Aposel 2:45 - Yesu Kerisoné So Whi̧ Tao Sere Kisi Fo Wisi

⁴⁵ Atéró, atimané mepaae o̧la o̧laró haetamo dotonóló moni sóró mepaae ya̧ya̧re so whi̧ malepó.

Aposel 2:45 Referans Kwoze

1 Jon 3:17

Whi̧ me de fea o̧la su̧mó muluraalutei, ama no ko̧letu mepaae ya̧ya̧re o̧la taosóró meni depa, ti atétere whi̧ tua̧mó Kótóné yaala sókó fole ala nétéró muaaloé?

Aposel 4:34

Ai ala iru, atima tua̧mó me so ó whi̧kó o̧la o̧la ya̧ya̧ dere ala mo inipó. Atima tua̧mótei, hae tiki tare whi̧né ama hae dotonóló moni sóo, be tȩne whi̧né ama be dotonóló moni sóo, yóló ai moni kale aposel whi̧rapené naase tua̧mó mulótua yalepó. Ai monita, mepaae o̧la o̧la ya̧ya̧re so whi̧mó terekeyóló a̧liróló mótua yalepó.

Luk 18:22

Ai fo depa, Yesuné a̧paae duraalu, “Mo beta̧ ala beta̧ ya̧ ya̧ya̧rapó. Térapa, naao muó mole o̧la o̧la fea dotonóló, moni sóró mepaae yolealere so whi̧mó melae. Atéró ya̧ta, hepen-mó mole wisi wisi o̧la saasepóló ȩ sya ape,” yalepó.

2 Korin 9:9

Asȩmókélé i fo kaae erapó. “Ama wisi wisi o̧la yoleale yóló betó mole so whi̧mó a̧liralepó. Ama so whi̧ tao sóró donoratere alakélé kemeni, ha̧le yótóró tarapó,” erapó.

Aposel 11:29

Atéró, Yesuné yó matere whi̧rapené Judia hae kwiamó betó mole Keriso so whi̧ tua̧paae wale doasi sekȩi alamó kisipa mutu, ai so whi̧ tao saai atima fo dokalepó. Atéró duraalu, da̧né tare moni su̧tóróti deraalopóló, dera̧leta du betalepó.

Matyu 19:21

Ti fo depa, Yesuné a̧paae duraalu, “Naao kisipanétamo mo beta̧ alakókélé ha̧sókó feni, mo turó sya fóló eratere whi̧ betaai kisipa mutepa, ti ya̧ fóló, naao tare o̧la o̧larape fea dotonóló moni sóró yoleale yóló betere whi̧rapemó ha̧le melae. Atétepa, ti naao saaire o̧la o̧la ó hepen bemó mo doasi horóló mupa, saalo ai ape. Atéró melólóta, ya̧ ȩ sya ape,” yalepó.

Luk 19:8

Téyaletei, kale Sakius a̧ turukó holóló Talepaae duraalu, “Tale-ó, mióta, ya̧lo i mole o̧la o̧larape bukóló, mepaae yolealere so whi̧mó melóo, ya̧lotamo so whi̧ dilikó̧ló mepaae monikó simó ti dou̧ró félimó tómó beleróló tokó̧ melóo, yaai dapó,” yalepó.

Luk 16:9

Ya̧lo dia̧paae i dere ape. I haemó bituraalu, naao sere moni mepaae ya̧ya̧re so whi̧ tao sóró ha̧le melae. Atéró fea melóló kemeratepa, atimané ya̧ mo ti tȩ tare bepaae holae yóló dape saalo ai ape.

2 Korin 9:1

Kótóné kae beteró betere so whi̧ tao sae yóló, deté wale fo wosóló, yaaire ketekȩ dia̧ bunipakó, ya̧lo dia̧paae momó yaaloé.