Ha̧kearaletei 16:2 - Yesu Kerisoné So Whi̧ Tao Sere Kisi Fo Wisi

² Ai fo depa, kale kolosale ensel fóló ama tare okopoi nukumó belere o̧la sóró fóló, haepaae sunée deralemó, kale syaae kaae o̧lané siri eróló, ama aso ao̧mó sukó̧ló betó mole so whi̧né tikimó, dotopo yóló mo doasi dele su betaaire sonaalei humu fulu deralepó.

Ha̧kearaletei 16:2 Referans Kwoze

Ha̧kearaletei 8:7

Kale kolosale ensel-né ama ukulumó wuti haleralemó, hali ais kane kaae alée fóló dorowóo, simiró sameatamo hosekéyóló dorowóo, yalepó. Atéyaleteiné hae kwia sore moletei beta̧ siné dukuraalu, tamo hae kwia ha̧le muni felepó. Nirapekélé atétóró yalepó. Nerapeta, fea siné doló suku̧laa dalepó.

Ha̧kearaletei 16:11

Atimané tikimó daae mole humu dotoporó siné dale deteraatamomó kakutu bituraalu, hepen bemó betere Kótóné doi doróló, tekani fo du betalepó. Tétu, atimané yale dowi ala taaróló tuȩ́ tiki feteyóló betaalo hó̧yóló, dowi ala yaaitei dowa̧ae fu betalepó.

Aposel 12:23

Téteremó, ai fapotóróti Talené ensel wóló kale sekȩ́né Talené doi sóró horéniteremó a̧ dóló ama tiki mokené turukó nóló mo ti sukunalepó.

Ha̧kearaletei 14:16

Tétepa, kale sekȩ́né tare sepakené i haemó u̧lumé yó mole o̧larape fea felesé yóló turukó salepó.

Ha̧kearaletei 13:12

Kale haemó sókó horale syaae kaae o̧lapaae folosóró wȩimó sókó horale sekȩ́né ama tȩteróló kaae tare ala melalepó. Atétepa, nalo wale sekȩ́né ama tȩteróló kaae taru, kale folosóró wale sekȩ́né doi eróturaalu, i haemó betó mole so whi̧ feané kale suki̧tei tokó̧ló doasi siri mole sekȩ́paae Tale-ó, yóló doi sóró horó̧póló sȩtu betalepó.

Ha̧kearaletei 14:9

Téró kale dere kaae, ai ensel-tamo fi tikimó, ensel me kae sya fu fo fakeyóló duraalu, “Mepaae whi̧ detamo, kale syaae kaae o̧lapaae ó ama aso kaae o̧lapaae, ‘Doa Tale-ó,’ yóló ao̧mó sukó̧ló bitu, atima kutirimó ó naasemó, ai o̧lané siri eró betere whi̧rape ama doakale fopaae buló kwia matere wȩi nó̧póló melaalo ai ape. Ai wain wȩi mo wȩitamo hoseké ini, mo wain wȩitóró Kótóné fopaae butu kwia melaairetei, wutimó tepeyóló mulapó.

Ha̧kearaletei 16:1

Téró ya̧lo wosalemó, momatere bemó sókó wale foné kale wȩikeró ensel-rapepaae fo fakeyóló duraalu, “Kótóné fopaae buluraalu kwia melaaire ala okopoi nukumó beleróló diaao̧ ai taretei, haepaae sunée dera̧le fae,” yalepó.