Luk 2:21 - Yesu Kerisoné So Whi̧ Tao Sere Kisi Fo Wisi

²¹ Atéró kale naale sóró bitiré fóló, bokó wale be dȩmó ama tiki siriróló Yesu doi mulalepó. Aita kale so naale yaaipatei, ensel-né mulae yale doipó.

Luk 2:21 Referans Kwoze

Luk 1:59

Atéró kale so naale sóró beteró, bokó wale be dȩmó ama tiki sekaȩ tukóló siriróo, kale naalené doikélé alima Sekaraiané doi yakoróo yaai, ama fake so whi̧ walepó.

Luk 1:31

Ya̧ta, naale yaalo ai ape. Ai naale detepa, ama doi Yesu mulae.

Filipai 2:8

Atéru, Kótóné fo ao̧mó sukó̧ló bitiré fóló sukutere alapaae sókó felepó. A̧ atéró sukuturaalukélé mo whi̧ sukutu dere kaae ini, atimané a̧paae kisipa tiki mo fomaakei ala eróló, filipaaró betere ni tómó suka̧lepó.

Matyu 3:15

Ai fo depa, Yesuné a̧paae duraalu, “Aita mo deretei, mió da̧moné i dere alané Talené ama so whi̧ donoraaitere ala mo dokonó̧pólópa, naao ȩ wȩi tópurae,” depa, Jon-né wisirapóló a̧ wȩi tópuralepó.

Matyu 1:25

Téyaletei, ama somatamo kotere ala ini, ha̧le bitiré fóló kale so naale detepa, Josep-né ai naalené doi Yesu mulalepó. Atéyale ki̧lipaae ti atimaamo kwȩalepó.

Matyu 1:21

Ama ai ere naale detepata, ti so whi̧ feané du betere dowi alamó saaire kwia tokó̧ló kemeróló tao saalopóló, ama doi Yesu mulae,” yalepó.