2 Timoti 2:1 - Yesu Kerisoné So Whi̧ Tao Sere Kisi Fo Wisi

^1-2 Térapa, Ya̧lo naale-ó, Yesu Kerisoné ha̧le hamokoróló tao sere ala tua̧mó fotoko̧ buóló betae. Atéró bitu, so whi̧ feané keletómó ya̧lo yó mótu betepa wosale fo naao mepaae mo wisi ala yó tare whi̧rapepaae i kale fo wisi mo wisiyóló kaae tawae yóló sóró beterae. Ti ai whi̧rapeta, ha̧le whi̧rape meitei, mo so whi̧paae Kótóné fo yó melaai mo su̧re whi̧rapetóró sóró beterae.

2 Timoti 2:1 Referans Kwoze

Efesus 6:10

Ya̧lo mo kemeróturaalu dere fo i ape. Dia̧ Tale tua̧mó bitu, ama bole fotoko̧ sóró betae.

2 Timoti 1:7

Ti noatepae, Kótóné da̧ melale kepe beteta, wiratere kepe ménitei, da̧ mo halaaiyóló, yaala sókó fole ala yóo, da̧ tua̧mó kae kae mole kisipa tiki ha̧sókó fóló dowi ala yao̧sóró, mo wisiyóló tȩteróló kaae tawóo yó̧póló, fotoko̧ bole kepe wisi melalepó.

Filipai 4:13

Ti ȩ fotoko̧ mótu betere sekȩ́ tua̧mó bituraalu, ai dosa̧ayale alarape fea ya̧lo mo su̧mó enérapó.

1 Korin 16:13

Mené dia̧ dilikó̧ló kó̧paae falao̧sóró, hotowayóló kaae tawae. Téturaalu, kale mo fo wisi wosóló, Talepaae kisipa tiratere ala tua̧mó diriyóló betae. Atéru, mené dia̧tamo bóe dupa wini, halaainé fotoko̧ buóló betae.

2 Pita 3:18

Tépatei, da̧ aluyao̧sóró tao sóró tȩteróló kaae tare whi̧ Yesu Kerisoné hamokoróló ha̧le tao sere alaró a̧ kisipa deté fole alatamo dia̧ tua̧mó mo ti fakeraté fu betae. Mió i betere alimókélé, take betaaire alimókélé, ama doi ha̧le muó tanó̧póló, sóró horótu betae! Mo kée, téyó̧póló yae!

1 Timoti 1:18

Ya̧lo hosaa mole naale Timoti-ó, Kótóné mepaae whi̧rapepaae yó matepa atimanémo, ya̧ tuȩ́ muóló yale fo kaae mió ya̧lokélé ya̧paae i asȩmó dere fo wisiyóló dosa̧ayóló kisiparu sya fae. Naaotamo ai fo wisiyóló sya fóló eró tapata, ti da̧né bóe whi̧tamo bóe wisiyóló dóo, tuȩ́ tiki tiratere alakélé yó tawóo, naao tiki tua̧paae me ha̧sókó fole alakélé muni yóo, yaalo ai ape.

1 Timoti 1:2

Ti i dere fota, Yesu Kerisoné ala tua̧mó beteró̧póló, ya̧lo deyóló beteró betere naale Timotipaae dapa, da̧né Aya Kótóró Tale Yesu Kerisotamo tua̧mó kaaróló wó tare ha̧le hamokoróló eratere alakélé, ko̧lené sukó̧ló tao sere alakélé, hosaa muni deyóló mo dua betere alakélé, ya̧paae eró̧póló yae.

2 Timoti 1:1

I dere asȩta, Kótóné ama tuȩ́re ala sya furaalu, dotonale aposel whi̧ Pol-né dapó. Ya̧lo hosaa mole naale Timoti ya̧ paae Aya Kótóró Tale Yesu Kerisotamo tua̧mó kaaróló wou betere ko̧lené sukuturaalu ha̧le tao sere alakélé, hosaa muni deyóló mo dua betere alakélé, ya̧ tua̧mó muó tanó̧póló yae.

2 Timoti 2:10

Atérapa, Kótóné sorokó su yóló kae beteró betere so whi̧rapeta, Yesu Kerisoné tao sóró mo ti betó tawaaire dȩ tua̧mó beteró̧póló kisipa mutu, ȩ kae kae sekȩi ala sótóró tarapó.

2 Timoti 4:17

Tépatei, Tale ȩtamo beta̧mó daalu fotoko̧ su̧mó bulaleteita, kale fo wisi ya̧lo mo diriyóló eratepa Juda fake mei, kae fake so whi̧ feané wosó̧póló eralepó. Téteremó, atimané ȩ mo felekemó dóló aluraletei, Talené tao salepó.