زەبوورەکان 102:1 - پەیمانی نوێ و زەبوورەکان بە سۆرانی

¹ ئه‌ی په‌روه‌ردگار. گوێ‌ له‌ نوێژم بگره‌، با هاوارم بگاته‌ لات.

كوردی سۆرانی ستانده‌رد

¹ ئەی یەزدان، گوێ لە نوێژم بگرە، با هاوارم بگاتە لات.

زەبوورەکان 102:1 Referans Kwoze

زەبوورەکان 18:6

له‌ ته‌نگانه‌مدا له‌ په‌روه‌ردگار پاڕامه‌وه‌، هاوارم بۆ خوداوه‌ندم كرد، له‌ په‌رستگاكه‌ی گوێی له‌ده‌نگم بوو، هاوارم گه‌یشته‌ به‌ر گوێی.

زەبوورەکان 61:2

له‌وپه‌ڕی زه‌وییه‌وه‌ هاوار بۆ تۆ ده‌كه‌م، كه‌ دڵم لاواز ده‌بێت. ڕێبه‌ریم بكه‌ بۆ سه‌ر تاشه‌به‌ردێكی له‌ خۆم بڵندتر.

زەبوورەکان 39:12

ئه‌ی په‌روه‌ردگار گوێ‌ له‌ نوێژم بگره‌، گوێ‌ له‌ هاوارم بگره‌. له‌ ئاست گریانم بێده‌نگ مه‌به‌. چونكه‌ له‌لای تۆ وه‌ک نامۆیه‌كم، میوانم وه‌ک هه‌موو باوباپیرانم.

عیبرانییەکان 5:7

ئیشۆع له‌ ڕۆژانی جه‌سته‌ی خۆیدا، نوێژ و پاڕانه‌وه‌ی به‌ هاواری توند و فرمێسكه‌وه‌ پێشكه‌ش كرد، بۆ توانادار تا له‌ مه‌رگ ڕزگاری بكات، ئیتر له‌به‌ر خواترسییه‌كه‌ی گوێی لێ گیرا.

لۆقا 22:44

كه‌ له‌ ململانێدا بوو، به‌ پێداگرتنێكی توند نوێژی ده‌كرد، ئاره‌قه‌كه‌ی وه‌ک دڵۆپی خوێن ده‌كه‌وته‌ سه‌ر زه‌وی.

زەبوورەکان 143:7

ئه‌ی په‌روه‌ردگار، زوو وه‌ڵامم بده‌ره‌وه‌. ڕووحم له‌ناوده‌چێت. ڕووی خۆتم لێ‌ مه‌شاره‌وه‌، ئه‌گینا له‌وانه‌ ده‌چم كه‌ شۆڕده‌بنه‌وه‌ نێو گۆڕ.

زەبوورەکان 143:4

ڕووحم بێ ووره‌ ده‌بێت. له‌ ناخمدا دڵم ده‌به‌سترێت.

زەبوورەکان 5:2

گوێ‌ له‌ ده‌نگی نزام بگره‌، ئه‌ی پاشا و خوداوه‌نده‌كه‌م، چونكه‌ بۆ تۆ نوێژ ده‌كه‌م.

زەبوورەکان 145:19

ئاره‌زووی هه‌موو ئه‌وانه‌ به‌جێ‌ ده‌هێنێت كه‌ لێیده‌ترسن. گوێی له‌ هاواریان ده‌بێت و ڕزگاریان ده‌كات.

زەبوورەکان 77:3

بیر له‌ خودا ده‌كه‌مه‌وه‌ و ده‌ناڵێنم. ورد ده‌بمه‌وه‌ و ڕووحم ده‌بوورێته‌وه‌. سیلاه‌.

زەبوورەکان 62:8

هۆ خه‌ڵكینه‌، هه‌موو كاتێ پشت به‌و ببه‌ستن. دڵی خۆتانی له‌ به‌رده‌م هه‌ڵڕێژن، چونكه‌ خودا په‌ناگای ئێمه‌یه‌. سیلاه‌.

زەبوورەکان 42:4

هه‌ناوم ده‌توێته‌وه‌ ئه‌و كاته‌ی دێته‌وه‌ یادم: چۆن له‌گه‌ڵ كۆمه‌ڵانی خه‌ڵكدا ده‌ڕۆیشتین، به‌ره‌و ماڵی خودا پێشڕه‌ویيانم ده‌كرد، به‌ ده‌نگی په‌سنی و سوپاسه‌وه‌، له‌نێو كۆمه‌ڵی جه‌ژنگێڕان.

زەبوورەکان 12:5

په‌روه‌ردگار ده‌فه‌رمووێت: “له‌به‌ر زۆرلێكرانی هه‌ژاران و ناڵه‌ی كڵۆڵان، ئێستا ڕاده‌په‌ڕم، ئه‌و ئاسووده‌ییه‌یان ده‌ده‌مێ‌ له‌وانه‌ی په‌ستیان ده‌كه‌ن”.