Matyu 19:5 - Yesu Kerisoné So Whi̧ Tao Sere Kisi Fo Wisi

⁵ Atére betené beta̧ whi̧ a̧ so dokoturaalu, ama alimaró hamatamo taaróló, ama somatamo mo beta̧ tikitóró daayóló betaalo ai ape,” yalepó.

Matyu 19:5 Referans Kwoze

1 Korin 7:4

Ti soné tikita, amatóró mei, omané tiki yóo, whi̧né tikikélé amatóró mei, somané tiki yóo, erapó.

1 Korin 7:2

Tépatei, ya̧lo dia̧ keletepa dia̧ betere tua̧mó nópu nokole ala mo turó fa̧aneteiné, whi̧rape fea mo atimané sotamotóró betóo, sorapekélé atimané whi̧tamotóró betóo depa, ti mo wisirapó.

Efesus 5:31

Atére betené i fo asȩyóló muló beterapó. “Whi̧né ama hama alima taaróló sotamo dokotepa, ti atimaamo mo beta̧ tikitóró daayóló betaalopó,” erapó.

1 Korin 6:16

Mepaae whi̧né nópu nokole sotamo fitepa, ti atimaamo mo beta̧ tikitóró alée foletei dia̧ kisipanié? Ti noatepae, i fo asȩrapó. “Atimaamo tiki beta̧mó touratepa, ti beta̧ tikitóró alée faalopó.”

Rom 12:9

No nepaae ha̧le tó tikiné maaté yaala sókó feni, hosaa tua̧mó mo alatóró muluraalu, yaala sókó fu betae. Atétu, dowi ala mo ti sisópaae eróló, wisi ala beta̧ botokó̧ sóró tawae.

Matyu 19:6

“Atimaamo tamotei, Kótóné dekaaporóló mo beta̧ tikitóró alée faló beteretei, mo whi̧né tekeyao̧sóró yae,” yalepó.