زەبوورەکان 18:2 - پەیمانی نوێ و زەبوورەکان بە سۆرانی

² په‌روه‌ردگار تاشه‌به‌ردی منه‌، قه‌ڵامه‌ و ده‌ربازگه‌رمه‌. خوداوه‌ندم تاشه‌به‌ردی منه‌ كه‌ په‌نای بۆ ده‌به‌م. قه‌ڵغانمه‌، قۆچی ڕزگاریمه‌، په‌ناگامه‌.

كوردی سۆرانی ستانده‌رد

² یەزدان تاشەبەردی منە، قەڵا و دەربازکەرمە، خودام ئەو تاشەبەردەیە کە پەنای بۆ دەبەم، قەڵغان و هێزی ڕزگاریمە، پەناگای منە.

زەبوورەکان 18:2 Referans Kwoze

زەبوورەکان 144:2

ئه‌و میهره‌بانی و په‌ناگامه‌. تاشه‌به‌رد و ده‌ربازكاره‌ بۆم، قه‌ڵغانمه‌ و پشتم به‌و به‌ستووه‌، گه‌له‌كانی خستووه‌ته‌ ژێر ڕكێفم.

زەبوورەکان 62:7

ڕزگاری و شكۆمه‌ندی من به‌ خوداوه‌ به‌نده‌، تاشه‌به‌ردی به‌هێزمه‌، په‌نای من له‌ خودایه‌.

زەبوورەکان 91:2

به‌ په‌روه‌ردگار ده‌ڵێم‌: “تۆ په‌ناگامی، قه‌ڵامی، خوداوه‌ندی منی پشتت پێده‌به‌ستم”.

زەبوورەکان 19:14

با قسه‌ی زارم و بیركردنه‌وه‌ی دڵم جێی ڕه‌زامه‌ندی تۆ بێت، ئه‌ی په‌روه‌ردگار، تاشه‌به‌ردی من و ڕزگاریده‌رم.

زەبوورەکان 62:2

ته‌نها ئه‌و تاشه‌به‌رد و ڕزگاریمه‌، په‌ناگای منه‌، هه‌رگیز ناله‌قێم.

زەبوورەکان 91:4

به‌ باڵی خۆی داتده‌پۆشێت. له‌ژێر باڵه‌كانی په‌نا ده‌گریت و ڕه‌واكه‌ی قه‌ڵغان و شوورایه‌.

عیبرانییەکان 2:13

هه‌روه‌ها: “من به‌وه‌ پشتبه‌ستوو ده‌بم”. دیسان: “ئه‌وه‌تا خۆم و ئه‌و ڕۆڵانه‌ی خودا پێیداوم”.

زەبوورەکان 28:1

ئه‌ی په‌روه‌ردگار من بۆ تۆ هاوار ده‌كه‌م. ئه‌ی تاشه‌به‌رده‌كه‌م، گوێی خۆتم لێ‌ كه‌ڕ مه‌كه‌، چونكه‌ ئه‌گه‌ر خۆتم لێ‌ بێده‌نگ بكه‌یت، وه‌ک ئه‌وانه‌م لێ‌ دێت كه‌ شۆڕ ده‌بنه‌وه‌ نێو گۆڕ.

زەبوورەکان 59:11

ئه‌ی په‌روه‌ردگار، قه‌ڵغانی ئێمه‌، مه‌یانكوژه‌، ئه‌گینا گه‌لی من له‌بیریان ده‌چێت. به‌ هێزی خۆت وێڵ و سه‌رگه‌ردیان بكه‌ و بیانكه‌وێنه‌.

زەبوورەکان 75:10

هێزی هه‌موو به‌دكاره‌كان ده‌ڕووخێنم، هێزی خوداناسانیش زیاد ده‌كه‌م.

زەبوورەکان 132:17

له‌وێ‌ قۆچ بۆ داوید ده‌ڕوێنم. چرایه‌ک بۆ مه‌سیحه‌كه‌م ئاماده‌ ده‌كه‌م.

زەبوورەکان 116:1

په‌روه‌ردگارم خۆش ده‌وێت، چونكه‌ ده‌نگ و پاڕانه‌وه‌م ده‌بیستێت.