1 Corintios 10:20 - El Nuevo Testamento

²⁰ Ndachrja̱n ixi ni titikaonꞌa ndo Dio tajon na̱ xrojan ngeꞌe ngajin ídolo ko nduaxin espíritue Xixronꞌanxrée tayéꞌe jiꞌi, jeꞌa ndo Dio. Ko janꞌan tjaunꞌa ixi jaña xrojuincheꞌenta kaxon ixi tjaunꞌa kaxon jaꞌanta tsjitexinnta ngajin espíritue Xixronꞌanxrée.

1 Corintios 10:20 Referans Kwoze

Apocalipsis 9:20

Ko chujni kuenxinꞌa ixi iꞌnchi, xroꞌi ko azufre, ni meꞌe kuintueꞌa na̱ juincheꞌe na̱ ti ndakoꞌa ko kuintueꞌa na̱ kuajon na̱ juasaya ngajin Xixronꞌanxrée ko tsango jueñao na̱ ídolo tsikóñaxin chika oro, chika plata, chika bronce, ixro ko nta̱a̱, ídolo meꞌe juaꞌi tikon, tienꞌa ko chrjiꞌa.

2 Corintios 4:4

Ko ni meꞌe tienxinꞌa na̱ ixi xiñaꞌi tetuanꞌan nunte xasintajni tsijijeꞌe̱ xa ikon na̱ ixi tsienxinꞌa na̱ ko tsikonꞌa na̱ xranchi tingasáña chijnie ndo Cristo ixi Ndo Cristo naxrajeꞌo xranchi ndo Dio xexi ndo.

Mateo 4:9

Ko ndachro Xixronꞌanxrée: ―Kain jiꞌi xrotjáꞌa siá jaꞌa tsakeꞌexian ntatuchiꞌian ko xrochjána̱na juasiaa.

Gálatas 4:8

Jaꞌanta saꞌó kuachuxinꞌanta ndo Dio, méxin bakitikaonta naa dio jeꞌa nduaxin dio.

Apocalipsis 2:14

Ko jii naa ngeꞌe nchenaꞌi juaxruxin ncheꞌenta. Ntiꞌa tjajna Pérgamo chondanta kaxin ni chroꞌa tintuꞌe ngeꞌe juako xi Balaam, xi meꞌe ndache xa xi Balac ixi sinchekateya xa sen Israelita sine sen ngeꞌe tsikajon na̱ ngajin ídoloe na̱ ko ti tjiakuenxin na̱ nchri.

Apocalipsis 2:20

Jii kaxin ngeꞌe nchenaꞌi juaxruxin ncheꞌenta ixi jaꞌanta tájonnta juachaxin tjako nchri Jezabel ko ndachro nchra ixi jeꞌe nchra nichja nchra chijnie ndo Dio, ko nduaxinꞌa meꞌe ixi jeꞌe nchra nchekateya nchra sen ncheꞌe ixra̱ ngajin, sine sen ti tsikajon na̱ ngajin ídoloe na̱ ko nchekateya nchra sen tsjiakuenxin sen kaxin nchri.