زەبوورەکان 44:3 - پەیمانی نوێ و زەبوورەکان بە سۆرانی

³ ئه‌وان به‌ شمشێری خۆیان ده‌ستیان به‌سه‌ر زه‌ویدا نه‌گرت، به‌ بازووی خۆیان سه‌ركه‌وتنیان به‌ده‌ست نه‌هێنا. به‌ڵكو ده‌سته‌ ڕاست و بازوو و ڕووناكی ڕوخساری تۆ بوو، چونكه‌ لێیان ڕازی بوویت.

كوردی سۆرانی ستانده‌رد

³ ئەوان بە شمشێری خۆیان دەستیان بەسەر خاکەکەدا نەگرت، بە بازووی خۆیان سەرکەوتنیان بەدەست نەهێنا، بەڵکو دەستی ڕاستی تۆ بوو، بازووی تۆ بوو، هەروەها ڕووناکی ڕوخساری تۆ بوو، چونکە ئەوانت خۆشویست.

زەبوورەکان 44:3 Referans Kwoze

دووه‌م قۆرنتێ 4:7

به‌ڵام ئه‌م گه‌نجینه‌ی هه‌مانه‌ له‌نێو گۆزه‌ی گڵینه‌، تاكو ده‌ربكه‌وێت كه‌ هێز له‌ خوداوه‌یه‌ نه‌ک له‌ ئێمه‌.

زەبوورەکان 77:15

به‌ بازووی خۆت گه‌لی خۆت كڕییه‌وه‌. ڕۆڵه‌كانی یاقوو و یۆسپ. سیلاه‌.

زەبوورەکان 20:6

ئێستا زانیم كه‌ په‌روه‌ردگار مه‌سیحه‌كه‌ی ڕزگار ده‌كات، له‌ ئاسمانی پارسای خۆیه‌وه‌ به‌ ده‌نگییه‌وه‌ دێت، به‌ توانای ڕزگاریی ده‌سته‌ ڕاستی.

زەبوورەکان 42:11

ئه‌ی گیانی من بۆچی غه‌مباریت؟ بۆ له‌ ناخمدا ده‌ناڵێنیت؟ ئومێدت به‌ خودا هه‌بێت، چونكه‌ من هه‌ر ستایشی ئه‌و ده‌كه‌م، ئه‌و ڕزگاریده‌ر و خوداوه‌ندمه‌.

زەبوورەکان 42:5

ئه‌ی گیانی من بۆچی غه‌مباریت؟ بۆ له‌ ناخمدا ده‌ناڵێنێت؟ ئومێدت به‌ خودا هه‌بێت، چونكه‌ هه‌ر سوپاسی ئه‌و ده‌كه‌م، ئه‌و ڕزگاریده‌ر و خوداوه‌ندمه‌.

زەبوورەکان 74:11

بۆچی ده‌ستت ده‌گێڕیته‌وه‌؟ ده‌سته‌ ڕاستت له‌ باخه‌ڵت ده‌ربێنه‌ و له‌ناویان ببه‌‌.

زەبوورەکان 17:7

میهه‌ربانیه‌كانت ده‌ربخه‌، ئه‌ی ئه‌وه‌ی به‌ ده‌سته‌ ڕاستت ئه‌وانه‌ ڕزگار ده‌كه‌یت كه‌ له‌ دوژمنه‌كانیان په‌نات بۆ ده‌هێنن.

زەبوورەکان 4:6

زۆر كه‌س ده‌ڵێن: “كێ‌ چاكه‌مان نیشان ده‌دات؟”. ڕووناكیی ڕووخسارت به‌سه‌رماندا هه‌ڵبێنه‌ ئه‌ی په‌روه‌ردگار.

زەبوورەکان 80:16

سووتاوه‌ و به‌ ئاگر بڕاوه‌ته‌وه‌. به‌ سه‌رزه‌نشتی ڕووی تۆ له‌ناوده‌چن.

زەبوورەکان 78:55

نه‌ته‌وه‌كانی له‌ به‌رده‌م ده‌ركردن، میراتی به‌ گوریس بۆ دابه‌شكردن. هۆزه‌كانی ئیسڕائیلی له‌ خێوه‌ته‌كانیان نیشته‌جێكرد.

زەبوورەکان 80:9

به‌رڕوویت ئاماده‌ كرد، ڕه‌گ و ڕیشه‌یت داكوتا. زه‌وی پڕكرد.

زەبوورەکان 111:6

هێزی كرده‌وه‌كانی خۆی نیشانی گه‌له‌كه‌ی داوه‌، به‌وه‌ی كه‌ میراتی نه‌ته‌وه‌كانی پێداون.