Tito 3:9 - Nuevo Testamento Uwotjüja

⁹ Ja̧'wa̧nü̧ ja̧'a̧nä̧ ja̧'a̧tä̧ ttukuokunä̧mä̧ päkuä'chäkuäwä ja̧'wa̧ta̧nü̧ kuä̧ju̧kuä̧ tä̧do̧tü̧ mi̧nä̧ ttütü'kü ttukuokumä̧ ja̧'wa̧ta̧nü̧ Moisé weäwä wȩnȩ jäwänä̧mä̧. Ja̧u̧mä̧ yoriso ppädokü ja̧'wa̧ta̧nü̧ oipokü.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧nä̧ ttö̧ja̧ amönä ttucuocu huȩnȩ'i̧nä̧, tä̧do̧tö̧ mi̧nä̧ ttö̧ji̧nö̧ ttucuocu huȩnȩ'i̧nä̧ cucuocuä'. Ja̧'hua̧ta̧nö̧ ttahuaruhuärö ra̧huä̧rö̧ ttucuocu huȩnȩ'i̧nä̧, Moisés hueähuä huȩnȩ ttucuocu huȩnȩ'i̧nä̧ cucuocuä' Tito. Ja̧u̧mä̧ yoröiso micuähuocö huȩnȩ ja̧'a̧.

Tito 3:9 Referans Kwoze

2 Timoteo 2:14

Kkorotürü amükuädi, ja̧'wa̧ta̧nü̧ Dio ä'ka jo̧mȩttü̧ pä'ä'chäkuäu ttürowäu juiyükua'anü̧ ji'äwitü. Jua̧u̧ pä'chäkuäwämä̧ ya̧tȩrü̧'i̧nä̧ ppädokü, ja̧'wa̧ta̧nü̧ ä̧ju̧kuä̧tu̧rü̧tä̧ surojuoepü.

2 Timoteo 2:23

Pä'chäkuäwä ukuru yoriso ppädokumä̧ kuä̧ju̧kuä̧, ja̧'wa̧nü̧ pä'ä'chäkuäwätümä̧ rowäwäkuänä̧tä̧ kä'ädätü.

1 Timoteo 4:7

Ja̧'wa̧nü̧ ja̧'a̧nä̧ täbokü jäwä, Dio-rü esetokotü, tta̧mü̧kuädü jui'ätü jittäumä̧ kuesetä. Ja̧u̧ ja̧jü̧jueimä̧, rȩrü̧jü̧ toäkuäwänä̧ yaboku juruwächi'i;

2 Timoteo 2:16

Dio-rü esetokotü pättä'chäkuäumä̧ kuä̧ju̧kuä̧, jua̧u̧mä̧ ukurumä̧ yoriso ppädokü. Ja̧'wa̧nü̧ pä'ä'chäkuäwätümä̧ yabokutä surojuo'ächätü.

Tito 1:14

Ja̧'wa̧ta̧nü̧ ppä'ädätukuitü judío kkä'äbe'ü jittäu ttesetü juiyäkua'anü̧ ja̧'wa̧ta̧nü̧ yapare ttü̧ja̧ weäwä wȩnȩ jittäu ttä̧ju̧ku̧ juiyäkua'anü̧.

1 Corintios 8:1

Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.

1 Corintios 13:2

Ja̧'wa̧ta̧nü̧ Dio i̧mi̧nä̧ jiäkuäwä chu̧ju̧nä̧ra̧ja̧ pä'ü'i̧nä̧, ttu̧wo̧juo̧kü̧ jäwä o'kajuiyünä̧ chu̧wo̧jua̧ja̧ pä'ü'i̧nä̧, wo̧juä̧wä̧ wȩnȩ chu̧wo̧juo̧ttü̧'i̧nä̧, müä'ka'i̧nä̧ pporächi'ünä̧ cha̧'kua̧ chu̧wȩnä̧rü̧ttü̧'i̧nä̧, eseu repeäkuäwä juidüttümä̧, ttümä̧ mikuäwokütä jȩpü̧sä̧.

Santiago 4:1

¿Tottü icha'ajä̧ttü̧ kurämä̧ ja̧'wa̧ta̧nü̧ rowäwäkuäwämä̧ ukututtümä̧kü̧? Ja̧'wa̧ta̧nü̧ surojü kkü'kekumä̧ jakuänä̧ 'kuäopünä̧ rowäu kka̧ku̧ ja̧'a̧.