Jon 4:28 - Yesu Kerisoné So Whi̧ Tao Sere Kisi Fo Wisi

^28-29 Téró, kale soné ama wȩi wuti aimó mupatei taaróló, a̧ u be huluapaae felepó. Atéró fóló, ai be huluamó betó mole so whi̧paae duraalu, “Take ya̧lo yale alarape fea ȩpaae ha̧kearóló yó matere whi̧ tumó daalapa kelaai ape. A̧ta, Kótóné so whi̧ tȩteróló kaae tanó̧póló, sóró beteró betere whi̧ Keriso du yalepó,” yalepó.

Jon 4:28 Referans Kwoze

Jon 4:7

Yesu aimó beteremó, beta̧ Samaria so a̧ wȩi naairaalu wapa, a̧paae duraalu, “Naao ai wȩikó ȩ maletamo melaaloé?” yalepó.

Luk 24:33

Atétepa, mo ai fapotóró atimaamo Jerusalem be huluapaae momó fesaae felepó. Téyalemó, mepaae 11- aposel whi̧raperó atimatamo betere so whi̧rapetamo fea beta̧paae touró betepa kelalepó.

Luk 24:9

Atéró, atima whi̧ dou tópaae fi fesaae wóló atimané kelale alarape kale 11-whi̧raperó mepaae whi̧rapetamopaae yalepó.

Matyu 28:8

Atétepa, kale so tamo wirutei mo hai̧tamo whi̧ dou taaróló, ama yó matere whi̧rapepaae yaai dapóló sururuyóló felepó.

Jon 4:27

Atimaamo ai fo du betepa, ama yó matere whi̧rape o̧la dupune fi fesaae wouraalu kelalemó, Yesu Samaria sotamo fo du betepa, atima kilita sókó felepó. Atétepa, atimakó beta̧ whi̧nékélé a̧paae ai sotamo noa ala yaai, ó noa fokó du bitu de? yóló, wosetere alakélé inipó.