Luk 4:4 - Yesu Kerisoné So Whi̧ Tao Sere Kisi Fo Wisi

⁴ Ai fo depa Yesuné a̧paae duraalu, “Tale Kótóné asȩmó i fo erapó. ‘So whi̧ betereteita, mo o̧la maaté nukuraalu bitinipó erapó,’” yalepó.

Luk 4:4 Referans Kwoze

Matyu 4:4

Ai fo depa, Yesuné a̧paae tokó̧ mótu duraalu, “I fo asȩyóló muló beterapó. ‘Whi̧ betere beteta, mo o̧la nokoleteiné maaté bitini, Kótóné ama dere fo fea woseturaalu bitiré fenérapó,’” yalepó.

Efesus 6:17

Kótóné da̧ aluyao̧sóró tao sere alata, bóe daai derótua dere topo tao kaae deróo, kale Dȩi Kepe Wisiné fosóratere sepake tawóló daayóo yae. Ai sepaketa, ti Kótóné ama fo wisipó.

Matyu 6:31

Atérapa, o̧laró wȩitamo noa naaloé? ó kuti ȩ noa saaloé? yóló, whaalia du betao̧se.

Luk 4:10

Ti noatepae, asȩmó i fo erapó. ‘Kótóné ama ensel-rapepaae ya̧ me o̧lané doalé yao̧sóró, wisiyóló kaae tawae yaalopó.’

Luk 4:8

Ti fo depa, Yesuné a̧paae duraalu, “Kótóné asȩmó ere fo i ape. ‘Tale Kótó mo beta̧tóró beterapa, a̧ ao̧mó sinóló bitu, Aya doa Tale-ó, yóló ama ala beta̧ erótu betae erapó,’” yalepó.

Luk 22:35

Téró, Yesuné atimapaae woseturaalu, “Ya̧lo dia̧ dotonale sukamó moni butere be ó ho̧leke be ó me o̧lakélé sóró fae ini, ha̧le fó̧póló dotȩyalepó. Téyaletei, dia̧ me o̧lakó mei yaleé?” depa atimané duraalu, “Meipó,” yalepó.

Luk 4:3

Atéró betepa, dowi Satan-né a̧paae duraalu, “Ya̧tamo Kótóné Naalemapata, ti i kapopaae bred o alée fae yae,” yalepó.