Matyu 22:40 - Yesu Kerisoné So Whi̧ Tao Sere Kisi Fo Wisi

⁴⁰ Kale yae yóló muló betere forape fearó Kótóné ama fo eratere ko̧ló whi̧rapetamoné ere fota, ti i doasi topo fo tamo tómó beleró beterapó,” yalepó.

Matyu 22:40 Referans Kwoze

Rom 13:9

Kale tukóló muló betere forape i ape. “Nópu nokole ala yao̧se, Whi̧ dóló sukunao̧se, O̧lémi nao̧se, Mené o̧la senée yóló au nao̧se,” erapó. Mepaae tukóló muló betere forape fea husiró betere mo topo ala i ape. “Naaotei ya̧ yaala sókó fu dere kaae, so whi̧ feapaae atéró yaala sókó fu betae.”

Matyu 7:12

Térapa, Kótóné ama ko̧ló whi̧rapené ere foró Moses-né yóló muló betere fotamo fea touróturaalu, ere fo beteta me kaae mei ai ape. Kae kae ala yaairaalu, mepaae whi̧rapené ya̧paae eranée dere alatóró mepaae so whi̧paaekélé erótua yae.”

Jon 1:17

Ti noatepae, Kótóné kale tukóló muló betere forapeta, Moses-paae matepa, amamo so whi̧paae meló beterapó. Téyaletei, ko̧lené sukutu hamokoróló ha̧le tao sere alaró mo alatamota, ti Kótóné Yesu Kerisopaae matepa, amamo da̧paae malepó.

Jems 2:8

Da̧ tȩteróló kaae tare Tale doasi whi̧né asȩmó yae yóló muló betere fo wisinaale i ape. Naaotei ya̧ yaala sókó fu dere kaae, mepaae so whi̧paaekélé atéró yaala sókó fu betae. Atétu betepata, ti mo wisi ala ai du betere ape.

1 Timoti 1:5

Ya̧lo ya̧paae i alarape yae yóló sȩ dere fota, noa ala yaasepóló dumipó. Da̧ fea yaala sókó fole alatóróti du betaai dapó. Ti ai yaala sókó fole ala kaaratere beterape i ape. Hosaa tua̧mó me alatamo hosekéni, mo wisi alatóróti muóo, mepaae yale dowi alarape ha̧keamó yó melóló mo wisi kisipa beta̧ muóo, tuȩ́ tiki tiratere alakélé tómó ini, mo ti tiróo, du betereteiné yaala sókó fole ala kaarótu beterapó.

Kalesia 5:14

Kale tukóló muló betere forape mo fea i doasi fo tua̧mó bulapó. Ai fota i ape. “Naaotei ya̧ yaala sókó fu dere kaae, naao be whi̧ no nepaaekélé atéró yaala sókó fu betae,” erapó.