زەبوورەکان 102:2 - پەیمانی نوێ و زەبوورەکان بە سۆرانی

² له‌ ڕۆژی ته‌نگانه‌دا ڕووی خۆتم لێ مه‌شاره‌وه‌. له‌و ڕۆژه‌ی كه‌ هاوارت بۆ ده‌كه‌م گوێم بۆ شل بكه‌. زوو وه‌ڵامم بده‌ره‌وه‌.

كوردی سۆرانی ستانده‌رد

² لە ڕۆژی تەنگانەدا ڕووی خۆتم لێ مەشارەوە، لەو ڕۆژەی کە هاوارت بۆ دەکەم گوێم بۆ شل بکە، زوو وەڵامم بدەوە.

زەبوورەکان 102:2 Referans Kwoze

زەبوورەکان 69:17

ڕووت له‌ به‌نده‌ی خۆت مه‌پۆشه‌، چونكه‌ له‌ ته‌نگانه‌دام. زوو وه‌ڵامم بده‌ره‌وه‌.

زەبوورەکان 27:9

ڕووی خۆتم لێ‌ مه‌شاره‌وه‌. به‌نده‌ی خۆت به‌ تووڕه‌ییت مه‌گه‌ڕێنه‌وه‌. یارمه‌تیده‌ری من بوویت ئه‌ی خودای ڕزگاریده‌رم، ڕه‌تم مه‌كه‌وه‌ و جێم مه‌هێله‌.

زەبوورەکان 104:29

ڕوو وه‌رده‌گێڕیت، ده‌تۆقن. هه‌ناسه‌یان لێده‌بڕیت و ده‌مرن، ده‌گه‌ڕێنه‌وه‌ بۆ گڵی خۆیان.

زەبوورەکان 70:1

خودایه‌ خێرا به‌ بۆ ده‌ربازكردنم، ئه‌ی په‌روه‌ردگار بۆ یاره‌مه‌تیدانم‌.

یەکەم کۆرنسۆس 10:13

تاقیكردنه‌وه‌تان تووش نه‌بووه‌ مرۆڤانه‌ نه‌بێت، به‌ڵام خودا سه‌ڕراسته‌، كه‌ نایه‌ڵێت زیاتر له‌ توانای خۆتان تاقی بكرێنه‌وه‌، به‌ڵكو له‌گه‌ڵ تاقیكردنه‌وه‌ ده‌ربازبوونتان بۆ داده‌نێت، تاكو بتوانن به‌رگه‌ بگرن.

زەبوورەکان 143:7

ئه‌ی په‌روه‌ردگار، زوو وه‌ڵامم بده‌ره‌وه‌. ڕووحم له‌ناوده‌چێت. ڕووی خۆتم لێ‌ مه‌شاره‌وه‌، ئه‌گینا له‌وانه‌ ده‌چم كه‌ شۆڕده‌بنه‌وه‌ نێو گۆڕ.

زەبوورەکان 71:2

به‌ دادپه‌روه‌ریت فریام بكه‌وه‌ و ده‌ربازم بكه‌. گوێم بۆ ڕاگره‌ و ڕزگارم بكه‌.

زەبوورەکان 40:13

په‌روه‌ردگار ڕازی به‌، ده‌ربازم بكه‌. په‌روه‌ردگار بۆ یارمه‌تی دانم خێرا به‌.

زەبوورەکان 31:2

گوێت بۆم شل بكه‌. خێرا فریام بكه‌وه‌. ببه‌ به‌و تاشه‌به‌رده‌ی په‌نای بۆ ده‌به‌م، به‌و قه‌ڵا سه‌خته‌ بۆ ڕزگار كردنم.

زەبوورەکان 22:19

به‌ڵام تۆ ئه‌ی په‌روه‌ردگار، دوور مه‌كه‌وه‌. ئه‌ی هێزی من، زوو بگه‌ فریام.

زەبوورەکان 13:1

ئه‌ی په‌روه‌ردگار تاكه‌ی به‌ ته‌واوی له‌بیرم ده‌كه‌یت؟ تا كه‌ی ڕووی خۆتم لێ‌ ده‌شاریته‌وه‌؟

زەبوورەکان 17:1

ئه‌ی په‌روه‌ردگار، ڕه‌وا ببیسته‌. گوێ‌ له‌ هاوارم بگره‌. گوێ‌ شل بكه‌ بۆ نوێژه‌كه‌م، كه‌ له‌ لێوی بێ فێڵ دێته‌ ده‌ره‌وه‌.