Mark 1:29 - Yesu Kerisoné So Whi̧ Tao Sere Kisi Fo Wisi

²⁹ Atima fo wosetere be taaróló furaalu, Jems-ró Jon-tamokélé dape sóró Saimon-ró noma Andru-tamoné bepaae felepó.

Mark 1:29 Referans Kwoze

Mark 1:21

Atéró, atima fea touyóló Kapeneam bemó sókó fóló, ai bemó kale sa̧a nó̧póló tukóló muló betere sukamó atimané fo wosetere be dolopaae fóló, Yesuné fo yó melaai kaae salepó.

Luk 9:58

Ai fo depa, Yesuné duraalu, “Ha̧onarapeta, atima fitere tiki yóo, barapekélé fiyaaire dépi daayóo eretei, Whi̧né Naalema beta̧ toró mulóló fiyaaire tiki inipó,” yalepó.

Mark 1:23

Atétu betalemó, mo ai fapotóróti kale ai fo wosetere be dolomó beta̧ dowi kepe tepeyóló betere whi̧né fo fakeyóló duraalu, “Nasaret be whi̧kó Yesu-ó, naao da̧mopaae noa alakó eraai waleé? Da̧mo noatepa dóló aluraai waleé? Ya̧ta, dowi ala mo beta̧kélé munire whi̧ wisinaale betepa, Kótóné sóró kae beteró beteretei, ya̧lo mo kisiparapó,” yalepó.

Mark 1:28

Atétere ala so whi̧ mo feané kolóló, Yesuné i ala du beterapóló kulu kulu só kotepa, Kaleli hae kwiamó betó mole so whi̧ feané wosalepó.

Mark 1:30

Atéró fóló beteremó, kale Saimon somané hamasere tiki supu kisiné sukó̧ló mupa, Yesupaae yalepó.