Luk 3:14 - Yesu Kerisoné So Whi̧ Tao Sere Kisi Fo Wisi

¹⁴ Ti fo depa, mepaae diki tare whi̧rape wóló a̧paae woseturaalu, “Da̧ noa ala yaaloé?” depa ama duraalu whi̧né moni saai, so whi̧ tȩteréli fo yóló ó dilikó̧ló sao̧se. Naao Gavman-né dia̧ matere moni-tóró tawóló betae. I su̧ meipóló, dokó dokó yao̧se,” yalepó.

Luk 3:14 Referans Kwoze

Filipai 4:11

I dere fota, ȩ me o̧la ya̧ya̧tepa dumitei, mepaae kae kae sekȩi alarape wapakélé me o̧la meipóló, hepée taae faróló bitiré wou betaleteiné mió ȩ kisipa sóró asarapóló dapó.

Luk 19:8

Téyaletei, kale Sakius a̧ turukó holóló Talepaae duraalu, “Tale-ó, mióta, ya̧lo i mole o̧la o̧larape bukóló, mepaae yolealere so whi̧mó melóo, ya̧lotamo so whi̧ dilikó̧ló mepaae monikó simó ti dou̧ró félimó tómó beleróló tokó̧ melóo, yaai dapó,” yalepó.

Ha̧kearaletei 12:10

Téró, hepen bemó etei fo fakeyóló depa wosalepó. “Da̧ tȩteróló kaae tare Kótóné tao sere alakélé, fotoko̧ bole alakélé, ama so whi̧ tȩteróló kaae tare alakélé, ama sóró beteró betere whi̧ Kerisoné tȩteróló kaae tare alakélé, mió wóló mulapó. Ti noatepae, betere doko̧ Kótóné keletómó da̧né ne norape dȩtamokélé, dikitamokélé só derótu betere sekȩ́ a̧kélé sóró taae deró beterapó.

Taitus 2:3

Até dere kaae, so disirapepaaekélé, atimané dere ala Talené so whi̧né dere alatóró du beteró̧póló yae. Téturaalu, so whi̧ eratere fo ó wain wȩi dekéró naai ekȩle ini, mo wisi fo maaté yó mótu beteró̧póló ma yae.

Filipai 2:15

Ti aita ha̧le mei, me alatamo hosekéni mo wisi ala maaté du betere so whi̧ betepa kilitu, Kótóné naale senaale beterapó yó̧póló i dere ape. Dia̧ atéró betepa, mió i alimó betó mole so whi̧ wuliné tu̧ kaae kotereteiné atima dere alakélé mo sonaalérapó. Dia̧ atei kaae so whi̧ tua̧mó bitu, mo ti betaaire fo wisi so whi̧ feané wosó̧póló ha̧keamó yó mótu betepa, ti dia̧ ó sa̧mó daae mole ho̧re dȩru ere kaae, atima tua̧mó dȩrótu betenérapó. Atépa, ti Yesu Keriso wale sukamó, ȩ bopé fakeyóló halaa yaaire beteta, ti dia̧ tua̧mó ya̧lo diale kutó ha̧le ini, du wisi olerapó yó̧póló kisipa mutu dapó.

Aposel 10:7

A̧paae ai fo yóló, kale ensel fupa Konilias-né ama bemó kutó diratere whi̧ tamo yóo, Kótóné ala eró tare ama diki tare whi̧rapekó beta̧ yóo, yóló ape yalepó.

Matyu 8:5

Atéró, Yesu a̧ Kapeneam be huluamó sókó felemó, 100 Rom diki tare whi̧rape tȩteróló kaae tare topo whi̧ beta̧ wóló a̧paae duraalu, “Tale-ó, ya̧lo kutó diratere whi̧ beta̧ doasi hepo daalu ama tikikélé mo da̧amu sókó fóló, bemótóró ha̧le fió mulapó. Téruraalu, doasi dele su beterapa naao ȩ tao saaloé?” yalepó.

Luk 3:10

Ai fo depa so whi̧ feané a̧paae duraalu, “Ti da̧né noa alakó yaaloé?” yalepó.

Luk 3:13

Tétepa, ama atimapaae duraalu, “Diaao̧ takis moni siré kutu, bosenóló sini, sae yale su̧tóró sae,” yalepó.