Ha̧kearaletei 17:2 - Yesu Kerisoné So Whi̧ Tao Sere Kisi Fo Wisi

² Ai sota, i hae kwia fea tȩteróló kaae tare topo whi̧rapetamo nópu nuku betalepó. Téró, kale soné i hae kwiamó betó mole so whi̧kélé, nópu nokole wain wȩi melale tikimó topo doyóló keyaa fu betalepó,” yalepó.

Ha̧kearaletei 17:2 Referans Kwoze

Ha̧kearaletei 14:8

Ai fo yale ensel folosóró fi tikimó, ensel me kae nalo sya fu bitu duraalu, “Kolokóló dorowóló a mole ape. Doakale doi mole Babilon be hulua kolokóló dorowóló mulapó. Ti ai nópu nokole so Babilon-néta, ama nópu nokole alané aleale keyaa fole wain wȩi hae kwia kae kaemó betó mole so whi̧ feané nó̧póló melótua yale so, mió kolokó dorowóló ai mole ape,” yalepó.

Ha̧kearaletei 18:3

Ti noa betené mei, hae kwia kae kaemó betó mole so whi̧ ai soné ama nópu nokole ala tokóló yateiné wain wȩi nóló, keyaa fu dere kaae du betalepó. I hae kwiamó betó mole so whi̧ tȩteróló kaae tare topo whi̧rapekélé, kale sotamo nópu nukua yalepó. Ai soné ama doasi nélire alané, i hae kwiamó o̧la o̧la dotonóló duputu betere so whi̧né moni mo dekéró siré feleteiné néli whi̧ betalepó,” yalepó.

Ha̧kearaletei 18:9

Ai sotamo nópu nokole ala yóo, ama wisi wisi o̧la sóo, du betere tȩteróló kaae tare topo whi̧rapené ai kale so dukuraalu, hotere sukuli kelalepó. Atétepa, atima kale so dekȩné sukó̧ló woletu betaalopó.

Ha̧kearaletei 18:23

Kale lamp sa̧né dȩrótu beteretei, momó kae dȩraalomeipó. Soró whi̧tamo dokóló o̧la deturaalu, hȩkese detere fo momó kaae wosaalomeipó. Naao o̧la o̧la dotonóló duputua dere whi̧rapeta, i haemó doasi doi mole whi̧rapepó. Naao isi whi̧né dere alané kae kae Gavman-né tȩteróló kaae tare ao̧mó betó mole so whi̧kélé, fea kó̧paae a̧lisóró fu betalepó.

Ha̧kearaletei 17:17

Ti noatepae, kale naase tamo sekȩ́rape atima fea fo dokóló beta̧ tuȩ́ mutu, atima tȩteróló kaae tare fotoko̧ kale syaae kaae o̧lapaae melaalopó. Até yaaire alata, Kótóné ama eraalopó yóló muló betere fo dokonótu mo eró̧póló, atima tua̧paae bulaalopó.

Ha̧kearaletei 3:10

Ya̧lo dia̧paae sekȩi ala wapakélé ha̧le eró tawae yale fo diaao̧ wosóló eró tawalepó. Téyaleteiné i haemó betó mole so whi̧ fea su̧ sóró ka̧ae keletere sekȩ wale sukamó, dia̧paae wao̧sóró ya̧lo sesé yaalopó.

Ha̧kearaletei 17:13

Atima fea mo beta̧ kisipatóró muóló, kale syaae kaae o̧lapaae naaotóró kaae tawae yóló, fotoko̧ró tȩteróló kaae tare alatamo melaalopó.

Jon 2:10

Téró, kale o̧la detere ala kaae tare doasiné so dokore whi̧paae ape yóló, tu dȩpaae dapesó fóló duraalu, “Whi̧rape feané i ala dua dapó. Folosóró wisi wain wȩipi nó̧póló melóo, nalo mo sawa felétere wain wȩi melóo, dua dapó. Tépatei, wisi wain wȩi mulóló, nalo noatepa sóró waleé?” yalepó.

Ha̧kearaletei 2:22

Até du betereteiné, a̧ dele sóró fitere tikimótóró fiyó muló̧póló, taae deraalopó. Téturaalu, a̧tamo nópu nuku betere whi̧rapekélé kale soné atimapaae yó melale dowi ala taaróló, tuȩ́ tiki feteyóló anitepa, ti atimakélé kale so dere kaae, dele só̧póló taae deraalopó.

Ha̧kearaletei 9:21

Atimané whi̧ dele alakélé, kae kae hosó̧ fokélé, nópu nokole alakélé, o̧lémi nokole alakélé fea taaróló kisipa feteni, ha̧le yó tarepó.

Ha̧kearaletei 17:5

Ama kinóló mole doi kutirimó asȩretei i ape. Doasi Babilon-ta, nópu nuku betere soraperó i haemó mole kelaalo mo sonaalei alarapetamoné hamapó.

Ha̧kearaletei 17:8

Naao kelale syaae kaae o̧lata, take betaletei, mió bitinipó. Tépatei, take mo apaae derepale wosono dolomó sókó holóló, a̧ doraai da̧le muló betere tikipaae faalo ai ape. Mepaae so whi̧ i haemó bitu, atimané doi take keké nale alimótei mo ti betere buk-mó munipó. Atére so whi̧né kale syaae kaae o̧la kilituraalu, doasi sira yaalopó. Ti noatepae, take a̧ betepa kolóo, mió bitini alu yóo, nalo momó sókó wóo dereteinépó.