Hibru 5:6 - Yesu Kerisoné So Whi̧ Tao Sere Kisi Fo Wisi

⁶ Ai fo kaae, me asȩ tua̧mó i fo dapó. “Melkisedek a̧ momaratere whi̧ bitu deté fele ala naao tȩteróló kaae taru, momatere ala ha̧le yó taté fu beteró̧póló, ya̧lo ya̧ sóró i beteratere ape,” erapó.

Hibru 5:6 Referans Kwoze

Hibru 7:17

Ti ai fo kaae me asȩ tua̧mó i fo erapó. “Ya̧ta, momaratere topo whi̧ Melkisedek-né du betale ala naao tȩteróló kaae taru, yó taté fu beteró̧póló, ya̧lo ya̧ sóró beteratapó,” erapó.

Hibru 7:21

Téyaletei, Kótóné i sekȩ́ momaratere whi̧ sóró beteróturaalu, a̧paae i malo yalepó. “Talené ama kisipa feteyaalomei, ya̧ so whi̧mó momaratere whi̧ mo ti betó tanó̧póló, ya̧lo ya̧ sóró beteratapó,” erapó.

Hibru 7:3

A̧ deyale soró whi̧tamoné doikélé, a̧ kaayale noutererapené doikélé, a̧ deyale be dȩkélé, suka̧le be dȩkélé, asȩmó muni, Kótóné naalema biture kaae, a̧ so whi̧mó momaratere topo whi̧ ha̧le betó tarapó.

Hibru 5:10

Ti aita ha̧le mei, Kótóné a̧paae duraalu, “Melkisedek-né deté fele ala tua̧mó ya̧ momatere whi̧ beteratapó,” yale betené yalepó.

Hibru 7:15

Melkisedek betale sirimó, whi̧ me kaetamo sókó hotepa, ti da̧né i deté wou betere fo bete mo ha̧kearatapó.

Hibru 7:8

Atétere kaae, so whi̧né naase tamo o̧la o̧la dekeyóló beta̧ siré fu betepatei, ai whi̧rape sukutua yalepó. Atéyaletei, kale doasi whi̧ Melkisedek-né naase tamo o̧la dekeyóló beta̧ ama saletei, a̧ suka̧lepó fo munipó.

Hibru 7:11

Lipainé deale whi̧rape mo so whi̧mó momatere topo whi̧ betere tua̧mó Kótóné tukóló muló betere fo sókó walepó. Tétu, atima ai alimó momarótu betale alané Kótóné so whi̧ mo ti wisirólua̧sóró, momaratere topo whi̧ me kae waalopó fo ua̧meipó. Ti ai momaratere topo whi̧ta, Eron-né deale naalené deté fele whi̧ mei, Melkisedek bitu yale kaae du betaalopó, erapó.