Matyu 4:21 - Yesu Kerisoné So Whi̧ Tao Sere Kisi Fo Wisi

^21-22 Atéró a̧ tu̧mó fu betalemó, me whi̧ró nomatamokélé daapa kelalepó. Ai whi̧ tamota, Sebediné naalema Jems-ró Jon-tamopó. Atimaamoné alimakélé atima fea wȩi nukumó bituraalu, atimané ha̧leke warape tukó faletei, wisi wisiyóló numutu betepa kelalepó. Atétu betepa, Yesuné atimaamopaae duraalu, “Diaamokélé ȩ sya ape,” depa, kale whi̧ tamo mo hapale tétitóró turukó holóló, atimaamoné wȩi nukukélé, alimakélé betepatei taaróló, a̧ sya felepó.

Matyu 4:21 Referans Kwoze

Mark 3:17

Sebedi naalema tamo Jems-ró noma Jon-tamokélé, Yesuné kisi doi Boanersis mulalepó. Ai doi beteta, Be Sapalaané naalema tamopó.

Matyu 10:2

Ama ai sóró beterale 12 aposel whi̧né doirape i ape. Folosóró sale whi̧ta, Saimon doi mupatei, Pitapó du betere whi̧ró ama noma Andrutamo yóo, Sebediné naalema tamo Jems-ró noma Jon-tamo yóo, Filip-ró Batolomiu-tamo yóo, Tomas-ró takis moni siré kotere whi̧ Matyu-tamo yóo, Alpias-né naalema Jems-ró Tadeus-tamo yóo, ka̧lo ka̧loi whi̧ Saimon-ró Iskariot be whi̧kó Yesu dó̧póló eleké deyale whi̧ Judas-tamo yóo yóló, atima atérópó.

Aposel 12:2

Atéró, Jon-né noma Jems atima doakale bóe dele sepakené depa tikalepó.

Jon 21:2

Aimó, Yesuné ama yó matere whi̧ Saimon Pitakélé, Tomas-tei me doi Didimas-kélé, Kaleli hae kwiamó tȩne Kana be hulua whi̧kó Nataniel-kélé, Sebedi naalema tamokélé, ama yó matere whi̧ me tamokélé, atima fea touróló betó molepó.

Mark 5:37

Mepaae whi̧rape a̧tamo faaitapóló wao̧sóró seséyóló, Pita, Jems, ama noma Jon atima beta̧ a̧tamo faai dape salepó.

Matyu 26:37

Atima atéró beteróló, Pita kale Sebediné naalema tamo atima fu bitu, ama hosaa tua̧mó mo doasi dekȩné sukutere ala kaae sóró, sekȩi kisipa muté felepó.

Matyu 17:1

Naase apomiró be dȩ kemetepa, Yesuné a̧tamo faairaalu, Pita, Jems-ró noma Jon-tamo atimanale mo doasi hasi fosópaae holalepó.

Matyu 4:20

Ai fo depa, atimaamoné ha̧leke warape muló̧póló taaróló, mo hapale tétitóró a̧ sya felepó.