1 Corintios 14:26 - El Nuevo Testamento

²⁶ Méxin, kichuuna, ¿ngeꞌe xrokonꞌen? Nchakon xroxraꞌunta ti jii niꞌngo, itsje̱nta salmo, ko kaxinnta xrojuinchekuenꞌennta sen kichuunta, kaxinnta xrochronganta ngeꞌe juintanoꞌanta ndo Dio, kaxinnta xronichjaxinnta ikaxin ngigua tienxinꞌa sen, ko kaxinnta xrochronganta ngeꞌe xrondachro ngigua meꞌe. Kain jiꞌi tsonꞌen ixi sen niꞌngo ícha tsitikaon sen ndo Dio.

1 Corintios 14:26 Referans Kwoze

Efesios 5:19

*Ko tsjaoxin kichuunta ixi salmo ko himno, ko jaꞌin sincheꞌenta ixi nchijíi asáanta ko tsajonnta juasaya ngajin Ncháina Jesucristo.

Romanos 14:19

Méxin, ncheꞌena kain ngeꞌe tikaꞌo juaxruxin, ixi meꞌe tsingijna sen kichuuna ko jaña ícha tsitikaon sen Ncháina Jesús.

1 Tesalonicenses 5:11

Méxin, tingijna ko jian nichjeꞌe kichuunta xranchi ó stencheꞌenta.

Efesios 4:16

*Ko nduaxin Ndo Cristo tingijnana ndo naxrajeꞌo xroxraxaonna ko jaña ícha tsosoji ko tsangi ningue ndo ixi ícha xrotjueꞌe kichuuna.

Efesios 4:29

Tengaꞌinta teka. Cháña xronichjanta ngeꞌe jian ixi meꞌe tsingijna kain sen jitinꞌen.

2 Corintios 13:10

Méxin, jaꞌin kjinꞌannta jai ti ritjén ikjín ixi nchakon tsjasotsjaꞌanta xrokondaꞌi ícha tsuyakutéenta. Ixi janꞌan chonda juachaxin, juachaxin chjána Ncháina, ko juachaxin meꞌe xrokonda tsingijnaxinnta ixi ícha tsitikaonnta ndo ko jeꞌa ixi sincheniꞌe asáanta.

2 Corintios 12:19

Jaꞌanta stexraxaonnta ixi janꞌanna nichjana jaꞌin ixi tjaꞌonna jaꞌanta xroxraxaonnta ixi jian janꞌanna, ko jeꞌa nduaxin meꞌe. Naꞌi. Janꞌanna jaꞌin nichjana ko ixra̱ rintaꞌana jitikon ndo Dio ko Ncháina Cristo, kain meꞌe ntaꞌana ixi tjaꞌonna ícha tsitikaonnta Ncháina Cristo ixi tsango tjuaꞌananta.

1 Corintios 14:40

ko kain ti ngeꞌe sincheꞌenta, ndako ko jian tsonꞌen.

Efesios 4:12

Jaña kuincheꞌe ndo sen sincheꞌe ixra̱, ixi jaña ícha sinchekangi sen ko tsosoji ningue ndo Cristo.

1 Corintios 14:27

Ko siá xronichjaxinnta ikaxin ngigua, jeꞌo yuu o̱ níi sen xronichja ko saꞌó naa sen ko tjumeꞌe inaa sen, ko xrokonda ixi xrojan ngisen tienxin xrochronga sen ngeꞌe xrondachro ti jinichja inaa sen.

Romanos 1:13

*Kichuuna, tjaꞌon tsonoꞌanta ixi ó chónda itsjé nchakon tjaꞌon xrojuasótsjaꞌanta ko xrajuaꞌi tjaso. Tjaꞌon tsjaso xronichja chijni jian ngajin chujni ixi tsitikaon na̱ ndo Jesús xranchi kuanichja ikaxin tjajna ti xrachuxinꞌa na̱ ndo.

Romanos 12:7

Siá chjai̱na ndo Dio ixra̱ ti tsingijnana chujni, xrokonda jian sincheꞌena xra̱ meꞌe. Ko ngisen tsikayéꞌe juachaxin tsjako, xrokonda ixra̱ meꞌe sincheꞌe sen.

Romanos 15:2

Kainna xrokonda sincheꞌena ti jian ngajin sen kichuuna, ko jaña tsingijnana sen ixi ícha xrochuntia sen Ncháina Jesucristo.

1 Corintios 14:2

Ixi ngisen nichja ikaxin ngigua, ngajin ndo Dio nichja sen ko jeꞌa ngajin chujni, ixi xroꞌan ngisen tienxin ngeꞌe jinichja sen ixi espíritue ndo Dio nichjaxin sen ti xranoeꞌa sen.

1 Corintios 14:15

¿Ngeꞌe xrojuintaꞌa tjumeꞌe? Xronichjaxin ndo Dio ixi aséenna ko kaxon xrokuia̱nxin ngeꞌe rintatjan ndo, ko xrotsje̱ ngajin ndo ixi aséenna ko kaxon xrokuia̱nxin ngeꞌe ritsje̱.