13

Ko ndo Jesús ndachro ndo: ―Tarichrinꞌanta ko jian tsjeꞌenta ixi noaꞌinta ngixeꞌe nchakon ko ngiora tsi̱i̱ Chjenꞌen ndo Dio, xjan jongíꞌe xranchi chujni.