Luk 12:35 - Yesu Kerisoné So Whi̧ Tao Sere Kisi Fo Wisi

³⁵ “Dia̧ kutó dine faairaalu kuti deróló bitu, sa̧rapekélé duku beteró̧póló, dȩróló mulae.

Luk 12:35 Referans Kwoze

1 Pita 1:13

Térapa, diaao̧tei dia̧ tȩteróló kaae taru, Talené ala eraaire tuȩ́ beta̧ muóo, Yesu Keriso a̧ ha̧keamó wouraalu dia̧ hamokoróló tao saaire alapaae beta̧ hosaa muóo iru, siki siki yóló ama ala beta̧ erótu betae.

Efesus 6:14

Atéró fotoko̧ buóló daalu, mo fo ti to kaae sóo, bóe whi̧né ya̧le bopémó sao̧sóró, bóe wase dakerótu dere kaae, Kótóné da̧ melale donoi ala bopémó dakeróo, Talené ala era̧le faairaalu, kale kisi fo wisi ho̧leke be kaae horóo, mo so whi̧ró Kótótamo bóe firóló, hosaa muni deyóló mo dua beteratere fo wisi da̧né hosaa tua̧mó mulóo epa, dia̧ siki siki yóló betenérapó.

Matyu 5:16

Atétu dere kaae, dia̧ tua̧mó ere dȩ so whi̧ feané koló̧póló, ha̧keamó dȩró betae. Atépa, so whi̧né kilituraalu, ó hepen bemó betere diaao̧ Ayané doi sóró horótu beteró̧póló, wisi ala ha̧keamó erótu betae.”

Matyu 25:1

Téró Yesuné duraalu, “Atéyaaire sukamó, ó hepen bemó Kótóné tȩteróló kaae tare ao̧mó mole alata, i ala kaae yaalopó. Kale naasetamo so seimalerape atimané lamp sa̧ dirirape sóró so dokotere be dȩmó detere o̧la naai kale so dokaaire whi̧tamo hokolaa yaai felepó.

Filipai 2:15

Ti aita ha̧le mei, me alatamo hosekéni mo wisi ala maaté du betere so whi̧ betepa kilitu, Kótóné naale senaale beterapó yó̧póló i dere ape. Dia̧ atéró betepa, mió i alimó betó mole so whi̧ wuliné tu̧ kaae kotereteiné atima dere alakélé mo sonaalérapó. Dia̧ atei kaae so whi̧ tua̧mó bitu, mo ti betaaire fo wisi so whi̧ feané wosó̧póló ha̧keamó yó mótu betepa, ti dia̧ ó sa̧mó daae mole ho̧re dȩru ere kaae, atima tua̧mó dȩrótu betenérapó. Atépa, ti Yesu Keriso wale sukamó, ȩ bopé fakeyóló halaa yaaire beteta, ti dia̧ tua̧mó ya̧lo diale kutó ha̧le ini, du wisi olerapó yó̧póló kisipa mutu dapó.

Luk 12:36

Ti atétere alata, mepaae kutó diratere whi̧rape atimané doasi whi̧ beta̧ so dokotere be dȩmó detere o̧la nale feletei fesaae wó̧póló, kaae tatu dere kaaepó. Atépa, kale whi̧ wouraalu be tu̧ dupa, a̧ be dolopaae holó̧póló, hapale atimané be tu̧ tuki̧yaalo ai ape.