Rom 13:9 - Yesu Kerisoné So Whi̧ Tao Sere Kisi Fo Wisi

⁹ Kale tukóló muló betere forape i ape. “Nópu nokole ala yao̧se, Whi̧ dóló sukunao̧se, O̧lémi nao̧se, Mené o̧la senée yóló au nao̧se,” erapó. Mepaae tukóló muló betere forape fea husiró betere mo topo ala i ape. “Naaotei ya̧ yaala sókó fu dere kaae, so whi̧ feapaae atéró yaala sókó fu betae.”

Rom 13:9 Referans Kwoze

Matyu 22:39

Ai ki̧lipaae me tamo dakoróló yae yóló muló betere mo doasi topo fo i ape. Naaotei ya̧ yaala sókó fóló hȩkesené sukutu dere kaae, naao be whi̧ so whi̧paaekélé atéró yaala sókó fu betae.

Luk 10:27

Ai fo depa, kale whi̧né a̧paae tokó̧ mótu duraalu, “Tale Kótópaae hȩkesené sinóló yaala sókó fole alata, naao hosaa turónékélé, kepe turónékélé, fotoko̧ turónékélé, kisipa tiki turónékélé, du betae. Tétu, naaotei ya̧ hȩkesené sukutu dere kaae, naao be whi̧ so whi̧paaekélé, atéró hȩkesené sukó̧ló yaala sókó fu betae,” yalepó.

Mark 12:31

Tamo dakoróló dere fo me i ape. ‘Naaotei ya̧ yaala sókó fu dere kaae, naao be whi̧ so whi̧paaekélé atéró yaala sókó fu betae.’ I fo tamoné mepaae yae yóló muló betere forape fea tȩteró beterapó,” yalepó.

Kalesia 5:13

Ya̧lo no nerape-ó, me o̧lané dia̧ dokóló muló betao̧sóró, teraae fóló ha̧le beteró̧póló, Kótóné a̧ beterepaae ape yalepó. Atéró teraaeyóló ha̧le beteró beterapa, diaao̧ tó tikiné ekȩlere dowi ala yaaire tȩ melao̧se. Aténi, dia̧ tua̧mó yaala sókó fole ala duraalu, u taosu i taosu dere ala beta̧ yó tawae.

Luk 18:20

Ti noatepae, kale tukóló muló betere fota, naao dosa̧ayóló ai kisipare ape. So nópu nao̧se, whi̧ dao̧se, o̧lémi nao̧se, me whi̧ dilikó̧ló kapala fo yao̧se, naao hae aya ao̧mó mo dua betae erapó,” yalepó.

Mark 10:19

Ti Kótóné yae yóló muló betere alarape i ape. ‘Whi̧ dao̧se, so nópu nao̧se, o̧lémi nao̧se, kapala fo yóló me whi̧ só derao̧se, me whi̧ dilikó̧ló o̧la o̧la o̧lémi sao̧se. Naao hae aya wisi doi muló̧póló, atimaamo ao̧mó bitu, wisi ala beta̧ erótu betae yóló, ere fo fea ti naao ai tuȩ́re ape,’” yalepó.