1 Corintios 10:4 - El Nuevo Testamento

⁴ ko kain sen naxrajeꞌo kuiꞌi sen ngeꞌe kuajon ndo Dio ixi kuiꞌi sen inda kuachrjexin naa ixro juinchenchaon ndo Dio, ixro meꞌe ndo Cristo.

1 Corintios 10:4 Referans Kwoze

San Juan 7:37

Nchakon jitjexin kia, meꞌe nchakon ijié, bingatjen ndo Jesús, ko séen nichja ndo: ―Siá xrojan ngisen kuenꞌen inda tonchjiñeꞌenta ngajin janꞌan ko tinꞌinnta inda.

San Juan 4:14

Ko sen tsiꞌi inda tajon janꞌan, naiꞌa tsintekenꞌen sen inda. Ixi inda tajon janꞌan tsoña̱ xranchi inda jitachrjexin ngaya aséen sen ko jiꞌi tajon juachaxin tsechón sen kain nchakon.

San Juan 4:10

Ko juatingíexin ndo Jesús: ―Siá xrokonoꞌa ngeꞌe tajon ndo Dio ko xrochuxian ngisen jitjanchiaꞌa inda, jaꞌa xrojuanchana̱na inda ko janꞌan xrotjáꞌa inda jichón.

Colosenses 2:17

Kain ngeꞌe jiꞌi meꞌe tsaꞌon kain ngeꞌe tsi̱i̱. Ko ti tsi̱i̱ meꞌe ndo Cristo.

Apocalipsis 22:17

Espíritue ndo Dio ko sen titikaon Xjantuchjon ndachro sen: ―Xrokuiinta. Ko sen tsinꞌen kaxon xrondachro sen: ―Xrokuiinta. Ko ngisen kuenꞌen inda tsi̱i̱ sen ko tsiꞌi sen inda tajon juachaxin tsechónni kain nchakon, ko sen tsi̱i̱ xroꞌan ngeꞌe tsjenga sen ꞌna̱.

Hebreos 10:1

Ixi ley kuetuanꞌan ndo Moisés jeꞌo tjakoxin inaa juachaxin ícha jian tsi̱i̱, ko ti kuetuanꞌan ndo meꞌe, jeꞌo konoxin xranchi naa tsaꞌon ko juaꞌi kuantsje ti ndakoꞌa kuachónda chujni. Méxin, ngujngu nano bakonchjiñeꞌe sen ngajin ndo Dio ixi bakajon sen jnié iko tsikenꞌen.

Gálatas 4:25

Ixi nchri Agar xranchi xrokjui ijna̱ Sinaí jii nunte Arabia ko jna̱ jiꞌi xranchi xrokjui tjajna Jerusalén, ko tjajna meꞌe kain chujni ste ntiꞌi ko xrokonda titikaon na̱ ley, jeꞌe na̱ ko chjenꞌen na̱.