Mark 1:2 - Yesu Kerisoné So Whi̧ Tao Sere Kisi Fo Wisi

² Mo take Kótóné ama fo eratere ko̧ló whi̧ Aisaiané asȩyóló muló betere fo i ape. “Ya̧lo fo era̧le fae yóló dotonatere whi̧ ya̧ waaire tu̧mó a̧pi folosóró fó̧póló, ya̧lo dotȩyaalo ai ape. Ai sekȩ́néta, ya̧ waaire tu̧ aleóló donoraalopó.

Mark 1:2 Referans Kwoze

Luk 1:76

Ya̧ta, ya̧lo naalepó. Take nalopaae so whi̧ feané ya̧ kilituraalu, mo taoró betere Kótóné ama ko̧ló whi̧pó yaalopó. Ti Tale waaipa ya̧pi folosóró wouraalu, a̧ waaire tu̧ donorae yaaire whi̧ betaalopó.

Matyu 11:10

Ai sekȩ́mó kisipa mutu, Kótóné asȩmó i fo erapó. ‘Ya̧ waai teópa ya̧lo fo eraaire whi̧ folosóró a̧pi wó̧póló dotȩyaalopó. Ai whi̧né amata, ya̧ waaire tu̧ donoróló wisiraalopó,’ erapó.

Luk 1:70

Ti mo take Kótóné ama kae beteró betere ko̧ló whi̧rapené yale fo mo dokonóturaalu yalepó.

Matyu 26:31

Téró, Yesuné atimapaae duraalu, “Mo mió i dikitamotóró atimané ȩpaae eratere ala kilituraalu, dia̧ fea ȩ taaróló botokó faalopó. Ti noatepae, até yaaire alata, asȩmó i yóló muló betere fo mo dokonóturaalu yaalo ai ape. ‘Kale sipsip hupurape kaae tare whi̧ ya̧lo dupa, sipsip hupurape dapo dapo yó faalopó,’ erapó.

Luk 18:31

Atéró, Yesuné yó matere 12 whi̧rape dȩpaae dapesó fóló bitu duraalu, “Da̧ta Jerusalem be huluapaae holaai foletei, Kótóné ama ko̧ló whi̧rapené i ala yaalopóló asȩre fo mió mo dokonóló kale Whi̧né Naalemapaae eratepa kelaalo ai ape.

Matyu 26:24

Ti noatepae, whi̧né Naalemata, kale asȩmó yóló muló betere fo motóróti dokonóturaalu sinaalopó. Téyaalotei, Whi̧né Naalema mepaae whi̧né dó̧póló eleké deyaaire whi̧ ya̧ beta̧ doasi kwia saaireteimó mo wió yae. Ai whi̧ a̧ hamané dewua̧meisóró, ti mo wisiua̧pó,” yalepó.

Matyu 2:5

Ti fo depa, atimané tokó̧ mótu duraalu, Judia hae kwiamó tȩne Betelehem be huluamó deyaalopóló, mo taketi Kótóné ama ko̧ló whi̧né asȩyóló muló betere fo i ape.