1 Timoti 2:11 - Yesu Kerisoné So Whi̧ Tao Sere Kisi Fo Wisi

^11-12 Dia̧tamo betó mole Keriso sorapené Talené ala tuȩ́ yaai dere alata, ti kaae tare whi̧ ao̧mó sukó̧ló hipa fi dua beteró̧póló yae. Mepaae sorapené whi̧ yó matere ala ó whi̧ tȩteróló kaae tatere ala ini yóo, whi̧né dere fokélé tikini yóo yóló, whi̧rape ao̧mó sukó̧ló mo dua beteró̧póló yae.

1 Timoti 2:11 Referans Kwoze

1 Korin 11:3

Da̧ whi̧ feané topota, so whi̧ tȩteróló kaae tare whi̧ Keriso betóo, soné topo ti whi̧ betóo, Kerisoné ama topo ti Kótó betóo eretei, diaao̧ kisipa yaasepóló i dere ape.

1 Pita 3:1

Atére kaae, whi̧né dokore sorape dia̧kélé diaao̧ whi̧rape ao̧mó betae. Ti noa ala yaai meipó. Dia̧ dokore whi̧rape mekó Talené fo wosóló tuȩ́ tiki tirénipa, diaao̧tei i ala yae yóló sȩ yao̧se. Téni, dia̧né dere ala me alatamo hosekéni yóo, Tale mo beterapóló a̧ ao̧mó bitu, mo wisi ala maaté yóo dere kilituraalu, atima ko̧leaanétei kisipa feteyóló Talepaae tuȩ́ tiki tiranérapó.

Taitus 2:5

Atimané me ala yaai fopaae butere ala hapale ini, hotowaró kaae taru, tuȩ́ tekeyóló mo wisi alatóró yóo, bemó o̧la bilitere alakélé, naale senaale kaae tatere alakélé, be kaae tatere alakélé, mo kelaalo koko̧i alaró hosaa tua̧mó me kisipa muni, mo wisi kisipa beta̧ muóló, atimané whi̧ ao̧mó beteró̧póló ma fo yae. Ama fo yae deretei ha̧le meipó. Atimané du betere ala mepaae so whi̧né kilituraalu, Kótóné fo bete muni nisiyóló doka doka yóló faleyao̧sóró dapó.

Kolosi 3:18

Dia̧ whi̧né dokore sorape-ó, diaao̧ dere ala mo Talené so whi̧né dere ala kaaetóró yaasepóló, diaao̧ whi̧rapené dere fo wosóló ao̧mó betae.