Rom 15:23 - Yesu Kerisoné So Whi̧ Tao Sere Kisi Fo Wisi

^23-24 Tépatei, i hae kwiamó tȩ mole be hulua doko̧ fea Talené fo yó maté kwȩyóló su̧reteiné mió me kutó diyaaire tȩ munipa, ba fo doko̧ fea ya̧lo dia̧ kȩle wonée du betalepó. Téyaletei, mió me kutó diyaaire tȩ munipa, Spen hae kwiapaae faai wouraalu, dia̧ keleté waai kisipa mutapó. Ti ȩ dia̧ beterepaae sókó wóló, mepaae be dȩ dia̧tamo ekei yóló beteró, nalo ȩ faaire tikipaae fupa, mepaae ya̧ya̧re o̧larape dia̧né tao saasepóló dapó.

Rom 15:23 Referans Kwoze

Rom 15:29

Ȩ dia̧ beterepaae wale sukamó, so whi̧ tȩteróló kaae tare whi̧ Kerisoné eratere wisi ala ȩ tua̧mó fa̧ayóló mo su̧ratepa, dia̧paae eraai waalopóló kisipa mutapó.

Aposel 19:21

Atéyale ki̧lipaae Pol a̧ Masedonia hae kwiaró Akaia hae kwiatamo tua̧mó tȩyóló Jerusalem bepaae faai yalepó. Atéró, fóló nalo ti a̧ u Rom be huluapaae faai kisipa mualepó.

2 Timoti 1:4

Naao kelemó dorowou betere wole kaapemó kisipa mutu, ȩ hai̧né suka̧ai ya̧ kȩle wolée i du betere ape.

1 Tesalonaika 3:10

Diaao̧ tuȩ́ tiki tiró betere tua̧mó, mepaae ya̧ya̧re alarape dia̧ tao sóró yó male waai, dikitamokélé dȩtamokélé da̧né mo dirii moma yó tarapó.