1 Corintios 12:8 - El Nuevo Testamento

⁸ Espíritue ndo tajon juachaxin ngajin kaxin sen tsonoꞌe sen chijni tsango jian, ko ngajin ikaxin sen tajon ndo juachaxin tsango jian xronichja sen chijnie ndo.

1 Corintios 12:8 Referans Kwoze

2 Corintios 8:7

Jian nóna ixi tsango jian ncheꞌenta kain ngeꞌe: jian chuntianta Ncháina Jesucristo, jian nchekuenꞌennta sen chijnie ndo Dio, ícha noꞌanta chijnie ndo, ko tsango cháꞌanta ko tjaunninta. Ko jai ícha jian tingijnanta sen kichuuna.

1 Corintios 1:5

Ixi titikaonnta Ndo Dio, meꞌe tjáanta ndo juachaxin ko kain ngeꞌe jian, méxin jian noꞌanta xranchi xronichjanta ko jian tienxinnta kain ngeꞌe.

1 Corintios 1:30

Ixi juachaxien ndo Dio jaꞌanta kuitikaonnta ndo Cristo Jesús, ko ti kuitikaonna ndo, meꞌe nduaxin tjintee, ko ixi juachaxien ndo koméꞌe ijie̱ kuachondana, ko juachaxien ndo sinchetjúáxin ndo aséei̱na ko jnié ndo kuenaxinna ndo.

1 Corintios 13:8

Ti tjueꞌe kichuuna naiꞌa tsjexin. Ko tsi̱i̱ nchakon ti nichja sen chronga chijnie ndo Dio tsjexin, ko nichja sen ikaxin ngigua tsjexin, ko tsjexin kain ti kuanoꞌe chujni.

Mateo 13:11

Ko jeꞌe ndo Jesús jaꞌin juatingíexin ndo: ―Janꞌan bekiꞌanta kain chijni jimá kondee ti tetuanꞌan ndo Dio, ko ngajin ni kaxin xrontatjanꞌi na̱.

1 Corintios 13:2

*Ko siá xronichja chijnie ndo Dio, ko siá xrokuia̱nxin kain ngeꞌe xra noeꞌa ikaxin chujni, ko siá xrokonoi̱na kain ngeꞌe, ko ícha xrochu̱ntia ndo Dio ko chao xrontatjan naa ijna̱: tachrjengíxian ntiꞌi ko satjia nango, maski jaña sintaꞌa ko tjaunꞌa sen kichian, kain ti ntaꞌa xroꞌan tjintee.

Hechos 6:3

Méxin, jaꞌanta kichianna tincheꞌenta ya̱a̱to̱ xi ste ngakjenꞌennta, sen jian chuxinnta ko sen noꞌe ko sen ícha chónda Espíritue ndo Dio, sen meꞌe xrochjeꞌénta ixra̱ jiꞌi.

Romanos 15:14

Kichuuna, nduaxin nóna ixi jaꞌanta jiannta ko jian tienxinnta ko noꞌanta meꞌe sinchekuenꞌennta sen kichuunta.

1 Corintios 2:11

Xroꞌan ngisen noꞌe ngeꞌe xraxaon inaa chujni. Jeꞌo ngujngu chujni noꞌe ngeꞌe xraxaon. Jaña kaxon xroꞌan ngisen noꞌe ngeꞌe xraxaon ndo Dio, jeꞌo Espíritue ndo meꞌe noꞌe.

1 Corintios 2:16

Xranchi ndachro xroon chijnie ndo Dio: “¿Ngisen xrokonoꞌe xranchi xraxaon Ncháina Dio? ¿Ngisen chao xrojuinchekuenꞌen ndo?” Ko jai̱na chondana juachaxien Espíritue ndo, méxin, xraxaonna xranchi xraxaon ndo Cristo.

1 Corintios 14:6

Kichuuna, siá jai xrojuasótsjaꞌanta ko xronichjaxin ikaxin ngigua, xruenxon xronichja meꞌe. Ícha jian xrobingijnanta siá janꞌan xronichjaxin naa ngigua tienxinnta, jaña tsonoꞌanta ngeꞌe ndachro ndo Dio o̱ tsienxinnta naa ngeꞌe xranoaꞌinta, o̱ xrontatjunta naa ngeꞌe tjaun ndo Dio xrokonoꞌanta, o̱ xrojuakoꞌanta naa ngeꞌe jian.

1 Corintios 14:26

Méxin, kichuuna, ¿ngeꞌe xrokonꞌen? Nchakon xroxraꞌunta ti jii niꞌngo, itsje̱nta salmo, ko kaxinnta xrojuinchekuenꞌennta sen kichuunta, kaxinnta xrochronganta ngeꞌe juintanoꞌanta ndo Dio, kaxinnta xronichjaxinnta ikaxin ngigua tienxinꞌa sen, ko kaxinnta xrochronganta ngeꞌe xrondachro ngigua meꞌe. Kain jiꞌi tsonꞌen ixi sen niꞌngo ícha tsitikaon sen ndo Dio.

2 Corintios 1:12

Juaxruxin stena ixi nónana ndako juintaꞌana ko xroꞌan ngisen juintayaꞌana, kaxon ndako juintaꞌana ngajinnta. Ko jeꞌa ixi juachaxinnana juintaꞌana jaña. Naꞌi. Juachaxien ndo Dio meꞌe ti bingijnana juintaꞌana jian.

2 Corintios 2:14

Juasie ndo Dio ixi jeꞌe ndo tingijnana ndo ko chondana juachaxien ndo Cristo Jesús. Ko kain ti no tjakona chijnie ndo, ixi ti tjakona xranchi naa ngeꞌe chaxro xraxe.

2 Corintios 4:6

Ko ndo Dio kuetuanꞌan ndo ixi xroꞌi tsingasáñaxin ti naxixeꞌe, kaxon jeꞌe ndo juinchengasáña ndo ngaya aséei̱na ixi jaña xrochuxinna juachaxin ijié chónda ndo Dio, juachaxin tingasáñaxin ngaya ikon Cristo.

2 Corintios 6:6

Ko maski kain ña̱ juinchena̱na na̱, xroꞌan ngisen xrondachro ixi ndakuaꞌi juintaꞌana ixi nónana ngeꞌe nduaxin, takaꞌi chjána̱na juañao, ko jian nichjaꞌana na̱ ixi Espíritue ndo Dio jii ngajinna, ko nduaxin tjuaꞌana chujni,

2 Corintios 11:6

Ko maski jeꞌa ícha jian nichja janꞌan, nduaxin ícha nóna chijnie ndo Dio ko ó itsjé vez juakoꞌanta ixi ícha nóna.